Click it and Unblock the Notifications
Just In
Don't Miss
-
വേനൽക്കാല യാത്രയിലെ ട്രെൻഡിങ് ഇടങ്ങൾ.. ഗൂഗിളിന്റെ ലിസ്റ്റ്.. ഇതിലേതാണ് നിങ്ങളുടെ ഇടം? -
ഫാഷൻ ലോകത്തെ താര റാണി; കൈയിലെത്തുന്നത് കോടികൾ; മാളവികയുടെ സമ്പാദ്യം; റിപ്പോർട്ട് -
IPL 2024: ഡിക്കെ എന്തിനു ലോകകപ്പ് ടീമില്? റായുഡുവിനെ കളിയാക്കി ഇര്ഫാന്, സഞ്ജു മതി -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ലോക്സഭാ തിരഞ്ഞെടുപ്പ് 2019: അടിമുടി പരിഷ്കരിച്ച് സിഐഎസ്എഫ്, പ്രചാരണത്തിന് കടുത്ത സുരക്ഷ!
ദില്ലി: 2019ലെ ലോക്സഭാ തിരഞ്ഞെടുപ്പിന് മുന്നൊരുക്കവുമായി സിഐഎസ്എഫ്. രാജ്യത്ത് വിവിഐപികള്‍ക്ക് സുരക്ഷയൊരുക്കുന്ന സെന്‍ട്രല്‍ ഇന്‍ഡസ്ട്രിയല്‍ സെക്യൂരിറ്റി ഫോഴ്സാണ് ഹൈടെക് ആയുധങ്ങളുമായി മുഖം മിനുക്കുന്നത്. ഉന്നത രാഷ്ട്രീയ നേതാക്കളും വിവിഐപികളും രാജ്യസഭാ തിരഞ്ഞെടുപ്പിനായി പ്രചാരണം നടത്തുമ്പോള്‍ സുരക്ഷ ഉറപ്പാക്കുകയാണ് സിഐഎസ്എഫിന്റെ ലക്ഷ്യം.
നിലവില്‍ 74 വിവിഐപികള്‍ക്കാണ് സിഐഎസ്എഫ് സുരക്ഷയൊരുക്കുന്നത്. ബിജെപി ദേശീയ അധ്യക്ഷന്‍ അമിത് ഷാ, കേന്ദ്രമന്ത്രിമാരായ അരുണ്‍ ജെയ്റ്റ്ലി, നിതിന്‍ ഗഡ്കരി, കിരണ്‍ റിജിജു എന്നിവരാണ് സിഐഎസ്എഫ് സുരക്ഷയൊരുക്കുന്നവരില്‍ ഉള്‍പ്പെടുന്നത്. വരും ദിവസങ്ങളില്‍ ഈ പട്ടികയിലുള്ളവരുടെ എണ്ണം വര്‍ധിക്കുകയും ചെയ്യും. നിലവില്‍ സിആര്‍പിഎഫും ഇന്തോ ടിബറ്റന്‍ പോലീസും സുരക്ഷയൊരുക്കുന്ന വിവിഐപികള്‍ക്ക് സിഐഎസ്എഫ് സുരക്ഷയൊരുക്കുമെന്നാണ് കേന്ദ്ര ആഭ്യന്തര മന്ത്രാലയം കരുതുന്നത്. എകെ 47, എംപി 5, കാര്‍ബൈന്‍ എന്നിങ്ങനെ ആധുനിക ആയുധങ്ങള്‍ വാങ്ങുന്നതിനാണ് സിഐഎസ്എഫ് ഉത്തരവിട്ടിട്ടുള്ളതെന്ന് ഇന്ത്യാ ടുഡേ റിപ്പോര്‍ട്ട് ചെയ്യുന്നു. നിലവില്‍ കേന്ദ്ര പാരാമിലിട്ടറി സേനകളില്‍ സിആര്‍പിഎഫാണ് എക്സ് 95 അസോള്‍ട്ട് റൈഫിള്‍ ഉപയോഗിക്കുന്നത്.
വിവിഐപികള്‍ക്ക് സുരക്ഷയൊരുക്കുന്നതിന് പുറമേ സിഐഎസ്എഫിന് രാജ്യത്തെ 61 വിമാനത്താവളങ്ങളിലും ദില്ലി മെട്രോയിലും അത്യാധുനിക ആയുധങ്ങളോടെ ഉദ്യോസ്ഥരെ വിന്യസിക്കാനും നിര്‍ദേശം ലഭിച്ചിട്ടുണ്ട്. നിലവില്‍ ഇന്ത്യന്‍ സൈന്യത്തിന്റെ ഷൂട്ടിംഗ് റേഞ്ചുകളെ ആശ്രയിക്കുന്ന സിഐഎസ്എഫിന് പരിശീലനം നടത്തുന്നതിന് രണ്ട് ടര്‍ബുലര്‍ ഷൂട്ടിംഗ് റേഞ്ചുകളും സ്ഥാപിക്കും. ദില്ലിയില്‍ ഷൂട്ടിംഗ് റേഞ്ച് സ്ഥാപിക്കണമെന്ന ആവശ്യമാണ് സിഐഎസ്എഫ് മുന്നോട്ടുവക്കുന്നത്. 20 കോടിയാണ് പദ്ധതിക്ക് ചെലവ് പ്രതീക്ഷിക്കുന്നത്.
