• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കള്ള് മാഹാത്മ്യം വിളമ്പി തെലങ്കാന മന്ത്രി; സകല രോഗങ്ങളും മാറും, ക്യാന്‍സര്‍ ഉള്‍പ്പെടെ 15 രോഗങ്ങള്‍!

ഹൈദരാബാദ്: ക്യാന്‍സര്‍ ഉള്‍പ്പെടെ 15 രോഗങ്ങള്‍ നിശ്പ്രയാസം മാറാന്‍ കള്ള് കുടിച്ചാല്‍ മതിയെന്ന് തെലങ്കാന മന്ത്രി. പുത്തന്‍ ആഢംബര കാറുകളില്‍ എത്തുന്നവര്‍ പോലും ഇപ്പോള്‍ കള്ള് കുടിക്കുന്നത് ഇതുകൊണ്ടാണെന്നും അദ്ദേഹം പറഞ്ഞു. തെലങ്കാന എക്‌സൈസ് മന്ത്രി വി ശ്രീനിവാസ് ഗൗഡ് ആണ് ജനങ്ങള്‍ക്ക് മുമ്പില്‍ കള്ള് മാഹാത്മ്യം വിളമ്പിയത്. ജന്‍ഗാവ് ജില്ലയില്‍ സ്വാതന്ത്ര്യ സമര സേനാനി സര്‍വായ് പപണ്ണയുടെ പ്രതിമ അനാഛാദാനം നിര്‍വഹിച്ച് സംസാരിക്കുകയായിരുന്നു മന്ത്രി.

കള്ള് ശരീരത്തിന് നല്ലതാണെന്ന് പഠനത്തില്‍ തെളിഞ്ഞിട്ടുണ്ടത്രെ. എല്ലാവരും കള്ള് കുടിക്കണം. ക്യാന്‍സര്‍ ഉള്‍പ്പെടെയുള്ള മാരക രോഗങ്ങള്‍ പോലും ഭേദമാകും. പനമരത്തില്‍ നിന്നെടുക്കുന്ന കള്ള് യാതൊരു മായവും ചേര്‍ക്കാത്തതാണ്. ഇതിന് മരുന്നിന്റെ മൂല്യമാണുള്ളതെന്നും മന്ത്രി പറഞ്ഞു. കള്ള് ഒരു കാലത്ത് പാവപ്പെട്ടവന്റെ മദ്യമായിരുന്നു. എന്നാല്‍ ഇന്ന് കാലം മാറി. ബെന്‍സ് കാറില്‍ എത്തുന്നവര്‍ പോലും കള്ള് കുടിക്കുകയാണ്. കള്ള് ചെത്ത് ഒരു തൊഴിലായി പ്രഖ്യാപിക്കുന്ന കാര്യം തെലങ്കാന സര്‍ക്കാരിന്റെ പരിഗണനയില്‍ ആണെന്നും മന്ത്രി പറഞ്ഞു.

കശ്മീരില്‍ 'പെണ്‍പുലി'യെ ഇറക്കി കേന്ദ്രം; ഭയം എന്തെന്ന് അറിയാത്ത ചാരു സിന്‍ഹ, ആരാണിവര്‍...?

cmsvideo
    BJP top spender on political ads on facebook | Oneindia Malayalam

    കള്ള് കുടി പ്രോല്‍സാഹിപ്പിക്കാന്‍ മന്ത്രി ഇത്തരത്തില്‍ പറയുന്നത് ആദ്യമല്ല. മദ്യത്തിന് പകരം എല്ലാ ജില്ലകളിലും കള്ള് വില്‍ക്കാന്‍ അനുമതി നല്‍കുന്ന കാര്യം പരിഗണിക്കുന്നുണ്ടെന്ന് നേരത്തെ അദ്ദേഹം പറഞ്ഞിരുന്നു. കൊറോണയുടെ പശ്ചാത്തലത്തില്‍ വൈന്‍ ഷോപ്പുകള്‍ അടച്ച വേളയിലാണ് മന്ത്രി ഇങ്ങനെ പറഞ്ഞിരുന്നത്. പനങ്കള്ളില്‍ നിന്ന് നീര ഉല്‍പ്പാദിപ്പിക്കുമെന്നും സര്‍ക്കാര്‍ വില്‍പ്പന നടത്തുമെന്നും മന്ത്രി സൂചിപ്പിച്ചിരുന്നു. തെലങ്കാന സര്‍ക്കാരും പാം പ്രൊഡക്ട് റിസര്‍ച്ച് ഫൗണ്ടേഷനും ചേര്‍ന്നാണ് നീര ഉല്‍പ്പാദിപ്പിക്കുക എന്നും അദ്ദേഹം പറഞ്ഞിരുന്നു.

    യോഗി സര്‍ക്കാരിന് കനത്ത തിരിച്ചടി; കഫീല്‍ ഖാനെ മോചിപ്പിക്കാന്‍ കോടതി ഉത്തരവ്, എന്‍എസ്എ റദ്ദാക്കി

    നീര വൃക്കയിലെ കല്ല് ഇല്ലാതാക്കും. പ്രമേഹ രോഗം ഭേദമാക്കും. മൂത്രാശയത്തിന്റെ പ്രവര്‍ത്തനം സുഗമമാക്കും. പ്രതിരോധ ശേഷി വര്‍ധിപ്പിക്കും. മലബന്ധം കുറയ്ക്കും. ശരീരം തണുപ്പിക്കും. മൈഗ്രേന്‍ കുറയ്ക്കും. പൊട്ടാസ്യവും ഇരുമ്പും അടങ്ങിയ നീര ശ്വസന സംബന്ധമായ എല്ലാ പ്രശ്‌നങ്ങളും പരിഹരിക്കുമെന്നും മന്ത്രി അവകാശപ്പെട്ടു.

    സൗദിയില്‍ പ്രതിരോധ അഴിമതി; രാജകുടുംബാംഗങ്ങളെ പുറത്താക്കി, നിലപാട് കടുപ്പിച്ച് ബിന്‍ സല്‍മാന്‍

    English summary
    Toddy can cure 15 diseases, including cancer- claimed Telangana minister
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X