മൂത്രമൊഴിച്ചിട്ട് ക്ലോസറ്റ് ഫ്ലെഷ് ചെയ്തില്ല...റൂംമേറ്റിനെ വിദ്യാർത്ഥി കുത്തിക്കൊന്നു...!!!

എഞ്ചിനീയറിംഗി വിദ്യാര്‍ത്ഥിയായ രോഹിത് (22) ആണ് കൊല്ലപ്പെട്ടത്.

By മരിയ

Updated: Saturday, March 25, 2017, 12:31 [IST]

ബെംഗളൂരു: കക്കൂസില്‍ പോയതിന് ശേഷം ക്ലോസറ്റ് ഫ്‌ളെഷ് ചെയ്യാത്ത റൂമേറ്റിനെ വിദ്യാര്‍ത്ഥി കുത്തിക്കൊന്നു. എഞ്ചിനീയറിംഗി വിദ്യാര്‍ത്ഥിയായ രോഹിത് (22) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് രോഹിതിന്റെ സുഹൃത്ത് രവീഷ്(21) നെ വിജയനഗര്‍ പോലീസ് കസ്റ്റഡിയില്‍ എടുത്തു.

മദ്യപിച്ച് ലക്ക് കെട്ടാണ് രോഹിത് ഹോസ്റ്റലില്‍ എത്തിയത്. വന്ന ഉടന്‍ നേരെ പോയത് കക്കൂസിലേക്കാണ്. ഈ സമയം രവീഷ് അടക്കമുള്ളവര്‍ റൂമില്‍ ഇരിയ്ക്കുന്നുണ്ടായിരുന്നു.

മൂത്രമൊഴിച്ച ശേഷം രോഹിത് ക്ലോസറ്റ് ഫ്‌ളെഷ് ചെയ്തില്ല. പുറകെ ബാത്തറൂമില്‍ എത്തിയ രവീഷിന് ദുര്‍ഗന്ധം സഹിയ്ക്കാനായില്ല. മദ്യപിച്ചിരുന്നതിനായി മൂത്രത്തിന് രൂക്ഷ ഗന്ധം ആയിരുന്നു.

ബാത്തറൂമില്‍ നിന്ന് പുറത്തിറങ്ങി വന്ന രവീഷ് രോഹിത്തിനോട് ഫ്‌ളെഷ് ചെയ്യാന്‍ ആവശ്യപ്പെട്ടു. എന്നാല്‍ രോഹിത് അതിന് തയ്യാറായില്ല. മാത്രമല്ല രവീഷുമായി വാക്ക് തര്‍ക്കവും തുടങ്ങി.

വാക്ക് തര്‍ക്കം മൂത്തപ്പോള്‍ റൂമിലുണ്ടായിരുന്ന കത്തി എടുത്ത് രവീഷ് രോഹിത്തിനെ കുത്തുകയായിരുന്നു. കഴുത്തിന് ഗുരുതരമായി കുത്തേറ്റ വിദ്യാര്‍ത്ഥിയെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.