ടൂള്കിറ്റ് കേസ്; ദിഷ രവിയുടെ ജാമ്യ ഹര്ജി ഇന്ന് കോടതിയില്
ന്യൂഡല്ഹി: ടൂള് കിറ്റ് കേസില് ദില്ലി പോലീസ് അറസ്റ്റ് ചെയ്ത ബംഗളൂര് സ്വദേശി ദിഷ രവിയുടെ ജാമ്യാപേക്ഷ ഇന്ന് പാട്യാല ഹൗസ് കോടതി വീണ്ടും പരിഗണിക്കും. ടൂള്കിറ്റ് കേസില് ദില്ലി പോലീസ് ഇരുട്ടില് തപ്പുകയാണോ എന്ന് സംശയം പ്രകടിപ്പിച്ചാണ് പാട്യാല ഹൗസ് കോടതി കഴിഞ്ഞ തവണ കേസ് പരിഗണിച്ചപ്പോള് ദിഷയെ കസ്റ്റഡിയില് വിട്ടത്.
ടൂല്കിറ്റ് ദേശവിരുദ്ധ വിരുദ്ധമാണ് എന്നതിനും ദിഷയടക്കമുള്ള കുറ്റാരോപിതര് ദേശവിരുദ്ധ പ്രവര്ത്തനം നടത്തിയെന്നതിനും കൃത്യമായ തെളിവ് നല്കാന് കോടതി ആവശ്യപ്പെട്ടിരുന്നു. ഇതിന് പിന്നാലെയാണ് ദിഷയുടെ ജാമ്യ ഹര്ജി ദില്ലി കോടതി പരിഗണിക്കുന്നത്. ദിഷക്ക് ജാമ്യം കിട്ടിയാല് അത് ദില്ലി പോലീസിന് കനത്ത തിരിച്ചടിയാകും. ജാമ്യഹര്ജിയേ ശക്തമായി എതിര്ക്കാനാകും ദില്ലി പോലീസിന്റെ ശ്രമം. അതേസമയം മുംബൈ ഹൈക്കോടതി ജാമ്യം അനുവദിച്ച നികിതയും, ശാന്തനുവും ഇന്നലെ ദില്ലി പോലീസിന് മുന്നില് ഹാജരായി. ദില്ലി പോലീസിന്റെ സമന്സിന്റെ അടിസ്ഥാനത്തിലാണ് ഹാജരായത്.
സൈബര്സെല്ലിന്റെ മുമ്പാകെ ഹാജരായ ഇരുവരില് നിന്നും പോലീസ് പ്രാഥമിക മൊഴി രേഖപ്പെടുത്തി. ഇന്ന് ഇവരെ ദിഷക്കൊപ്പം ഇരുത്തി ചോദ്യം ചെയ്യും . കര്ഷക സമരത്തിന് പിന്തുണ നല്യെന്നതല്ലാതെ പോലീസ് ആരോപിക്കുന്നത് പോലെ ഖാലസ്ഥാന് അനുഭാവികളോ സംഘടനകളുമായോ തങ്ങള്ക്ക് ബന്ധമില്ലെന്നാണ് കേസിലെ കുറ്റാരോപിതര് പറയുന്നത്
കര്ഷക സമരത്തിന് പിന്തുണപ്രഖ്യാപിച്ച് പരിസ്ഥിതി പ്രവര്ത്തകയായ ഗ്രേറ്റ തുബര്ഗ് ട്വിറ്ററില് പങ്കുവെച്ച ടൂള്കിറ്റ് എഡിറ്റ് ചെയ്തുവെന്നാരോപിച്ച് ബംഗളൂരുവില് നിന്നാണ് ഗ്രേറ്റ തുംബര്ഗ് അറസ്റ്റിലാകുന്നത്. ദിഷയുടെ അറസ്റ്റിനെതിരെ വ്യാപക പ്രതിഷേധം ഉയര്ന്നെങ്കിലും കേസുമായി മുന്നോട്ട് പോകാന് ദില്ലി പോലീസ് തീരുമാനിക്കുകയായിരുന്നു. ദിഷക്കും സംഘത്തിനും ഖാലിസ്ഥാന് സംഘടനകളുമായി നേരിട്ട് ബന്ധമുണ്ടാന്നാണ് ദില്ലി പോലീസ് ഉയര്ത്തുന്ന പ്രധാന വാദം.
Recommended Video