രാജ്യത്ത് ഇതുവരെ നൽകിയ ആകെ വാക്‌സിനുകളുടെ എണ്ണം 48.93 കോടി പിന്നിട്ടു

ദില്ലി: രാജ്യത്ത് ഇതുവരെ നൽകിയ ആകെ വാക്‌സിനുകളുടെ എണ്ണം 48.93 കോടി പിന്നിട്ടു. ഇന്ന് രാവിലെ 8 വരെയുള്ള താൽക്കാലിക റിപ്പോർട്ട് അനുസരിച്ച് 57,21,937 സെഷനുകളിലൂടെ ആകെ 48,93,42,295 വാക്‌സിൻ ഡോസ് നൽകി. കഴിഞ്ഞ 24 മണിക്കൂറിനുള്ളിൽ 37,55,115 ഡോസ് വാക്‌സിൻ നൽകി. ആരോഗ്യപ്രവർത്തകരില്‍ ഒന്നാം ഡോസ് സ്വീകരിച്ചര്‍ 1,03,21,218 ഉം രണ്ടാം ഡോസ് സ്വീകരിച്ചവര്‍ 79,16,997 ആണും.

കോവിഡ് മുന്നണിപ്പോരാളികൾ ( ഒന്നാം ഡോസ് 1,80,12,481, രണ്ടാം ഡോസ് 1,15,34,779). 18-44 പ്രായപരിധിയിലുള്ളവർ (ഒന്നാം ഡോസ് 16,64,37,738, രണ്ടാം ഡോസ് 1,02,76,584. 45-59 പ്രായപരിധിയിലുള്ളവർ
(ഒന്നാം ഡോസ് 10,90,91,506, രണ്ടാം ഡോസ് 4,09,44,600). 60നുമേൽ പ്രായമുള്ളവർ ( ഒന്നാം ഡോസ് 7,72,63,332, രണ്ടാം ഡോസ് 3,75,43,060) എന്നിങ്ങനെയാണ് വാക്സിന്‍ സ്വീകരിച്ചവരുടെ കണക്ക്.

ഏവർക്കും കോവിഡ്-19 പ്രതിരോധ കുത്തിവയ്പു നൽകുന്ന പ്രക്രിയയുടെ പുതിയ ഘട്ടത്തിന് രാജ്യത്ത് 2021 ജൂൺ 21നാണ് തുടക്കമായത്. രാജ്യത്തൊട്ടാകെ കോവിഡ്-19 പ്രതിരോധ കുത്തിവയ്പ് അതിവേഗത്തിൽ നൽകുന്നതിന് കേന്ദ്രഗവൺമെന്റ് പ്രതിജ്ഞാബദ്ധമാണ്.

രാജ്യത്താകെ ഇതുവരെ 3,09,74,748 പേരാണ് കോവിഡ് മുക്തരായത്. കഴിഞ്ഞ 24 മണിക്കൂറിനുള്ളിൽ 41,726 പേർ സുഖം പ്രാപിച്ചു. ദേശീയ രോഗമുക്തി നിരക്ക് 97.37% ആയി. കഴിഞ്ഞ 24 മണിക്കൂറിനുള്ളിൽ ഇന്ത്യയിൽ പുതുതായി രോഗം സ്ഥിരീകരിച്ചത് 42,982 പേർക്കാണ്.

തുടർച്ചയായ 39-ാം ദിവസവും 50,000ത്തിൽ താഴെയാണ് പുതിയ പ്രതിദിന രോഗബാധിതരുടെ എണ്ണം. കേന്ദ്രത്തിന്റെയും സംസ്ഥാനങ്ങളുടെയും/കേന്ദ്രഭരണപ്രദേശങ്ങളുടെയും നിരന്തരവും കൂട്ടായതുമായ പ്രയത്‌നങ്ങളുടെ ഫലമാണിത്. നിലവിൽ രാജ്യത്തു ചികിത്സയിലുള്ളത് 4,11,076 പേരാണ്. ഇത് രാജ്യത്തെ ആകെ രോഗബാധിതരുടെ 1.29% മാത്രമാണ്.

രാജ്യത്തെ പരിശോധനാ ശേഷി ഗണ്യമായി വർദ്ധിപ്പിച്ചതോടെ കഴിഞ്ഞ 24 മണിക്കൂറിനുള്ളിൽ 16,64,030 പരിശോധനകൾ നടത്തി. ആകെ 47.48 കോടിയിലേറെ (47,48,93,363) പരിശോധനകളാണ് ഇന്ത്യ ഇതുവരെ നടത്തിയത്. പരിശോധനകൾ വർധിപ്പിച്ചപ്പോൾ പ്രതിവാര രോഗസ്ഥിരീകരണ നിരക്ക് നിലവിൽ 2.37 ശതമാനവും പ്രതിദിന രോഗസ്ഥിരീകരണ നിരക്ക് ഇന്ന് 2.58 ശതമാനവുമാണ്. പ്രതിദിന രോഗസ്ഥിരീകരണ നിരക്ക് തുടർച്ചയായ 59-ാം ദിവസവും 5 ശതമാനത്തിൽ താഴെ തുടരുന്നു.

English summary

total number of vaccines given in the country so far has crossed 48.93 crore