കേന്ദ്രത്തിലെ ബിജെപി സർക്കാർ നയങ്ങള്, മോദിയുടെ ദിശാബോധം: ശ്രദ്ധേയ മുന്നേറ്റവുമായി ജമ്മു കശ്മീർ
'ഭൂമിയിലെ സ്വർഗ്ഗം' എന്ന് വിശേഷിപ്പിക്കപ്പെടുന്ന ഇന്ത്യന് ഭൂപ്രദേശമാണ് ജമ്മു കശ്മീർ. കേന്ദ്രത്തില് ബി ജെ പിയുടെ നേതൃത്വത്തിലുള്ള സർക്കാർ അധികാരത്തില് വന്നതിന് ശേഷം ശ്രദ്ധേയമായ പരിവർത്തനങ്ങള്ക്കാണ് ജമ്മു കശ്മീർ വിധേയമായത്. പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ, സമാധാനം പുനഃസ്ഥാപിക്കാനും വികസനം പ്രോത്സാഹിപ്പിക്കാനും ജനാധിപത്യ മൂല്യങ്ങൾ ഉയർത്തിപ്പിടിക്കാനും ലക്ഷ്യമിട്ടുള്ള നിരവധി പരിഷ്കാരങ്ങളുടെയും സംരംഭങ്ങളുടെയും ഒരു പരമ്പരയ്ക്ക് തന്നെ ജമ്മു കശ്മീർ ഇക്കാലയളവില് സാക്ഷ്യം വഹിച്ചു.
ജമ്മു കശ്മീരിലെ ജീവിതത്തിൻ്റെ വിവിധ മേഖലകളിൽ കേന്ദ്രസർക്കർ നയങ്ങള് വരുത്തിയ സ്വാധീനം മികച്ച രീതിയില് തന്നെ പ്രകടമാണ്.
ജമ്മു കശ്മീർ, അഥവാ ഭൂമിയിലെ സ്വർഗ്ഗം
പതിറ്റാണ്ടുകളായി തന്നെ ജമ്മു-കാശ്മീർ അതിമനോഹരമായ ഭൂപ്രകൃതിക്കും സാംസ്കാരിക സമ്പന്നതയ്ക്കും ഒപ്പം തന്നെ അതിന്റെ ചരിത്രപരമായ പ്രാധാന്യത്തിനും പേരുകേട്ടതാണ്. എന്നിരുന്നാല് തന്നെ പതിറ്റാണ്ടുകളായി നിലനിന്ന സംഘർഷം, തീവ്രവാദം, അസ്ഥിരത എന്നിവയെല്ലാം മേഖലയ്ക്കുമേല് കടുത്ത വെല്ലുവിളി ഉയർത്തി. എന്നാല് കഴിഞ്ഞ പത്ത് വർഷത്തിനുള്ളില് പ്രധാനമന്ത്രി മോദിയുടെ നേതൃത്വത്തിൽ ബിജെപി സർക്കാർ ജമ്മു കശ്മീരിനെ 'ഭൂമിയിലെ സ്വർഗ്ഗം' എന്ന പഴയ പ്രതാപത്തിലേക്ക് തിരികെ കൊണ്ടുവരുന്നതില് മികച്ച മുന്നേറ്റമാണ് നടത്തിയിരിക്കുന്നത്.
അടിസ്ഥാന സൗകര്യങ്ങൾ വർധിപ്പിക്കുന്നതിനും ഗതാഗത സംവിധാനം മെച്ചപ്പെടുത്തുന്നതിനും വിനോദസഞ്ചാരം പ്രോത്സാഹിപ്പിക്കുന്നതിനും സർക്കാർ നല്കിയ പ്രാധാന്യം മേഖലയിലേക്ക് ആഭ്യന്തര, അന്തർദേശീയ സഞ്ചാരികള് വീണ്ടും ഒഴുകുന്നതിന് ഇടയാക്കി. പുതിയ ഹൈവേകൾ, വിമാനത്താവളങ്ങൾ, റെയിൽ ലിങ്കുകൾ എന്നിവയുടെ വികസനം വിനോദസഞ്ചാരികൾക്ക് പ്രദേശത്തിൻ്റെ പ്രകൃതി സൗന്ദര്യവും സാംസ്കാരിക പൈതൃകവും എളുപ്പത്തിൽ അടുത്ത് അറിയാന് സഹായിച്ചു. ഇത്തരം പ്രവർത്തനങ്ങളാണ് ജമ്മു കാശ്മീരിലേക്കുള്ള വിനോദസഞ്ചാരികളുടെ വരവ് വർദ്ധിക്കാനുള്ള പ്രധാന കാരണം. ഇതിലൂടെ പ്രാദേശിക സമ്പദ്വ്യവസ്ഥ സജീവമാകുകയും ആയിരക്കണക്കിന് പ്രദേശവാസികള്ക്ക് ഉപജീവന മാർഗ്ഗമാകുകുയം ചെയ്തു.
ജമ്മു കശ്മീരിനോടുള്ള പ്രധാനമന്ത്രി മോദിയുടെ സമീപനത്തിൻ്റെ അടിസ്ഥാന ശിലകളിലൊന്ന് എന്ന് പറയുന്നത് അദ്ദേഹത്തിൻ്റെ വികസന ദിശാബോധവും സമാധാന അജണ്ടയുമാണ്. 2019 ഓഗസ്റ്റിൽ ആർട്ടിക്കിൾ 370 റദ്ദാക്കിയത് ഈ മേഖലയുടെ ചരിത്രപരമായ വഴിത്തിരിവായി. ഈ നീക്കമാണ് ജമ്മു കാശ്മീരിനെ കൂടുതൽ പൂർണ്ണമായി ഇന്ത്യയുമായി സംയോജിപ്പിച്ചത്. ഇതിലൂടെ നിക്ഷേപം, സാമ്പത്തിക വളർച്ച, വികസനം എന്നിവയ്ക്കുള്ള അവസരങ്ങൾ തുറന്നു.
ഇന്ന് ജമ്മു കശ്മീരിൻ്റെ എല്ലാ കോണുകളിലും ത്രിവർണ്ണ പതാക ഉയരുന്നു. ഇത് ഇന്ത്യയുടെ ഐക്യത്തെയും പരമാധികാരത്തെയും പ്രതീകപ്പെടുത്തുന്നു. ഇതിലൂടെ ജനങ്ങൾക്കിടയിൽ അഭിമാനബോധവും സ്വന്തമെന്ന വികാരവും വളർത്തിയെടുക്കുക മാത്രമല്ല, ഇന്ത്യയുടെ പ്രാദേശിക അഖണ്ഡതയ്ക്കും ദേശീയ ഐക്യത്തിനും വേണ്ടിയുള്ള പ്രതിബദ്ധതയെക്കുറിച്ചുള്ള ശക്തമായ സന്ദേശം ലോകത്തിന് നൽകുകയും ചെയ്തു.
പ്രധാനമന്ത്രി മോദിയുടെ നേതൃത്വത്തിൽ, ജമ്മു കശ്മീരിലെ ജനങ്ങളുടെ ജീവിതനിലവാരം മെച്ചപ്പെടുത്താൻ ലക്ഷ്യമിട്ട് സർക്കാർ നിരവധി വികസന പദ്ധതികൾ ആരംഭിക്കുകയും ചെയ്തിട്ടുണ്ട്. വിദ്യാഭ്യാസ സ്ഥാപനങ്ങൾ, ആരോഗ്യ സംരക്ഷണ സൗകര്യങ്ങൾ, വ്യാവസായിക മേഖലകൾ എന്നിവയെല്ലാം ഈ പദ്ധതികളുടെ ഭാഗമാണ്.
നൈപുണ്യ വികസനത്തിലും തൊഴിലവസരങ്ങൾ സൃഷ്ടിക്കുന്നതിലും ശ്രദ്ധ കേന്ദ്രീകരിക്കുന്നത് യുവാക്കൾക്ക് മെച്ചപ്പെട്ട ഭാവി കെട്ടിപ്പടുക്കാനുള്ള അവസരങ്ങൾ പ്രദാനം ചെയ്യുന്നു. ഇത് അക്രമപാതയിലേക്കും തീവ്രവാദത്തിലേക്കും നീങ്ങാനുള്ള സാധ്യതകള്ക്ക് മുന്നില് തടസ്സം സൃഷ്ടിക്കുന്നു.
മെച്ചപ്പെട്ട ക്രമസമാധാനവും വർദ്ധിച്ചുവരുന്ന വിനോദ സഞ്ചാരികളും
ബി ജെ പി അധികാരത്തിലെത്തിയതിന് ശേഷം ജമ്മു കശ്മീരിലെ ഏറ്റവും പ്രധാനപ്പെട്ട മാറ്റങ്ങളിലൊന്ന് ക്രമസമാധാനനില ഗണ്യമായി മെച്ചപ്പെട്ടു എന്നതാണ്. ഒരു കാലത്ത് തീവ്രവാദത്തിൻ്റെയും ഭീകരാക്രമണത്തിൻ്റെയും പിടിയിലമർന്ന മേഖലയിൽ ഇന്ന് അക്രമങ്ങളിൽ ഗണ്യമായ കുറവുണ്ടായിട്ടുണ്ട്. രാജ്യസുരക്ഷയിൽ സർക്കാർ സ്വീകരിച്ച ശക്തമായ നിലപാടും സായുധ സേനയ്ക്കുള്ള അചഞ്ചലമായ പിന്തുണയുമാണ് ഇത് സാധ്യമാക്കിയത് എന്നതില് സംശയമില്ല.
സുരക്ഷാ സേനയുടെയും ഇൻ്റലിജൻസ് ഓപ്പറേഷനുകളുടെയും വർദ്ധിച്ച സാന്നിധ്യം ഭീകരരുടെയും വിഘടനവാദികളുടെയും ശൃംഖലയെ ദുർബലപ്പെടുത്തുകയും കൂടുതൽ സുസ്ഥിരവും സുരക്ഷിതവുമായ അന്തരീക്ഷത്തിലേക്ക് മേഖലയെ നയിക്കുകയും ചെയ്യുന്നു. മെച്ചപ്പെട്ട സുരക്ഷാ സാഹചര്യം പ്രദേശവാസികളുടെ ജീവിതത്തിൽ സമാധാനം കൊണ്ടുവരാൻ മാത്രമല്ല, ജമ്മു കശ്മീർ സന്ദർശിക്കുന്നതിൽ വിനോദസഞ്ചാരികളുടെ ആത്മവിശ്വാസം പുനഃസ്ഥാപിക്കുകയും ചെയ്യുന്നു.
മേഖലയുടെ സമ്പദ്വ്യവസ്ഥയിൽ പ്രധാന സംഭാവന നൽകുന്ന ടൂറിസം അഭൂതപൂർവമായ മുന്നേറ്റമാണ് സമീപകാലത്ത് ഉണ്ടാക്കിയിരിക്കുന്നത്. മനോഹരമായ താഴ്വരകളും ശാന്തമായ തടാകങ്ങളും മഞ്ഞ് മൂടിയ പർവതങ്ങളും വീണ്ടും സന്ദർശകരുടെ തിരക്കിലമർന്നിരിക്കുകയാണ്. വിനോദസഞ്ചാരത്തിലെ കുതിച്ചുചാട്ടം, ഹോസ്പിറ്റാലിറ്റി, ഗതാഗതം, കരകൗശലവസ്തുക്കൾ എന്നിവയുൾപ്പെടെ വിവിധ മേഖലകളിൽ വലിയ സ്വാധീനം ചെലുത്തിയിട്ടുണ്ട്, ഇത് പ്രാദേശിക സമ്പദ്വ്യവസ്ഥയ്ക്കും ഉത്തേജനം നൽകുന്നു.
തദ്ദേശ തെരഞ്ഞെടുപ്പിൽ ഉയർത്തിപ്പിടിച്ച ജനാധിപത്യ മൂല്യങ്ങൾ
ജമ്മു കശ്മീരിൽ അടുത്തിടെ നടന്ന തദ്ദേശ തിരഞ്ഞെടുപ്പുകൾ ജനാധിപത്യ മൂല്യങ്ങളോടുള്ള പ്രദേശത്തിൻ്റെ പ്രതിബദ്ധതയുടെ തെളിവാണ്.വർഷങ്ങളോളം നീണ്ട രാഷ്ട്രീയ അസ്ഥിരതയ്ക്ക് ശേഷം നടന്ന ഈ തെരഞ്ഞെടുപ്പിൽ, ജനാധിപത്യ പ്രക്രിയയിലുള്ള ജനങ്ങളുടെ വിശ്വാസത്തെ പ്രതിഫലിപ്പിക്കുന്ന, അസാധാരണമായ ഉയർന്ന വോട്ടിംഗ് ശതമാനം രേഖപ്പെടുത്തുകയുണ്ടായി.
ജനങ്ങളുടെ ശബ്ദം കേൾക്കാനും പ്രാതിനിധ്യം നൽകാനും അക്ഷീണം പ്രയത്നിച്ച ബി ജെ പി സർക്കാരിന് ഈ തെരഞ്ഞെടുപ്പുകളുടെ വിജയകരമായ നടത്തിപ്പ് സുപ്രധാന നേട്ടമായിട്ടാണ് കണക്കാക്കുന്നത്. ജമ്മു കശ്മീരിലെ ജനങ്ങൾ ജനാധിപത്യ പ്രക്രിയയിൽ പങ്കാളികളാകാനും തങ്ങളുടെ പ്രദേശത്തെ ഭരണത്തിൽ അഭിപ്രായം പറയാനും ഉത്സുകരാണ് എന്നതിൻ്റെ വ്യക്തമായ സൂചനയാണ് ഉയർന്ന വോട്ടിംഗ് ശതമാനം എന്നതില് സംശയമില്ല.
പ്രാദേശിക പ്രശ്നങ്ങൾ അഭിസംബോധന ചെയ്യാനും അവരുടെ സമുദായങ്ങളുടെ വികസനത്തിന് സംഭാവന നൽകാനും അവർക്ക് അധികാരം നൽകിക്കൊണ്ട് താഴേത്തട്ടിലുള്ള നേതാക്കളെ ശാക്തീകരിക്കുകയും ചെയ്തു. ഈ അധികാര വികേന്ദ്രീകരണം മേഖലയുടെ ദീർഘകാല സ്ഥിരതയ്ക്കും സമൃദ്ധിക്കും നിർണായകമാണ്.
ബി ജെ പിയുടെ നേതൃത്വത്തിലുള്ള കേന്ദ്ര സർക്കാരിന് കീഴിൽ ജമ്മു കശ്മീർ നടത്തിയ മുന്നേറ്റം ആർക്കും വിസ്മരിക്കാന് കഴിയാത്തതാണ്. വികസന സംരംഭങ്ങൾ, മെച്ചപ്പെട്ട സുരക്ഷ, ജനാധിപത്യ മൂല്യങ്ങളുടെ പ്രോത്സാഹനം എന്നിവയുടെ സംയോജനത്തിലൂടെ, 'ഭൂമിയിലെ സ്വർഗ്ഗം' എന്ന നിലയിൽ മേഖലയുടെ മുഴുവൻ സാധ്യതകളും സാക്ഷാത്കരിക്കുന്നതിന് ഈ സുപ്രധാന നടപടികളാല് സാധ്യമായിട്ടുണ്ട്. ഭാവിയിലും ജമ്മു കശ്മീരിലെ ജനങ്ങൾ സമാധാനം, വികസനം, പുരോഗതി എന്നിവയിൽ തുടർച്ചയായി ശ്രദ്ധ കേന്ദ്രീകരിക്കുന്നതിൽ നിന്ന് പ്രയോജനം നേടാൻ ഒരുങ്ങുകയാണ് എന്നതിലും സംശയമില്ല.
Click it and Unblock the Notifications
Sign in with Google