Click it and Unblock the Notifications
Just In
Don't Miss
-
ഈ വസ്തുക്കള് വീട്ടില് വെക്കുന്നത് ഐശ്വര്യക്കേട്; കഷ്ടകാലം, ധനനഷ്ടം, മനക്ലേശം എന്നിവയുണ്ടാകും -
'അന്ന് പ്രതിഫലം ഒരു രൂപ... ഇപ്പോൾ വാങ്ങുന്നത് മൂന്ന് കോടി വരെ'; ചാക്കോച്ചനൊപ്പമെത്തി പ്രണവിന്റെയും പ്രതിഫലം? -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വ്യോമസേനാ വിമാനം കാട്ടില്‍ തകര്‍ന്ന് വീണു? വിശാഖപട്ടണത്തിന് സമീപം വിമാനം കണ്ടെന്ന് ആദിവാസികള്‍...
ചെന്നൈ: കാണാതായ വ്യോമസേനാ വിമാനം വിശാഖപട്ടണത്തിന് സമീപമുള്ള കാട്ടില്‍ തകര്‍ന്ന് വീണതായി സംശയം. വിശാഖപട്ടണത്തിന് സമീപമുള്ള നാഥാവരം മണ്ഡലിന് സമീപം സുരുഡ് റിസര്‍വ് വനമേഖലയില്‍ വിമാനം തകര്‍ന്ന് വീഴുന്നത് കണ്ടതായി ആദിവാസി വിഭാഗത്തിലെ ചിലര്‍ ഫോറസ്റ്റ് ഉദ്യോഗസ്ഥരെ അറിയിച്ചു.
വിമാനം കണാതായ ജൂലയ് 22ന് വനത്തില്‍ നിന്ന് വലിയ ശബ്ദം കേട്ടിരുന്നുവെന്ന് സുരഡു ഗ്രാമത്തിലെ ചിലര്‍ പറഞ്ഞതായും റിപ്പോര്‍ട്ടുണ്ട്. വിമാനം തകര്‍ന്ന് വീഴ്ന്നതാകാമെന്ന സാധ്യത വ്യോമസേന അധികൃതര്‍ തള്ളിക്കളയുന്നില്ല. വ്യോമ സേനാംഗങ്ങള്‍ ഉള്‍പ്പെട്ട തിരച്ചില്‍ സംഘം വിശാഖപട്ടണത്ത് വനത്തില്‍ തിരച്ചില്‍ ആരംഭിച്ചിട്ടുണ്ട്. അതേസമയം ബംഗാള്‍ ഉള്‍ക്കടലില്‍ നാവിക സേനയും വ്യോമ സേനയും തിരച്ചില്‍ തുടരുകയാണ്.
വിമാനത്തിലുണ്ടായിരുന്ന സൈനിക ഉദ്യോഗസ്ഥന്‍ രഘുവീര്‍ വര്‍മയുടെ മൊബൈല്‍ ഫോണ്‍ കാണാതായതിന് ആറ് ദിവസങ്ങള്‍ക്ക് ശേഷം റിംഗ് ചെയ്തിരുന്നു. രഘുവീറിന്റെ ബന്ധുക്കളാണ് ഇക്കാര്യം വ്യോമസേനാ അധികൃതരെ അറിയിച്ചത്. 28-ാം തീയതി രാവിലെയാണ് മൊബൈല്‍ ഫോണ്‍ റിംഗ് ചെയ്തത്. വിമാനം കാണാതായി നാല് ദിവസത്തിന് ശേഷം രഘുവീറിന്റെ മെബൈലില്‍ ഡാറ്റാ കണക്ഷനും ഓണ്‍ ചെയ്യപ്പെട്ടിരുന്നു. ഈ വിവരങ്ങളുടെ അടിസ്ഥാനത്തിലും അന്വേഷണം നടക്കുന്നുണ്ട്.
വനപ്രദേശത്ത് വിമാനം തകര്‍ന്ന് വീണതായി കണ്ടെന്ന റിപ്പോര്‍ട്ടുകള്‍ തള്ളികളയുന്നില്ലെന്നാണ് വ്യോമ സേനാ അധികൃതര്‍ പറയുന്നത്. സൂര്യലങ്ക വ്യോമ സേന കേന്ദ്രത്തില്‍ നിന്നുള്ള നിര്‍ദ്ദേശപ്രകാരം സുരഗുഡു ആദിവാസി മേഖലയില്‍ തിരച്ചില്‍ ആരംഭിച്ചിട്ടുണ്ട്. ആദിവാസികളും തിരച്ചില്‍ സംഘത്തോടൊപ്പമുണ്ട്.
അഞ്ച് ഉദ്യോഗസ്ഥര്‍ വീതമുള്ള രണ്ട് സംഘമാണ് തിരച്ചിലില്‍ ഏര്‍പ്പെട്ടിരിക്കുന്നത്. എന്നാല്‍ ഇത് സംബന്ധിച്ച വ്യോമസേന അധികൃതരുടെ ഭാഗത്ത് നിന്ന് ഔദ്യോഗിക വിശദീകരണമുണ്ടായിട്ടില്ല. വനത്തില്‍ വ്യോമസേനയുടെ നേതൃത്വത്തില്‍ തിരച്ചില്‍ നടക്കുന്നുണ്ടെന്ന് ഡിഎഫ്ഒ നരസിപ്പട്ടം ശേഖര്‍ റാവു പറഞ്ഞു.
