Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പുതിയ മുത്തലാഖ് ബില്ലുമായി കേന്ദ്രം; ലോക്‌സഭയില്‍ അവതരിപ്പിച്ചു, വ്യക്തിനിയമ ബോര്‍ഡ് കോടതിയിലേക്ക്
ദില്ലി: മുത്തലാഖ് കുറ്റകരമാക്കുന്ന പുതിയ ബില്ല് കേന്ദ്രസര്‍ക്കാര്‍ ലോക്‌സഭയില്‍ അവതരിപ്പിച്ചു. നേരത്തെ കൊണ്ടുവന്ന ബില്ല് പ്രതിപക്ഷത്തിന്റെ എതിര്‍പ്പ് മൂലം പാസാക്കാന്‍ സാധിച്ചിരുന്നില്ല. ചില ഭേദഗതികളോടെയാണ് പുതിയ ബില്ല് അവതരിപ്പിച്ചിരിക്കുന്നത്. ലോക്‌സഭയില്‍ റാഫേല്‍ ഇടപാടുമായി ബന്ധപ്പെട്ട ബഹളത്തിനിടെയാണ് മുത്തലാഖ് ബില്ല് അവതരിപ്പിച്ചത്.
സപ്തംബറില്‍ മുത്തലാഖ് നിയമവിരുദ്ധമാക്കുന്ന ഓര്‍ഡിനന്‍സ് സര്‍ക്കാര്‍ കൊണ്ടുവന്നിരുന്നു. മുത്തലാഖ് നിയമവിരുദ്ധവും ഭര്‍ത്താവിന് മൂന്ന് വര്‍ഷം വരെ തടവ് ലഭിക്കുന്ന കുറ്റവുമാണെന്ന് പുതിയ ബില്ലില്‍ പറയുന്നു. നേരത്തെ കൊണ്ടുവന്ന ബില്ല് ലോക്‌സഭ പാസാക്കിയിരുന്നു. എന്നാല്‍ രാജ്യസഭയില്‍ പാസാക്കാന്‍ സാധിച്ചിരുന്നില്ല.
ജാമ്യം ലഭിക്കാത്ത കുറ്റമാണിതെന്നായിരുന്നു ആദ്യ ബില്ലില്‍ പറഞ്ഞിരുന്നത്. എന്നാല്‍ പുതിയ ബില്ലില്‍ ജാമ്യം ലഭിക്കാവുന്ന കുറ്റം എന്ന വ്യവസ്ഥ കൂട്ടിച്ചേര്‍ത്തു. എന്‍ഡിഎയ്ക്ക് ഭൂരിപക്ഷമുള്ളതിനാല്‍ ലോക്‌സഭ ബില്ല് പാസാകുമെന്നാണ് കരുതുന്നത്.
അതേസമയം, മുത്തലാഖിനെതിരായ കേന്ദ്രസര്‍ക്കാര്‍ നീക്കത്തിനെതിരെ സുപ്രീംകോടതിയെ സമീപിക്കാന്‍ ഒരുങ്ങുകയാണ് അഖിലേന്ത്യാ മുസ്ലിം വ്യക്തിനിയമ ബോര്‍ഡ്. സര്‍ക്കാര്‍ കൊണ്ടുവന്ന ഓര്‍ഡിനന്‍സ് മുസ്ലിം സ്ത്രീകള്‍ക്ക് എതിരാണെന്ന് ബോര്‍ഡ് ആരോപിക്കുന്നു. രാജ്യസഭ ഓര്‍ഡിനന്‍സ് പാസാക്കിയാല്‍ സുപ്രീംകോടതിയില്‍ പോകുമെന്ന് ബോര്‍ഡ് അംഗം സയ്യിദ് ഖാസിം റസൂല്‍ പറഞ്ഞു.
കേന്ദ്രസര്‍ക്കാരിന്റെ മുത്തലാഖ് ഓര്‍ഡിനന്‍സ് അംഗീകരിക്കില്ലെന്ന് കാണിച്ച് ചില മുസ്ലിം വനിതാ സംഘടനകള്‍ രംഗത്തുവന്നിരുന്നു. ഈ പശ്ചാത്തലത്തില്‍ നിലവിലെ വ്യവസ്ഥയില്‍ ഓര്‍ഡിനന്‍സ് അംഗീകരിക്കരുതെന്ന് രാഷ്ട്രീയ പാര്‍ട്ടികളോട് ബോര്‍ഡ് ആവശ്യപ്പെട്ടു.
