Click it and Unblock the Notifications
Just In
Don't Miss
-
റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഓപ്പറേഷന്‍ കമല: ഡീല്‍ ഉറപ്പിക്കാമെന്ന് തുഷാര്‍ വെള്ളാപ്പള്ളി, ശബ്ദരേഖ തെളിവ് പുറത്തുവിട്ട് ടിആര്‍എസ്
ഹൈദരാബാദ്: തെലങ്കാനയിലെ ഓപ്പറേഷന്‍ കമലുമായി ബന്ധപ്പെട്ട ബി ഡി ജെ എസ് അധ്യക്ഷന്‍ തുഷാര്‍ വെള്ളാപ്പള്ളിയുടേതാണെന്ന് ആരോപിക്കുന്ന ശബ്ദരേഖ പുറത്ത്. തുഷാര്‍ വെള്ളാപ്പള്ളി എജന്റുമായി സംസാരിക്കുന്ന ശബ്ദ സന്ദേശമാണ് പുറത്തുവന്നത്. ടി ആര്‍ എസ് എം എല്‍ എമാരുമായി കൂടിക്കാഴ്ച നടത്താമെന്ന് ശബ്ദരേഖയില്‍ തുഷാര്‍ വെള്ളാപ്പള്ളി പറയുന്നുണ്ട്. കൂടാതെ ബി എല്‍ സന്തോഷുമായി സംസാരിച്ച് കൂടിക്കാഴ്ച നടത്തി കാര്യങ്ങള്‍ ഉറപ്പിക്കാമെന്നും ശബ്ദരേഖയില്‍ പറയുന്നുണ്ട്.
തെലങ്കാനയില്‍ ടി ആര്‍ എസ് എം എല്‍ എമാരെ കൂറുമാറ്റാനുള്ള ശ്രമം നടക്കുന്നുണ്ടെന്ന് തെലങ്കാന മുഖ്യമന്ത്രിയും ടി ആര്‍ എസ് നേതാവുമായ കെ ചന്ദ്രശേഖര റാവു ആരോപിച്ചിരുന്നു. കഴിഞ്ഞ ദിവസം നാല് ടി ആര്‍ എസ് എം എല്‍ എമാരെ കൂറുമാറ്റാന്‍ ശ്രമിക്കുന്നതിനിടെ ഹൈദരാബാദില്‍ അറസ്റ്റിലായ നാല് പേര്‍ തെലങ്കാനയിലേതുള്‍പ്പടെ നാല് സംസ്ഥാന സര്‍ക്കാരുകളെ അട്ടിമറിക്കാന്‍ പദ്ധതിയിടുകയാണെന്ന് അദ്ദേഹം ആരോപിച്ചിരുന്നു.
ഇതിന് പിന്നാലെയാണ് കൂടുതല്‍ തെളിവുകള്‍ പുറത്തുവന്നത്. എം എല്‍ എമാരുമായി രണ്ട് ദിവസത്തിനകം ഡീല്‍ ഉറപ്പിക്കാമെന്ന് ശബ്ദരേഖയില്‍ തുഷാര്‍ പറയുന്നുണ്ട്. താന്‍ അമിത് ഷായ്‌ക്കൊപ്പം ഗുജറാത്തിലുണ്ടെന്നും ഡീല്‍ ഉറപ്പിക്കാമെന്നും തുഷാര്‍ ടി ആര്‍ എസ് എം എല്‍ എമാരോട് പറയുന്നുണ്ട്. അതിന് മുമ്പ് നമുക്ക് കാണണമെന്നും ഏജന്റ് നന്ദകുമാറിനോട് തുഷാര്‍ പറയുന്നു.
എന്നാല്‍ കെ സി ആറിന്റെ ആരോപണം തുഷാര്‍ വെള്ളാപ്പള്ളിയും ബി ജെ പിയും തള്ളിയിരുന്നു. ഇതിന് പിന്നാലെയാണ് കൂടുതല്‍ തെളിവുകള്‍ പുറത്തുവിട്ടത്. ടി ആര്‍ എസ് വിലയ്‌ക്കെടുത്ത ഏജന്റുമാരെന്ന് കേന്ദ്ര മന്ത്രി കിഷന്‍ റെഡ്ഡി പ്രതികരിച്ചു. മുഖ്യമന്ത്രി ചന്ദ്രശേഖരറാവു പുറത്ത് വിട്ട ദൃശ്യങ്ങളില്‍ തന്റെ ബന്ധം തെളിയിക്കുന്ന ഒന്നുമില്ലെന്ന് പറഞ്ഞ തുഷാര്‍ വെള്ളാപ്പള്ളി തന്റെ പങ്ക് വ്യക്തമാക്കുന്ന തെളിവ് ടി ആര്‍ എസ് ഹാജരാക്കട്ടെയെന്നും വെല്ലുവിളിച്ചിരുന്നു.
എന്നാല്‍ താന്‍ ഉന്നയിച്ച ആരോപണത്തില്‍ ഉറച്ചുനില്‍ക്കുകയാണ് ചന്ദ്രശേഖര റാവു. തെലങ്കാന ഹൈക്കോടതിയില്‍ ഇതുമായി ബന്ധപ്പെട്ട വീഡിയോ ഹാജരാക്കിയിട്ടുണ്ട്. സര്‍ക്കാരിനെ അട്ടിമറിക്കാനുള്ള മുഴുവന്‍ ഓപ്പറേഷന്റെയും ചുമതല തുഷാര്‍ വെള്ളാപ്പള്ളിക്കായിരുന്നുവെന്നാണ് തെലങ്കാന മുഖ്യമന്ത്രി വാര്‍ത്താസമ്മേളനത്തില്‍ ആരോപിച്ചത്.
സര്‍ക്കാരുകളെ അട്ടിമറിക്കുന്ന ഹീനമായ പ്രവൃത്തികള്‍ അവസാനിപ്പിക്കണമെന്നും അദ്ദേഹം ആവശ്യപ്പെട്ടു. അതില്‍ ഉള്‍പ്പെട്ട എല്ലാവരെയും അറസ്റ്റ് ചെയ്യണമെന്ന് പ്രധാനമന്ത്രി നരേന്ദ്ര മോദിയോട് അഭ്യര്‍ത്ഥിക്കുന്നതായും കെ സി ആര്‍ പറഞ്ഞു. ഇക്കാര്യത്തില്‍ ജീവന്‍ ബലിയര്‍പ്പിക്കാന്‍ തയ്യാറാണെന്നും എന്നാല്‍ മിണ്ടാതിരിക്കില്ല എന്നും അദ്ദേഹം വ്യക്തമാക്കി.
