അയോധ്യ രാമക്ഷേത്രം; ട്രസ്റ്റ് പ്രഖ്യാപിച്ച് മോദി, ലോക്സഭയില് ജയ് ശ്രീറാം വിളിച്ച് ബിജെപി എംപിമാര്
ദില്ലി: അയോധ്യയില് രാമക്ഷേത്രം നിര്മിക്കാന് കേന്ദ്രസര്ക്കാര് ട്രസ്റ്റ് രൂപീകരിച്ചു. ശ്രീരാമ ജന്മഭൂമി തീര്ഥക്ഷേത്ര എന്നാണ് ട്രസ്റ്റിന്റെ പേര്. പ്രധാനമന്ത്രി നരേന്ദ്ര മോദി ലോക്സഭയില് ഇക്കാര്യം പ്രഖ്യാപിച്ചു. ബിജെപി എംപിമാര് ജയ് ശ്രീറാം വിളികളോടെയാണ് മോദിയുടെ ലോക്സഭാ പ്രഖ്യാപനത്തെ എതിരേറ്റത്. അയോധ്യയിലെ തര്ക്ക ഭൂമി രാമക്ഷേത്രം നിര്മിക്കാന് സുപ്രീംകോടതി വിട്ടുകൊടുത്തിരുന്നു. മൂന്ന് മാസത്തിനകം ക്ഷേത്ര നിര്മാണത്തിന് ട്രസ്റ്റ് രൂപീകരിക്കണമെന്നും കോടതി നിര്ദേശിച്ചു. ഇതുപ്രകാരമാണ് പുതിയ ട്രസ്റ്റ് കേന്ദ്രസര്ക്കാര് രൂപീകരിച്ചിരിക്കുന്നത്.
സുപ്രീംകോടതിയുടെ നിര്ദേശങ്ങള് കണക്കിലെടുത്ത് കേന്ദ്ര മന്ത്രിസഭ അയോധ്യയിലെ രാമക്ഷേത്ര നിര്മാണത്തിന് വിശദമായ പദ്ധതി തയ്യാറാക്കിയിട്ടുണ്ട്. ആദ്യ പടിയെന്നോണം ട്രസ്റ്റ് രൂപീകരിക്കാന് തീരുമാനിച്ചു. ഈ ട്രസ്റ്റാകും ക്ഷേത്ര നിര്മാണവുമായി ബന്ധപ്പെട്ട കാര്യങ്ങള് തീരുമാനിക്കുക- മോദി ലോക്സഭയെ അറിയിച്ചു.
കേന്ദ്രമന്ത്രിസഭയോഗം കഴിഞ്ഞ ശേഷമാണ് മോദി ലോക്സഭയിലെത്തിയത്. തുടര്ന്ന് ക്ഷേത്ര നിര്മാണ ട്രസ്റ്റ് പ്രഖ്യാപിക്കുകയായിരുന്നു. ക്ഷേത്ര നിര്മാണത്തിന് എല്ലാ സഹായവും സര്ക്കാര് നല്കുമെന്നും നരേന്ദ്ര മോദി പറഞ്ഞു. രാഷ്ട്രീയ പാര്ട്ടികള്ക്ക് ട്രസ്റ്റില് അംഗത്വമുണ്ടാകില്ലെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
തര്ക്ക ഭൂമിയോട് ചേര്ന്ന 67 ഏക്കര് ട്രസ്റ്റിന് കൈമാറുമെന്നും മോദി പറഞ്ഞു. തര്ക്ക ഭൂമി 2.77 ഏക്കറായിരുന്നു. ട്രസ്റ്റില് 15 അംഗങ്ങളുണ്ടാകുമെന്നും ഒരംഗം ദളിത് വിഭാഗത്തില് നിന്നുള്ള വ്യക്തിയാകുമെന്നും ആഭ്യന്തര മന്ത്രി അമിത് ഷാ പറഞ്ഞു.
അയോധ്യയിലെ തര്ക്കഭൂമി പൂര്ണണായും രാം ലല്ലയ്ക്ക് നല്കാനാണ് സുപ്രീംകോടതി ഉത്തരവിട്ടത്. മുസ്ലിങ്ങള്ക്ക് പള്ളി നിര്മിക്കാന് അയോധ്യയിലെ കണ്ണായ സ്ഥലത്ത് അഞ്ചേക്കര് സുന്നി വഖഫ് ബോര്ഡിന് അനുവദിക്കാനും സുപ്രീംകോടതി ഉത്തരവിട്ടിരുന്നു. അയോധ്യയില് അഞ്ചേക്കര് വഖഫ് ബോര്ഡിന് കൈമാറാന് ഉത്തര് പ്രദേശ് സര്ക്കാര് തയ്യാറായിട്ടുണ്ടെന്നും മോദി പറഞ്ഞു.
ദില്ലി നിയമസഭാ തിരഞ്ഞെടുപ്പിന് രണ്ടുദിവസം മാത്രം ബാക്കി നില്ക്കെയാണ് മോദി അയോധ്യ ട്രസ്റ്റ് പ്രഖ്യാപിച്ചിരിക്കുന്നത്. ഇത് പെരുമാറ്റ ചട്ട ലംഘനമാകില്ലേ എന്ന ചോദ്യം ഉയര്ന്നിട്ടുണ്ട്. അതേസമയം, സുപ്രീംകോടതി ഉത്തരവ് നടപ്പാക്കാന് പ്രത്യേക അനുമതി ആവശ്യമില്ലെന്ന് തിരഞ്ഞെടുപ്പ് കമ്മീഷന് പ്രതികരിച്ചു.
-
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
സ്വര്ണം മൂക്കു കുത്തി വീണു; വിപണി ഇടിയുന്നു, സ്വര്ണവില ഇനിയും കുറഞ്ഞേക്കും, ഇന്നത്തെ പവന് വില -
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
എല്പിജി സിലിണ്ടര് വിതരണം നിലച്ചു; ബെംഗളൂരുവില് നാളെ ഹോട്ടലുകള് അടച്ചിടും -
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
മംഗളൂരു-തിരുനല്വേലി ട്രെയിന് കേരളത്തിലൂടെ; 20 സ്റ്റോപ്പുകള്, മാര്ച്ച് 11ന് സര്വീസ് തുടങ്ങും -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ
Click it and Unblock the Notifications
Sign in with Google