ദൂരദര്ശനില് തത്സമയ പരിപാടിക്കിടെ മരണം; വീഡിയോ വൈറല്, അന്തരിച്ചത് പ്രമുഖ എഴുത്തുകാരി
ദില്ലി: ടെലിവിഷനില് തത്സമയ സംപ്രേഷണത്തിനിടെ പരിപാടിയില് അതിഥിയായെത്തിയ വ്യക്തി മരിച്ചു. പ്രമുഖ എഴുത്തുകാരി റിത ജിതേന്ദ്രയാണ് മരിച്ചത്. ദൂരദര്ശന്റെ ഡിഡി കശ്മീര് ചാനലില് ലൈവ് പ്രോഗ്രാമില് പങ്കെടുക്കുകയായിരുന്നു അവര്. ഹൃദയാഘാതം മൂലമാണ് മരണമെന്ന് പിന്നീട് ഡോക്ടര്മാര് സ്ഥിരീകരിച്ചു.
മരണ വീഡിയോ സോഷ്യല് മീഡിയയില് ഒട്ടേറെ പേരാണ് പങ്കുവയ്ക്കുന്നത്. വീഡിയോ കണ്ട മിക്കയാളുകളും ആശ്ചര്യം പ്രകടിപ്പിച്ചു. സാമൂഹിക രംഗത്ത് ഏറെ നിറഞ്ഞുനിന്നിരുന്ന വ്യക്തിത്വമായിരുന്നു റിത ജിതേന്ദ്ര. ഗുഡ്മോര്ണിങ് ജമ്മു കശ്മീര് എന്ന ദൂരദര്ശന് പരിപാടിക്കിടെയായിരുന്നു മരണം.....
സംസാരിക്കുന്നതിനിടെ
ജമ്മു കശ്മീര് അക്കാദമി ഓഫ് ആര്ട്ട്, കള്ച്ചര്, ലാഗ്വേജസിന്റെ മുന് സെക്രട്ടറിയായിരുന്നു റിത ജിതേന്ദ്ര. അവരുടെ ജീവിതത്തെ കുറിച്ച് വിശദീകരിക്കുമ്പോഴാണ് നെഞ്ചുവേദന അനുഭവപ്പെട്ടത്. ഇരുന്ന് സംസാരിക്കുന്നതിനിടെ പിന്നിലേക്ക് ചെരിയുകയായിരുന്നു.
ഡോക്ടര്മാര് പറയുന്നു
ഹൃദയാഘാതമാണ് മരണ കാരണം. ഉടനെ ചാനല് അധികൃതര് ശ്രീ മഹാരാജ ഹരിസിങ് ആശുപത്രിയില് എത്തിച്ചെങ്കിലും ഡോക്ടര്മാര് മരണം സ്ഥിരീകരിച്ചു. മരണം സംഭവിച്ചിട്ട് അല്പ്പ നേരമായെന്ന് ഡോക്ടര്മാര് പറഞ്ഞു. പ്രോഗ്രാമിനിടെ ഹൃദയാഘാതമുണ്ടായതാണെന്ന് മെഡിക്കല് സൂപ്രണ്ട് സലീം തക് പറഞ്ഞു.
വീഡിയോ വൈറല്
അതേസമയം, റിത ജിതേന്ദ്രയുടെ അന്ത്യ നിമിഷങ്ങളുടെ വീഡിയോ സോഷ്യല് മീഡിയയില് വൈറലായിട്ടുണ്ട്. തത്സമയ സംപ്രേഷണത്തിനിടെ എഴുത്തുകാരി മരിച്ചത് എല്ലാവരെയും ആശ്ചര്യപ്പെടുത്തി. രാവിലെ എട്ട് മുതല് ഒമ്പത് വരെയാണ് ഡിഡി കശ്മീരില് ഗുഡ്മോര്ണിങ് കശ്മീര് പരിപാടി.
ഗുഡ്മോര്ണിങ് ജമ്മു കശ്മീര്
പ്രമുഖ വ്യക്തികളെയാണ് ഗുഡ്മോര്ണിങ് ജമ്മു കശ്മീര് എന്ന പരിപാടിയിലേക്ക് ക്ഷണിക്കുക. അവരുടെ ജീവിതത്തെ കുറിച്ചും കുട്ടിക്കാലത്തെ കുറിച്ചും നേരിട്ട പ്രതിസന്ധികള്, കൈവരിച്ച നേട്ടങ്ങള് എന്നിവയുമെല്ലാം വിശദീകരിക്കുന്നതാണ് പരിപാടി. വിദ്യാര്ഥികള്ക്ക് ഏറെ ഗുണം ചെയ്യുന്ന പരിപാടിയായിരുന്നു ഇത്.
എംഎന് വിജയന്റെ ഓര്മ
മലയാളികള് ഇത്തരമൊരു മരണം നേരത്തെ കണ്ടതാണ്. പ്രമുഖ ചിന്തകനും എഴുത്തുകാരനുമായ എംഎന് വിജയന്റെ മരണമായിരുന്നു അത്. തൃശൂരില് വാര്ത്താ സമ്മേളനത്തിനിടെയായിരുന്നു അദ്ദേഹത്തിന്റെ വിയോഗം.
കടം ഒഴിയാന് കണ്ട വഴി; ആള്ദൈവത്തിന് ഭാര്യയെ കാഴ്ചവച്ചു, പ്രോല്സാഹിപ്പിച്ച് ഭര്ത്താവ്!! കേസ്
leading educationist & writer, Prof Dr Rita Jitendra on Monday died in the studios of Doordarshan Kendra Sgr while speaking in a live broadcast of Good Morning #kashmir program.#SwamiVivekananda #QuaideAzam#DamsFund#Muharram#ThankYouChef#TuesdayThoughts#UTurnIn2Days pic.twitter.com/4vMkFGeMnv
— akilkhan (@akil1khan) 11 September 2018