തമിഴ്‌നാട്ടില്‍ സഹോദരങ്ങളെ കഴുത്തറുത്ത് കൊന്നു

ചിദംബരം: സഹോദരങ്ങളെ ഗുണ്ടാ സംഘം കഴുത്തറുത്ത് കൊന്നു. തമിഴ്‌നാട്ടിലെ ചിദംബരത്തിനടുത്താണ് സംഭവം. സെപ്റ്റംബര്‍ 3 ബുധനാഴ്ചയാണ് നാടിനെ നടുക്കിയ കൊലപാതകം നടന്നത്.

ആംബുലന്‍സ് കുമാര്‍, രാജേഷ് എന്നിവരാണ് കൊല്ലപ്പെട്ടത്. ഇവരുടെ ബന്ധുക്കളും സുഹൃത്തുക്കളും എല്ലാം ആക്രമിക്കപ്പെട്ടിട്ടുണ്ട്. കൊല്ലപ്പെട്ട രണ്ട് പേരും പ്രദേശത്തെ ഗുണ്ടാ നേതാക്കളാണെന്നാണ് പോലീസ് പറയുന്നത്.

വീട്ടില്‍ കിടന്നുറങ്ങുമ്പോഴാണ് കുമാറിനേയും രാജേഷിനേയും 20 അഗം സംഘം ആക്രമിച്ചത് . അരിവാളുകൊണ്ട് കഴുത്തറുത്താണ് കൊന്നത്. കൂടെയുണ്ടായിരുന്ന ആറ് പേര്‍ക്ക് ഗുരുതരമായി പരിക്കേറ്റിട്ടുണ്ട് . ഇവരെ അടുത്തുള്ള മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു .

കുമാറിന്റേയും രാജേഷിന്റെ വിവാഹത്തിന്റെ ഭാഗമായുള്ള ആഘോഷങ്ങള്‍ക്കായാണ് ബന്ധുക്കളെല്ലാം എത്തിയിരുന്നത്. ആയുധങ്ങളുമായെത്തിയ സംഘം ആദ്യം ബോംബെറിഞ്ഞ് ഭീകരാന്തരീക്ഷം സൃഷ്ടിച്ചു. അതിന് ശേഷം രാജേഷിനേയും കുമാറിനേയും വധിച്ചു. പിന്നീടാണ് കുമാറിന്റേയും രാജേഷിന്റെയും തലയറുത്തെടുത്ത് അടുത്തുള്ള മെഡിക്കല്‍ കോളേജ് ആശുപത്രിക്ക് മുന്നില്‍ ഉപേക്ഷിച്ച് രക്ഷപ്പെട്ടു .

ആക്രമണം നടത്തിയവരെ തിരിച്ചറിയാനായിട്ടില്ല. പുലര്‍ച്ചെയാണ് കൊല നടത്തിയത് . ബൈക്കിലെത്തിയ അക്രമി സംഘം മുഖം മറച്ചിരുന്നതായും പോലീസ് പറയുന്നു .

English summary

In a gruesome incident, an armed gang of about 20 persons on Wednesday attacked two rowdies, both siblings, with country made bombs, beheaded them with sickles and threw their severed heads near the Medical College Hospital in Chidambaram.