Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഗെഹ്ലോട്ട് മാജിക്; പൈലറ്റിനെ ഞെട്ടിച്ച് പുതിയ റിപ്പോര്‍ട്ട്, ബിടിപി എംഎല്‍എമാര്‍ കോണ്‍ഗ്രസിനൊപ്പം
ജയ്പൂര്‍: രാജസ്ഥാന്‍ രാഷ്ട്രീയം ദേശീയതലത്തില്‍ ചര്‍ച്ചയാണിന്ന്. ഉപമുഖ്യമന്ത്രിയും സംസ്ഥാന കോണ്‍ഗ്രസ് അധ്യക്ഷനുമായ സച്ചിന്‍ പൈലറ്റ് വിമതസ്വരം ഉയര്‍ത്തിയതോടെയാണ് വിവാദങ്ങളുടെ തുടക്കം. ദില്ലിയിലേക്ക് പുറപ്പെട്ട പൈലറ്റും സഹ എംഎല്‍എമാരും ഹരിയാനയിലേക്ക് പോയി. ഇപ്പോള്‍ കര്‍ണാടകത്തില്‍ ബിജെപി നിയന്ത്രണത്തിലുള്ള റിസോര്‍ട്ടിലേക്ക് മാറുമെന്നാണ് വിവരം.
എന്നാല്‍ രാജസ്ഥാനില്‍ കാര്യങ്ങള്‍ മറിച്ചാണ്. ഇവിടെ അശോക് ഗെഹ്ലോട്ട് സര്‍ക്കാരിന് പിന്തുണ വര്‍ധിച്ചു. ബിടിപി പാര്‍ട്ടിയിലെ രണ്ട് എംഎല്‍എമാര്‍ അശോക് ഗെഹ്ലോട്ടിന് പിന്തുണ പ്രഖ്യാപിച്ചു. വിശദാംശങ്ങള്‍ ഇങ്ങനെ...
പ്രാദേശിക പാര്‍ട്ടി
രാജസ്ഥാനിലെ പ്രാദേശിക പാര്‍ട്ടിയാണ് ഭാരതീയ ട്രൈബല്‍ പാര്‍ട്ടി (ബിടിപി). രണ്ട് എംഎല്‍എമാരാണ് പാര്‍ട്ടിക്കുള്ളത്. ഇവര്‍ അശോക് ഗെഹ്ലോട്ട് സര്‍ക്കാരിനൊപ്പമായിരുന്നു. എന്നാല്‍ വിവാദത്തിന്റെ തുടക്കത്തില്‍ ഇവര്‍ പിന്തുണ പിന്‍വലിച്ചു. ഇതോടെ സര്‍ക്കാര്‍ കൂടുതല്‍ പ്രതിസന്ധിയിലായി.
കാര്യങ്ങള്‍ മാറിമറിഞ്ഞു
ഇന്ന് കാര്യങ്ങള്‍ മാറിമറിഞ്ഞു. അശോക് ഗെഹ്ലോട്ട് സര്‍ക്കാരിന് എല്ലാ പിന്തുണയും നല്‍കുമെന്ന് ബിടിപി എംഎല്‍എമാര്‍ വ്യക്തമാക്കി. ബിടിപി നേതാക്കളുമായി എംഎല്‍എമാര്‍ ചര്‍ച്ച നടത്തിയ ശേഷമാണ് പുതിയ പ്രഖ്യാപനം നടത്തിയത്. ഇക്കാര്യം ഗെഹ്ലോട്ട് ട്വിറ്റര്‍ വഴി അറിയിച്ചു.
മുഖ്യമന്ത്രിക്ക് കത്ത് നല്‍കി
ബിടിപി എംഎല്‍എമാര്‍ സര്‍ക്കാരിനൊപ്പം നില്‍ക്കുമെന്ന് കാണിച്ച് മുഖ്യമന്ത്രിക്ക് കത്ത് നല്‍കി. ഈ കത്ത് ഗെഹ്ലോട്ട് ട്വിറ്റര്‍ വഴി പരസ്യപ്പെടുത്തി. നേരത്തെ ഗെഹ്ലോട്ട് സര്‍ക്കാരിനെതിരെ രംഗത്തുവന്നിരുന്നവര്‍ നിലപാട് മാറ്റി എന്നത് കോണ്‍ഗ്രസ് സര്‍ക്കാരിന് ആശ്വാസമാണ്.
വീഡിയോ പുറത്തുവിട്ടിരുന്നു
സച്ചിന്‍ പൈലറ്റ് വിമത ഭീഷണി ഉയര്‍ത്തിയ വേളയില്‍ ബിടിപി എംഎല്‍എമാര്‍ ഒരു വീഡിയോ പുറത്തുവിട്ടിരുന്നു. ഗെഹ്ലോട്ടിനെ പിന്തുണയ്ക്കുന്ന എംഎല്‍എമാര്‍ക്കൊപ്പം ആഡംബര ഹോട്ടലില്‍ തങ്ങളെയും തടഞ്ഞുവെക്കാനാണ് ശ്രമിക്കുന്നതെന്നായിരുന്നു വീഡിയോയില്‍ ഇരുവരും പറഞ്ഞത്.
30 എംഎല്‍എമാരുണ്ട് എന്ന് പൈലറ്റ്
പൈലറ്റ് ക്യാംപ് വിമതര സ്വരം ഉയര്‍ത്തിയതിന് പിന്നാലെ സഖ്യകക്ഷി കൂടി പിന്തുണ പിന്‍വലിച്ചത് അശോക് ഗെഹ്ലോട്ട് സര്‍ക്കാരിന് തിരിച്ചടിയായിരുന്നു. തനിക്കൊപ്പം 30 എംഎല്‍എമാരുണ്ട് എന്ന് സച്ചിന്‍ പൈലറ്റ് അവകാശപ്പെട്ടതിന് പിന്നാലെ ബിടിപി എംഎല്‍എമാര്‍ പിന്തുണ പിന്‍വലിച്ചത് സര്‍ക്കാരിനെ പ്രതിസന്ധിയിലാക്കുകയും ചെയ്തു.
ഗെഹ്ലോട്ടിനൊപ്പം 109 എംഎല്‍എമാര്‍
200 അംഗ നിയമസഭയാണ് രാജസ്ഥാനിലേത്. 101 അംഗങ്ങളുടെ പിന്തുണയുണ്ടെങ്കില്‍ ഭരണം നടത്താം. 109 എംഎല്‍എമാരുടെ പിന്തുണയുണ്ട് എന്നാണ് അശോക് ഗെഹ്ലോട്ട് നേരത്തെ പറഞ്ഞിരുന്നത്. ബിടിപി എംഎല്‍എമാര്‍ പിന്തുണ വീണ്ടും പ്രഖ്യാപിച്ചതോടെ കോണ്‍ഗ്രസിന് ആശ്വാസമായി.
ഗെഹ്ലോട്ട് രാജ്ഭവനിലെത്തി
ബിടിപി എംഎല്‍എമാരുടെ പിന്തുണ ഉറപ്പായതോടെ അശോക് ഗെഹ്ലോട്ട് രാജ്ഭവനിലെത്തി ഗവര്‍ണറെ കണ്ടു. 102 എംഎല്‍എമാരുടെ പിന്തുണ തനിക്കുണ്ടെന്ന് കാണിച്ച് അദ്ദേഹം നിവേദനം സമര്‍പ്പിച്ചു. ബിടിപിയുടെ രാജ്കുമാര്‍ റാവത്ത്, രാം പ്രസാദ് എന്നീ എംഎല്‍എമാരാണ് സര്‍ക്കാരിന് പിന്തുണ പ്രഖ്യാപിച്ചത്.
