• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

യോഗിയുടെ കുറ്റകൃത്യം വിവരിച്ച് പോസ്റ്റർ; കോൺഗ്രസ് നേതാക്കളെ കസ്റ്റഡിയിൽ എടുത്ത് പോലീസ്

ലഖ്നൗ; മുഖ്യമന്ത്രി യോഗി ആദിത്യനാഥ് ഉള്‍പ്പെടെയുള്ള ബിജെപി നേതാക്കളുടെ ക്രിമിനല്‍ കേസ് വിവരങ്ങളും ചിത്രങ്ങളും ഉള്‍പ്പെടെയുള്ള ബോര്‍ഡുകൾ പരസ്യമായി പ്രദർശിപ്പിച്ച സംഭവത്തിൽ കോൺഗ്രസ് നേതാക്കളെ കസ്റ്റഡിയിൽ എടുത്ത് പോലീസ്. കോൺഗ്രസ് പ്രവർത്തകരായ സുധൻശു ബാജ്പേയ്, ലാലു കനൗജിയ എന്നീ നേതാക്കളെയാണ് പോലീസ് കസ്റ്റഡയിൽ എടുത്തത്.

സാമൂഹിക ഐക്യം തകർക്കാനുള്ള ഗൂഡാലോചന നടത്തിയെന്നാരോപിച്ചാണ് നേതാക്കൾക്കെതിരെ കേസെടുത്തിരിക്കുന്നത്. കഴിഞ്ഞ ദിവസമാണ് ബിജെപി നേതാക്കൾക്കെതിരെ കോൺഗ്രസ് പ്രവർത്തകർ പോസ്റ്റർ പതിപ്പിച്ചത്. യോഗി ആദിത്യനാഥ്, ഉപമുഖ്യമന്ത്രി കേശവ് പ്രസാദ് മൗര്യ, ബിജെപി നേതാക്കളായ സംഗീത് സോം, സുരേഷ് റാണ, സഞ്ജീവ് ബാല്യൻ എന്നിവർ ഉൾപ്പെടെയുള്ള ബിജെപി നേതാക്കൾക്കെതിരായിരുന്നു പോസ്റ്റർ.

ലഖ്നൗവിലെ ഹസ്രത്ഗഞ്ചിലെ ബിജെപി ഓസീഫിസ് സമീപത്ത് സ്ഥാപിച്ച പോസ്റ്ററിൽ ഇവരെ കലാപകാരികൾ എന്നാണ് വിശേഷിപ്പിച്ചിരിക്കുന്നത്.

കലാപത്തിൽ ഉണ്ടായ നാശനഷ്ടങ്ങൾക്ക് എന്നാണ് ഇവർ നഷ്ടപരിഹാരം നൽകുകയെന്നും പോസ്റ്ററിൽ ചോദിക്കുന്നുണ്ട്.

പൗരത്വ നിയമത്തിനെതിരെ കഴിഞ്ഞ ഡിസംബര്‍ 19 ന് ഉത്തര്‍പ്രദേശില്‍ നടന്ന പ്രതിഷേധത്തിനിടെ അക്രമമുണ്ടാക്കിയെന്ന് ആരോപിച്ച് അറസ്റ്റിലായി ജാമ്യത്തിലിറങ്ങിയവരുടെ ഫോട്ടോയും പേരുവിവരങ്ങളും ലഖ്നൗവില്‍ പലയിടത്തായിമായി സർക്കാർ പ്രദർശിപ്പിച്ചിരുന്നു. ഇതിന് മറുപടിയായിട്ടാണ് കോൺഗ്രസ് നേതാക്കളും പോസ്റ്ററുകൾ പ്രദർശിപ്പിച്ചത്.

സര്‍ക്കാര്‍ നടപടി വ്യക്തിസ്വാതന്ത്ര്യത്തിലേക്കുള്ള കടന്നു കയറ്റമാണെന്നും മാത്രമല്ല ഭരണഘടനയുടെ മൂല്യങ്ങള്‍ക്കേറ്റ ക്ഷതമാണെന്നും ചൂണ്ടിക്കാട്ടി സുപ്രീം കോടതിയും ഹൈക്കോടതിയും ബോർഡുകൾ നീക്കം ചെയ്യണമെന്ന് ആവശ്യപ്പെട്ടിരുന്നു. എന്നാൽ കോടതി നിർദ്ദേശങ്ങൾ പാലിക്കാൻ യോഗി സർക്കാർ ഇതുവരേയും തയ്യാറായിട്ടില്ല.

നേരത്തേ ബോർഡുകൾ സ്ഥാപിച്ച ബിജെപി നടപടിയെ വിമർശിച്ച് സമാജ്വാദി പാർട്ടി നേതാവ് ഐപി സിംഗുമ രംഗത്തെത്തിയിരുന്നു. ലൈംഗികാതിക്രമണകേസിലെ പ്രതികളും ബിജെപി നേതാക്കളുമായി കുല്‍ദീപ് സെംഗാറിന്റേയും ചിന്മായനന്ദയുടേയും ചിത്രങ്ങൾ പരസ്യമായു പ്രദർശിപ്പിച്ച് കൊണ്ടായിരുന്നു സിംഗ് ബിജെപിക്കെതിരെ രംഗത്തെത്തിയത്. യുപിയിലെ പെണ്‍മക്കളുടെ ജീവിതം നശിപ്പിച്ച കുറ്റവാളികളാണിവര്‍, സൂക്ഷിക്കുക എന്നായിരുന്നു പോസ്റ്ററിലെ വാചകം.പോസ്റ്ററില്‍ കുല്‍ദീപ് സെന്‍ഗാറും ചിന്മായനന്ദയും ചെയ്ത കുറ്റങ്ങളും വിശദീകരിച്ചിരുന്നു.

യോഗിക്കും ബിജെപിക്കും കിടിലൻ മറുപണിയുമായി കോൺഗ്രസ്!! തെരുവിൽ പോസ്റ്റർ, യോഗിയും ഉപമുഖ്യനും പോസ്റ്ററിൽ

യെഡിയൂരപ്പയ്ക്ക് ഉഗ്രൻ പണിയുമായി എംഎൽഎമാർ; 2 കത്ത്, ഇനി നടക്കില്ല, നിർണായക നീക്കം

ബിഗ് ബോസ്; മോഹൻലാലിന് പച്ചയ്ക്ക് തെറിവിളിയും സൈബർ ആക്രമണവും, 'ഏഷ്യാനെറ്റ് ഓഫീസ് കത്തിക്കും'

English summary
Two Congress workers booked for poster against yogi
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more