ബീഡി കൊടുത്തില്ല: കൗമാരക്കാരനെ രണ്ടുകുട്ടികള്‍ കൊലപ്പെടുത്തി

By Siniya

Updated: Wednesday, October 14, 2015, 16:35 [IST]

ബീവാണ്ടി: ബീഡി കൊടുക്കാത്തതിനെ തുടര്‍ന്നുണ്ടായ കലഹത്തില്‍ കൗമാരക്കാരനെ രണ്ടു കുട്ടികള്‍ ചേര്‍ന്ന് കൊലപ്പെടുത്തി. ബിലാല്‍ അഹമ്മദ് അന്‍സാരിയാണ് കൊല്ലപ്പെട്ടത്. ബീവാണ്ടിയില്‍ തിങ്കളാഴ്ച രാത്രിയായിരുന്നു സംഭവം.

ബിലാല്‍ പുകവലിച്ചുക്കൊണ്ടു ടോയിലേറ്റ് പോവുകയായിരുന്നു. ഇതിനിടയില്‍ രണ്ടു കുട്ടികളും ചേര്‍ന്ന് ബീഡിക്ക് ആവശ്യപ്പെട്ടു. എന്നാല്‍ ബിലാല്‍ ഇവരുടെ ആവശ്യം വിസമ്മതിക്കുകയായിരുന്നു. തുടര്‍ന്ന് രണ്ടുപേരും ചേര്‍ന്ന് ബിലാലിനെ തടഞ്ഞു നിര്‍ത്തി. ഇതിനിടയില്‍ മുന്നു പേരും ചേര്‍ന്ന് തല്ലുണ്ടാവുകയും ചെയ്തു. ഇതില്‍ പ്രകോപിതരായ കുട്ടികള്‍ ബിലാലിനെ കൊലപ്പെടുത്തുകയായിരുന്നു. ഇരുവര്‍ക്കും 16 വയസ്സാണ്.

ഇതുമായി ബന്ധപ്പെട്ട് പോലിസ് കേസെടുത്ത് അന്വേഷണം ആരംഭിച്ചിട്ടുണ്ടെന്ന് ഇന്‍സ്‌പെക്ടര്‍ വി കെ ദേശ്മുഖ് പറഞ്ഞു. രണ്ടുപേരും പോലിസ് കസ്റ്റഡിയിലാണ്. ശാന്തിനഗര്‍ പോലിസ് സ്‌റ്റേഷനിലാണ് കേസ് രേഖപ്പെടുത്തിയിരിക്കുന്നത്.