കൊറോണ വൈറസ് ഭീതി: ദില്ലിയില് രണ്ട് സ്കൂളുകള് അടച്ചിട്ടു, 40 വിദ്യാര്ത്ഥികള് നിരീക്ഷണത്തില്!!
ദില്ലി: കൊറോണ വൈറസ് ഭീതിയെത്തുടര്ന്ന് ദില്ലിയില് രണ്ട് സ്കൂളുകള് അടച്ചിട്ടു. നോയിഡയിലെ ശ്രീരാം മില്ലേനിയം സ്കൂളാണ് വിദ്യാര്ത്ഥികളുടെ രക്ഷിതാക്കളില് ഒരാള്ക്ക് കൊറോണ സ്ഥിരീകരിച്ചതോടെ അടച്ചിട്ടത്. സ്കൂളില് നടക്കാനിരുന്ന വാര്ഷിക പരീക്ഷകളും ഇതോടെ നീട്ടിവെച്ചിട്ടുണ്ട്. കൊറോണ വൈറസ് പരിശോധനകള്ക്ക് വിധേയരാക്കിയ 40 വിദ്യാര്ത്ഥികളെയും ഇതോടെ 28 ദിവസത്തേക്ക് മാറ്റിപ്പാര്പ്പിച്ചു. ഗൗതം ബുദ്ധ് നഗറിലെ ചീഫ് മെഡിക്കല് ഓഫീസറാണ് ഇക്കാര്യം അറിയിച്ചിട്ടുള്ളത്. വിദ്യാര്ത്ഥികളുടെ പരിശോധനാ ഫലം ഇതുവരെ പുറത്തുവന്നിട്ടില്ല. ഇതേ ആറാം ക്ലാസ് വിദ്യാര്ത്ഥിയുടെ പിതാവിനാണ് രോഗം സ്ഥിരീകരിച്ചത്. കുട്ടിയുടെ കുടുംബത്തെയും ബന്ധുക്കളെയും മാറ്റിത്താമസിപ്പിച്ചിട്ടുണ്ട്. ഇതേ കുടുംബത്തിലെ രണ്ട് കുട്ടികളും ഒരേ സ്കൂളിലെ വിദ്യാര്ത്ഥികളാണ്.
കൊറോണ വൈറസ് ഭീതിയെ തുടര്ന്ന് തലസ്ഥാനത്തെ മറ്റൊരു സ്കൂള് കൂടി മാര്ച്ച് 11വരെ അടച്ചിടും. മുന്കരുതലിന്റെ ഭാഗമായിട്ടാണ് നടപടി. രണ്ട് സ്കൂളുകളും ആരോഗ്യ വകുപ്പ് അധികൃതര് സന്ദര്ശിച്ച് ശുചീകരണത്തിന് നിര്ദേശം നല്കിയിട്ടുണ്ട്. നോയിഡയിലെ സെക്ടര് നമ്പര് 168ലാണ് രണ്ടാമത്തെ സ്കൂള്.
സ്കൂളിലെ കുട്ടികളുടെ രക്ഷിതാക്കളില് ഒരാള്ക്ക് കൊറോണ വൈറസ് സ്ഥിരീകരിച്ചതോടെ എല്ലാത്തരത്തിലുള്ള മുന്കരുതല് നപടികളും സ്വീകരിച്ചിട്ടുണ്ടെന്നും സ്ഥിതി നിരീക്ഷിക്കുന്നതിനായി ആരോഗ്യമന്ത്രാലയവുമായി ബന്ധം പുലര്ത്തിവരുന്നുണ്ടെന്നും സ്കൂള് അധികൃതര് വ്യക്തമാക്കി. എന്നാല് രണ്ട് ദിവസത്തേക്കാണ് അടച്ചിട്ടിട്ടുള്ളതെന്നും സ്കൂള് ശൂചീകരണത്തിന് രണ്ട് ദിവസത്തിലധികം എടുക്കുമെന്നും ആരോഗ്യ വകുപ്പ് ജീവനക്കാര് ചൂണ്ടിക്കാണിക്കുന്നു. സോഷ്യല് മീഡിയയില് വ്യാപകമായി വാര്ത്തകള് പ്രചരിക്കാന് തുടങ്ങിയതോടെയാണ് സ്കൂള് അധികൃതര് നടപടികളുമായി മുന്നോട്ടുപോകുന്നത്. ഇതോടെ ചൊവ്വാഴ്ച നടത്താനിരുന്ന പരീക്ഷകളും മാറ്റിവെച്ചിരുന്നു. പുതിയ തിയ്യതികള് പിന്നീട് അറിയിക്കുമെന്നും സ്കൂള് അധികൃതര് അറിയിച്ചിട്ടുണ്ട്. ഇതുമായി ബന്ധപ്പെട്ട് സ്കൂള് അധികൃതര് അടിയന്തര യോഗവും വിളിച്ച് ചേര്ത്തിട്ടുണ്ട്.
രോഗം സ്ഥിരീകരിച്ച രക്ഷിതാവ് നടത്തിയ പിറന്നാള് ആഘോഷ പരിപാടിയില് ഇതേ സ്കൂളിലെ നിരവധി വിദ്യാര്ത്ഥികള് പങ്കെടുത്തിരുന്നു. ഫെബ്രുവരി 28നായിരുന്നു പിറന്നാള് ആഘോഷം. ഇക്കാര്യം പരാമര്ശിച്ചുകൊണ്ടുള്ള വാട്സ്ആപ്പ് മെസേജുകളുടെ സ്ക്രീന്ഷോട്ടുകളും വ്യാപകമായി പ്രചരിക്കുന്നുണ്ട്. കഴിഞ്ഞ ദിവസം രണ്ട് ഇന്ത്യക്കാര്ക്കാണ് കൊറോണ സ്ഥിരീകരിച്ചത്. ഇരുവരും ദില്ലിയില് ചികിത്സയില് കഴിയുകയാണ്. ഇതില് ഒരാള് അടുത്തിടെ ഇറ്റലി സന്ദര്ശിച്ച് മടങ്ങിയെത്തിയിരുന്നു. എന്നാല് യാത്രയെക്കുറിച്ചുള്ള കുടുതല് വിവരങ്ങള് പുറത്തുവരാനുണ്ടെന്നാണ് ആരോഗ്യ മന്ത്രാലയം വ്യക്തമാക്കിയിട്ടുള്ളത്.
ലോകാരോഗ്യ സംഘടന പുറത്തുവിട്ട കണക്കുകള് പ്രകാരം 90, 853 പേരിലാണ് കൊറോണ വൈറസ് സ്ഥിരീകരിച്ചിട്ടുള്ളത്. 67 രാജ്യങ്ങളിലായി 3,122 പേര് വൈറസ് ബാധയെത്തുടര്ന്ന് ഇതിനകം മരണമടഞ്ഞിട്ടുണ്ട്. ചൈനയില് മാത്രം കൊറോണ ബാധിച്ച് 2,943 പേരാണ് മരിച്ചതന്നാണ് ചൈനീസ് അധികൃതര് പുറത്തുവിട്ട വിവരം.
-
സ്വര്ണം വീണ്ടും കുറഞ്ഞു; സ്വര്ണവില ഏറ്റവും താഴ്ന്ന നിരക്കിലേക്ക്, ഇന്നത്തെ പവന് വില അറിയാം -
കാവ്യയെ ആണ് ആദ്യം വിളിച്ചത്, പിന്നാലെ ദിലീപേട്ടനെ വിളിച്ചു, നടൻ പറഞ്ഞത്..'ശാലു മേനോൻ പറയുന്നു -
പുതിയ വീടും കാറും, കൈനിറയെ പൊന്നും! ഇന്നേക്ക് നാലാം നാള് ഈ രാശിക്കാരുടെ നല്ലസമയം -
ദേശീയപാത 66;തലപ്പാടി-ചെങ്കള, രാമനാട്ടുകര-വെങ്ങളം റീച്ച് ഉദ്ഘാടനം ഇന്ന്; ബഹിഷ്കരിച്ച് സംസ്ഥാന സർക്കാർ -
ബെംഗളൂരുവിന്റെ സ്ഥാനം പോകുമോ? ആഗോള കമ്പനികള് പോകുന്നത് ഈ നഗരത്തിലേക്ക്: ഇതാണ് കാരണം -
സുഖസൗകര്യം വര്ധിക്കും; സാമ്പത്തിക വഞ്ചന സൂക്ഷിക്കണം, വിദേശത്തുള്ളവര്ക്കു ഭാഗ്യാനുഭവം, നാൾഫലം -
സ്വര്ണവിലയില് ട്വിസ്റ്റ്; വൈകുന്നേരം വില കുറഞ്ഞു, അഡ്വാന്സ് ബുക്ക് ചെയ്യാം, പുതിയ പവന് വില -
സൗദി അറേബ്യ നിര്ത്തിയാലും പ്രശ്നമില്ല; എണ്ണ ഒഴുക്കാന് പാശ്ചാത്യ രാജ്യങ്ങള്, സുപ്രധാന നീക്കം ഇങ്ങനെ -
ബെംഗളൂരു നിവാസികൾക്ക് ആശങ്ക; യെലഹങ്ക പവർ പ്ലാന്റ് അടച്ചു, നഗരത്തിലെ വൈദ്യുതി വിതരണത്തെ ബാധിച്ചേക്കും -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്... -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
മുസ്ലീം യുവാവുമായി പ്രണയം, നാട് വിട്ടോടി കേരളത്തിലെത്തി വൈറൽ താരം മോണാലിസ, ഇന്ന് വിവാഹം
Click it and Unblock the Notifications
Sign in with Google