ശരദ് പവാര്‍ ഹാഫീസ് സയ്യീദിനെ പോലെ

മുംബൈ: മുന്‍ കേന്ദ്രമന്ത്രിയും എന്‍ സി പി നേതാവുമായ ശരദ് പവാര്‍ സംസാരിക്കുന്നത് പാക് ഭീകരന്‍ ഹാഫീസ് സയിദിനെപ്പോലെയെന്ന് ശിവസേന നേതാവ് ഉദ്ധവ് താക്കറെ. പുനെയിലെ ടെക്കി കൊല്ലപ്പെട്ട സംഭവത്തില്‍ ശരദ് പവാര്‍ ബി ജെ പിക്കെതിരെ നടത്തിയ പരാമര്‍ശമാണ് താക്കറെയെ ചൊടിപ്പിച്ചത്. മാനസിക നില തകരാറിലായത് പോലെയാണ് പവാറിന്റെ വാക്കുകളെന്നും താക്കറെ പറഞ്ഞു.

നരേന്ദ്ര മോദി അധികാരത്തില്‍ വന്ന ശേഷമാണ് വര്‍ഗീയ ശക്തികള്‍ തലയുയര്‍ത്താന്‍ തുടങ്ങിയത് എന്നായിരുന്നു പുനെയിലെ കലാപങ്ങളോട് പവാറിന്റെ പ്രതികരണം. പവാര്‍ എപ്പോഴാണ് എന്താണ് പറയുക എന്ന് പറയാന്‍ പറ്റില്ല എന്നാണ് ഉദ്ധവ് താക്കറെ ഇതിനോട് പ്രതികരിച്ചത്. ലോക്‌സഭ തിരഞ്ഞെടുപ്പില്‍ തോറ്റതോടെ പവാറിന്റെ ബുദ്ധിസ്ഥിരത നഷ്ടമായിരിക്കുകയാണ്.

മഹാരാഷ്ട്രയില്‍ എന്‍ സി പി - കോണ്‍ഗ്രസ് കൂട്ടുകെട്ടിനെ തകര്‍ത്തെറിഞ്ഞ് ബി ജെ പി- സേന സഖ്യം വമ്പന്‍ വിജയം നേടിയിരുന്നു. പുനെയില്‍ ഒരു കൊലപാതകം ഉണ്ടായി. ഇതിന് നരേന്ദ്ര മോദി എന്താണ് ചെയ്തത്. മുംബൈയില്‍ അജ്മല്‍ കസബും കൂട്ടരും ആക്രമണം നടത്തുമ്പോള്‍ മോദി ആയിരുന്നില്ല അധികാരത്തില്‍. അതും പവാറിന് ഓര്‍മയിലുണ്ടാകണം.

ശരദ് പവാറിന്റെ അടുത്ത ആളായ മന്ത്രി ജിതേന്ദ്ര അദ്വാദോ പോലീസിനെ ശരിയായി പ്രവര്‍ത്തിക്കാന്‍ അനുവദിക്കാത്തതാണ് പ്രശ്‌നങ്ങള്‍ക്ക് കാരണമെന്നും താക്കറെ ആരോപിച്ചു. കറാച്ചി വിമാനത്താവളങ്ങള്‍ക്ക് പിന്നില്‍ മോദിയാണ് എന്നാണ് ഹാഫീസ് സയീദ് ആരോപിക്കുന്നത്. എന്നാല്‍ തെഹ്രിക് ഇ താലിബാന്‍ അതിന്റെ ഉത്തരവാദിത്തം ഏറ്റെടുത്തുകഴിഞ്ഞു.

English summary

Uddhav Thackeray compares Sharad Pawar with Hafiz Saeed