ഡെയ്‌ലി ഹണ്ടിന്റെ കുതിപ്പ്... ഫേസ്ബുക്കിന്റെ വളര്‍ച്ച... മനസ്സ് തുറന്ന് ഉമംഗ് ബേദി!!

Updated: Thursday, March 7, 2019, 18:42 [IST]

ഫേസ്ബുക്ക് ഇന്ത്യയില്‍ തരംഗമുണ്ടാക്കുന്നതില്‍ മുഖ്യ പങ്കുവഹിച്ച ഉമംഗ് ബേദി ഇന്ന് ഡെയ്‌ലി ഹണ്ടിന്റെ പ്രഡിഡന്റാണ്. വിപ്ലകരമായ മാറ്റങ്ങള്‍ ഫേസ്ബുക്കില്‍ നടത്തിയ ശേഷമാണ് അദ്ദേഹം ഡെയ്‌ലി ഹണ്ടിലേക്ക് കളം മാറിയത്. സിഎന്‍ബിസി ടിവി 18ന് നല്‍കിയ അഭിമുഖത്തില്‍ അദ്ദേഹം ഡെയ്‌ലി ഹണ്ടിന്റെ വിപണ സാധ്യതകളെ കുറിച്ചും ഫേസ്ബുക്കിലെ അനുഭവങ്ങളും വിവരിക്കുകയാണ്. 2018ലാണ് അദ്ദേഹം ഫേസ്ബുക്ക് ഇന്ത്യയില്‍ നിന്ന് രാജിവെച്ച് ഡെയ്‌ലി ഹണ്ടിന്റെ ചുമതലയേല്‍ക്കുന്നത്.

യൂസര്‍മാരുടെ വര്‍ധനം, വരുമാനം വര്‍ധിപ്പിക്കല്‍ എന്നിവയാണ് പ്രധാന ലക്ഷ്യമായി അദ്ദേഹം ഉയര്‍ത്തി കാണിച്ചിരുന്നത്. സ്വതന്ത്ര പ്ലാറ്റ്‌ഫോമായും അഡ്വര്‍ടൈസിംഗ് സ്‌പേസിലും ഡെയ്‌ലി ഹണ്ടിന് മുന്നേറാനാവുമെന്നും സ്ഥാനമേറ്റപ്പോള്‍ അദ്ദേഹം പറഞ്ഞിരുന്നു. ഫേസ്ബുക്കിന് മുമ്പ് അഡോബിന്റെ മുന്‍നിരയിലും അദ്ദേഹമുണ്ടായിരുന്നു. വിലകൂടിയ അഡോബിന്റെ സോഫ്റ്റ് വെയറുകള്‍ കുറഞ്ഞ വിലയിലേക്ക് കൊണ്ടുവന്ന് ജനപ്രിയമാക്കിയത് ഉമംഗ് ബേദിയുടെ നയങ്ങളായിരുന്നു.