കര്‍ണാടകത്തിലെ ധാര്‍വാര്‍ഡില്‍ നിര്‍മാണത്തിലിരുന്ന കെട്ടിടം തകര്‍ന്നു, 70 പേര്‍ കെട്ടിടത്തിനുള്ളില്‍

ബെംഗളൂരു: ഉത്തര കര്‍ണാടകത്തിലെ ധാര്‍വാര്‍ഡില്‍ നിര്‍മാണത്തിരിക്കുന്ന കെട്ടിടം തകര്‍ന്ന് വീണു. നിരവധി പേര്‍ കെട്ടിടത്തിനുള്ളില്‍ കുടുങ്ങി കിടക്കുന്നുണ്ടെന്നാണ് റിപ്പോര്‍ട്ട്. 70 പേര്‍ തകര്‍ന്ന കെട്ടിടത്തിനുള്ളില്‍ ഉണ്ടെന്നാണ് സൂചന. നിര്‍മാണ പ്രക്രിയ നടന്ന് കൊണ്ടിരിക്കവേയാണ് കെട്ടിടം തകര്‍ന്ന് വീണത്. ഇത് ദുരന്തത്തിന്റെ ആഘാതം വര്‍ധിപ്പിച്ചെന്നാണ് വിലയിരുത്തല്‍.

കോണ്‍ഗ്രസ് നേതാവും മുന്‍ കര്‍ണാടക മന്ത്രിയുമായ വിനയ് കുല്‍ക്കര്‍ണിയുടെ ബന്ധുവിന്റെ കെട്ടിടവും, സ്ഥലവും ആണ് ഇതെന്ന് മാധ്യമങ്ങള്‍ റിപ്പോര്‍ട്ട് ചെയ്യുന്നു. നിര്‍മാണത്തിനായി നിലവാരം കുറഞ്ഞ കാര്യങ്ങളാണ് ഉപയോഗിച്ചതെന്ന് റിപ്പോര്‍ട്ടുണ്ട്. തറക്കല്ലിട്ടത് വളരെ ദുര്‍ബലമാണെന്നും പറയുന്നു. നാല് നില കെട്ടിടമായിരുന്നു ഇവിടെ നിര്‍മിച്ച കൊണ്ടിരുന്നത്.

അതേസമയം പ്രദേശത്ത് രക്ഷാപ്രവര്‍ത്തനം സജീമായി നടന്നുകൊണ്ടിരിക്കുകയാണ്. ജില്ലാ കളക്ടര്‍ ദീപ ചോളന്‍, പോലീസ്, അഗ്നിശമന സേനാ പ്രവര്‍ത്തകര്‍ എന്നിവര്‍ രംഗത്തെത്തിയിട്ടുണ്ട്. രക്ഷാപ്രവര്‍ത്തനം പുരോഗമിക്കുകയാണെന്ന് ജില്ലാ കളക്ടര്‍ പറഞ്ഞു. പരിക്കേറ്റവരെ സമീപത്തെ ആശുപത്രികളിലേക്ക് മാറ്റിയിട്ടുണ്ട്.

English summary

under construction building collapses in dharward