ഇതുവരെ ലഭിച്ചത് 50 ലക്ഷത്തിലധികം പ്രതികരണങ്ങള്; ഏക സിവില്കോഡില് അഭിപ്രായം അറിയിക്കാനുള്ള സമയം നീട്ടി
ഡൽഹി: ഏക സിവിൽകോഡിൽ സംബന്ധിച്ച പൊതുജന പ്രതികരണങ്ങൾക്കുള്ള സമയപരിധി ജൂലൈ 28 വരെ നീട്ടിയതായി നിയമ കമ്മീഷൻ. നേരത്തെ നിശ്ചയിച്ചിരുന്ന കാലാവധി വെള്ളിയാഴ്ച അവസാനിച്ചിരുന്നു.
ജൂൺ 14 ന് ആയിരുന്നു ഏക സിവിൽ കോഡ് നടപ്പാക്കുന്നതുമായി ബന്ധപ്പെട്ട് നിയമ കമ്മീഷൻ പൊതുജനങ്ങളിൽ നിന്ന് അഭിപ്രായം തേടിയത്. സംഘടനകൾക്കും വ്യക്തികൾക്കുമൊക്കെ അഭിപ്രായം രേഖപ്പെടുത്താം. 50 ലക്ഷത്തിലധികം പ്രതികരണമാണ് ഇതുവരെ കമ്മീഷന് കിട്ടിയത്.
"ഏക സിവിൽ കോഡ് വിഷയത്തിൽ പൊതുജനങ്ങളിൽ നിന്നുള്ള മികച്ച പ്രതികരണവും അവരുടെ അഭിപ്രായങ്ങൾ സമർപ്പിക്കുന്നതിനുള്ള സമയം നീട്ടുന്നത് സംബന്ധിച്ച് വിവിധ കോണുകളിൽ നിന്ന് ലഭിച്ച നിരവധി അഭ്യർത്ഥനകളും കണക്കിലെടുത്ത്,
ബന്ധപ്പെട്ട പങ്കാളികളുടെ അഭിപ്രായങ്ങളും നിർദ്ദേശങ്ങളും നിയമ കമ്മീഷന് സമർപ്പിക്കുന്നതിന് രണ്ടാഴ്ചത്തെ സമയം നീട്ടിനൽകാൻ തീരുമാനിച്ചു. ," നിയമ കമ്മീഷൻ ഔദ്യോഗിക പ്രസ്താവനയിൽ പറഞ്ഞു.
"നിയം കമ്മീഷൻ എല്ലാ പങ്കാളികളുടെയും അഭിപ്രായത്തെ വിലമതിക്കുകയും സജീവമായ ഇടപെടൽ പ്രോത്സാഹിപ്പിക്കുന്ന ഒരു അന്തരീക്ഷം സൃഷ്ടിക്കാൻ ലക്ഷ്യമിടുകയും ചെയ്യുന്നു. തങ്ങളുടെ വിലയേറിയ ആശയങ്ങൾ സംഭാവന ചെയ്യുന്നതിനായി ഈ വിപുലീകൃത സമയപരിധി ഉപയോഗപ്പെടുത്താൻ താൽപ്പര്യമുള്ള എല്ലാ കക്ഷികളെയും ഞങ്ങൾ പ്രോത്സാഹിപ്പിക്കുന്നു," അറിയിപ്പിൽ വ്യക്തമാക്കുന്നു.
താൽപ്പര്യമുള്ള വ്യക്തികൾക്കോ സ്ഥാപനങ്ങൾക്കോ ഓർഗനൈസേഷനുകൾക്കോ ജൂലൈ 28 വരെ യുസിസിയെക്കുറിച്ചുള്ള അഭിപ്രായങ്ങൾ കമ്മീഷന്റെ വെബ്സൈറ്റിൽ നൽകാം.
Click it and Unblock the Notifications
Sign in with Google