ആദായ നികുതിയില് ജെയ്റ്റ്ലിയുടെ 'വരം' ... പ്രതീക്ഷിച്ചത്ര ഞെട്ടിച്ചില്ലെങ്കിലും ഞെട്ടിപ്പിച്ച് മോദി
ആദായ നികുതി പരിധിയില് മാറ്റം വരുത്തിയിട്ടില്ലെങ്കിലും സാധാരണക്കാര്ക്ക് ആശ്വാസം നല്കുന്ന പ്രഖ്യാപനമാണ് കേന്ദ്ര ബജറ്റില് ഉള്ളത്
ദില്ലി: ആദായ നികുതിയുടെ കാര്യത്തില് വിപ്ലവകരമായ മാറ്റങ്ങള് മോദി സര്ക്കാര് കൊണ്ടുവരും എന്ന് ചില കേന്ദ്രങ്ങള് നേരത്തേ പ്രചാരണം തുടങ്ങിയിരുന്നു. എന്നാല് അത് എങ്ങനെ, എപ്പോള്, ഏത് രീതിയില് എന്ന കാര്യങ്ങളില് മാത്രം യാതൊരു ഉറപ്പും ഉണ്ടായിരുന്നില്ല.
ബജറ്റ് പ്രസംഗത്തില് ധനമന്ത്രി അരുണ് ജെയ്റ്റ്ലി അക്കാര്യങ്ങള് വ്യക്തമാക്കിയിരിക്കുകയാണ് ഇപ്പോള്. ആദായനികുതിയുടെ അടിസ്ഥാന പരിധിയില് മാറ്റം വരുത്തിയില്ലെങ്കിലും മധ്യവര്ഗ്ഗത്തിന് ഏറെ പ്രതീക്ഷ നല്കുന്നതാണ് ബജറ്റ് പ്രഖ്യാപനം.
രണ്ടര ലക്ഷത്തിനും അഞ്ച് ലക്ഷത്തിനും ഇടയില് വരുമാനമുള്ളവരുടെ ആദായ നികുതി അഞ്ച് ശതമാനമായി കുറച്ചിട്ടുണ്ട്. നേരത്തെ ഇത് പത്ത് ശതമാനം ആയിരുന്നു. 50 ലക്ഷം മുതല് ഒരു കോടി രൂപ വരെ വാര്ഷിക വരുമാനം ഉള്ളവരില് നിന്ന് 10 ശതമാനവും ഒരു കോടിയില് അധികം വരിമാനമുള്ളവരില് നിന്ന് 15 ശതമാനവും സര് ചാര്ജ്ജ് ആയി ഈടാക്കും.
12,500 രൂപയോളം നികുതി ആനുകൂല്യം എല്ലാവര്ക്കും ലഭിക്കും എന്നാണ് പ്രതീക്ഷിക്കപ്പെടുന്നത്. ആ സാഹചര്യത്തില് മൂന്ന് ലക്ഷം വരെ വാര്ഷിക വരുമാനം ഉള്ളവര്ക്ക് ആദായനികുതി നല്കേണ്ടി വരില്ലെന്നാണ് റിപ്പോര്ട്ടുകള്.