ആരോഗ്യ കാര്‍ഷിക മേഖലയ്ക്ക് ഊന്നല്‍, ആദായ നികുതി നിരക്കുകളില്‍ മാറ്റമില്ല

നരേന്ദ്രമോദി സര്‍ക്കാരിന്റെ അഞ്ചാമത്തെ ബജറ്റ് അവതരണം ആരംഭിച്ചു. പൊതു തിരഞ്ഞെടുപ്പിന് മുമ്പുള്ള അവസാനത്തെ സമ്പൂര്‍ണ ബജറ്റ് അവതരണം കൂടിയാണ് ധനമന്ത്രി അരുണ്‍ ജെയ്റ്റ്‌ലി നടത്തുന്നത്. കഴിഞ്ഞില്ല, ചരക്ക് സേവന നികുതി (ജി എസ് ടി) നിലവില്‍ വന്ന ശേഷമുള്ള ആദ്യത്തെ ബജറ്റ് അവതരണം എന്ന പ്രത്യേകത കൂടി ഇന്നത്തെ ബജറ്റിനുണ്ട്. ബജറ്റ് പ്രഖ്യാപനങ്ങളിലേക്ക്...

പൊതു തിരഞ്ഞെടുപ്പിന് മുമ്പുള്ള അവസാനത്തെ ബജറ്റ് എന്നതുകൊണ്ട് തന്നെ ജനപ്രിയമായ പ്രഖ്യാപനങ്ങള്‍ മോദി സര്‍ക്കാരിന്റെ ഭാഗത്ത് നിന്നും ഉണ്ടാകും എന്നാണ് പ്രതീക്ഷിക്കപ്പെടുന്നത്. വ്യാവസായിക - കാര്‍ഷിക മേഖലകള്‍ മന്ദഗതിയിലാണെന്ന റിപ്പോര്‍ട്ടുകള്‍ക്കിടെയാണ് ബജറ്റ് അവതരണം. അതുകൊണ്ട് തന്നെ ഈ രണ്ട് മേഖലകളെയും കാര്യമായി പരിഗണിക്കുന്നതായിരിക്കും ബജറ്റ്.

ടാക്‌സ് സ്ലാബിലെ മാറ്റങ്ങള്‍, ആദായ നികുതിയിലെ ഇളവ് എന്നിവയില്‍ എന്ത് മാറ്റങ്ങള്‍ ഉണ്ടാകും എന്നതാണ് ഏവരും ഉറ്റുനോക്കുന്ന മറ്റൊരു കാര്യം. പെട്രോള്‍, ഡീസല്‍ വില ജി എസ് ടിയുടെ പരിധിയില്‍ വരുമോ എന്ന കാര്യത്തില്‍ ഒരു പ്രഖ്യാപനമുണ്ടായാല്‍ തിരഞ്ഞെടുപ്പിന് മുമ്പ് മോദി സര്‍ക്കാരിന് ഉണ്ടാക്കാവുന്ന ഒരു വലിയ ബൂസ്റ്റായിരിക്കും ഇത്. റെയില്‍വേയുമായി ബന്ധപ്പെട്ട പ്രഖ്യാപനങ്ങളും പൊതുബജറ്റിന്റെ ഭാഗമായി നടക്കും.

English summary

All eyes on Union Budget 2018-19 to be presented by Finance Minister Arun Jaitley. This is last full budget before Lok Sabha Elections 2019 and first budget after GST implementation.