ആദായ നികുതിയില് വന് ഇളവ്; 5 ലക്ഷം വരെ നികുതിയില്ല, പുതിയ സ്ലാബ് ഇങ്ങനെ
Recommended Video
ദില്ലി: ആദായ നികുതിയില് വന് ഇളവ് പ്രഖ്യാപിച്ച് കേന്ദ്ര ബജറ്റ്. അഞ്ച് ലക്ഷം രൂപ വരെ വരുമാനമുള്ളവര്ക്ക് നികുതിയില്ല. അഞ്ച് ലക്ഷത്തിനും ഏഴര ലക്ഷത്തിനുമിടയില് വരുമാനമുള്ളവര് 10 ശതമാനം നികുതി കൊടുക്കണം. നിലവില് ഇത് 20 ശതമാനമായിരുന്നു. ഏഴര ലക്ഷത്തിനും പത്ത് ലക്ഷത്തിനുമിടയില് വരുമാനമുള്ളവര് 15 ശതമാനം നികുതി കൊടുക്കണം. നിലവില് ഇത് 20 ശതമാനമാണ്.
10-12.5 ലക്ഷം വരുമാനമുള്ളവര് 20 ശതമാനം നികുതിയാണ് ഇനി കൊടുക്കേണ്ടത്. നിലവില് ഇത് 30 ശതമാനമാണ്. 12.5-15 ലക്ഷം വരുമാനമുള്ളവര് 25 ശതമാനം നികുതി ഒടുക്കണം. നിലവില് ഇത് 30 ശതമാനമാണ്. 15 ലക്ഷത്തിന് മുകളില് വരുമാനമുള്ളവര്ക്ക് യാതൊരു നികുതി ഇളവുമില്ല. 30 ശതമാനമായി തുടരും.
അതേസമയം, ലൈഫ് ഇന്ഷുറന്സ് കോര്പറേഷന് (എല്ഐസി) ഓഹരി വില്ക്കാന് കേന്ദ്രസര്ക്കാര് നീക്കം. ബജറ്റ് അവതരണത്തിനിടെ ധനമന്ത്രി നിര്മല സീതാരാമന് ഇക്കാര്യം പറഞ്ഞു. എല്ഐസിയിലെ സര്ക്കാര് ഓഹരിയാണ് വില്ക്കുക.
നേരത്തെ പല പൊതുമേഖലയാ സ്ഥാപനങ്ങള്ളും വില്ക്കാന് തീരുമാനിച്ചിരുന്നു. ഇക്കാര്യത്തില് കനത്ത പ്രതിഷേധം നിലനില്ക്കവെയാണ് എല്ഐസിയും വില്ക്കാന് ഒരുങ്ങുന്നത്. കൂടാതെ ഐഡിബിഐ ബാങ്കിലെ സര്ക്കാര് ഓഹരിയും സ്വകാര്യ നിക്ഷേപകര്ക്ക് വില്ക്കും. ഓഹരി വിപണിയിലാണ് എല്ഐസി വില്ക്കുക.
മോദി ഭരണത്തില് വിദേശനിക്ഷേപം വന്തോതില് വര്ധിച്ചുവെന്ന് ധനമന്ത്രി നിര്മല സീതാരാമന് പറഞ്ഞു. ബജറ്റ് അവതരണ വേളയിലാണ് അവര് ഇക്കാര്യം പറഞ്ഞത്. രണ്ടാം യുപിഎ സര്ക്കാരിന്റെ കാലത്ത് വിദേശനിക്ഷേപം 119 ബില്യണ് ഡോളറായിരുന്നു.