കേന്ദ്ര ബജറ്റ്: വാഹനങ്ങള്ക്ക് ഉപയോഗ കാലാവധി നിശ്ചയിച്ച് കേന്ദ്രം, സ്വകാര്യ വാഹനങ്ങള്ക്ക് 20 വര്ഷം
ദില്ലി: ഇന്ത്യന് ഓട്ടോമൊബൈല് വ്യവസായം 2019 മുതല് കടുത്ത വില്പ്പന മാന്ദ്യവുമായി മല്ലിടുകയാണ്, അപ്രതീക്ഷിതമായി എത്തിയ കൊവിഡ് മഹാമാരിയും വാഹന വില്പ്പനയെ വല്ലാതെ ബാധിച്ചു. എന്നാല് അവസാന വര്ഷം പകുതിയോടെ വാഹന വില്പ്പന മേഖല വീണ്ടും ഉണര്ന്നിരുന്നു. എന്നിരുന്നാലും വാഹന വില്പ്പന പഴയെ ട്രാക്കിലേക്ക് വന്നിട്ടില്ല. ഈ സാഹചര്യത്തില് ഇന്ത്യന് വാഹന വ്യവസായത്തെ കൈത്താങ്ങാവുന്ന വാഹന പൊളിക്കല് നയം പ്രഖ്യാപിച്ചിരിക്കുകയാണ് ഇത്തവണത്തെ കേന്ദ്ര ബജറ്റില്.
Recommended Video
2021 കേന്ദ്ര ബജറ്റില് ധനമന്ത്രി നിര്മ്മലാ സീതാരാമനാണ് ദേശീയ വാഹന പൊളിക്കല് നയം പ്രഖ്യാപിച്ചിരിക്കുന്നത്. ഇതുമായി ബന്ധപ്പെട്ട വിശദാംശങ്ങള് കേന്ദ്ര റോഡ്, ട്രാന്സ്പോര്ട്ട്, വകുപ്പ് മന്ത്രാലയം പുറത്തുവിടും. കേന്ദ്രത്തിന്റെ പുതിയ വാഹന വ്യവസായ മേഖലയ്ക്ക് ഗുണം ചെയ്യുമെന്ന കാര്യത്തില് സംശയമില്ല. പുതിയ വാഹന പൊളിക്കല് നയം പ്രകാരം, പഴയ വാഹനങ്ങള് ഒഴിവാക്കി പുതിയ വാഹനങ്ങള് മാറ്റി സ്ഥാപിക്കുന്ന നയമാണ് ദേശീയ വാഹന പൊളിക്കല് നയം.
പൊളിക്കല് നയം പ്രകാരം സ്വകാര്യ വാഹനങ്ങള്ക്ക് 20 വര്ഷവും വാണിജ്യ വാഹനങ്ങള്ക്ക് 15 വര്ഷവുമാണ് ഉപയോഗ കാലാവധി നിശ്ചയിച്ചിരിക്കുന്നത്. പുതിയ നയം സുഗമമാക്കുന്നതിന്, പുതിയ വാഹനങ്ങള് വാങ്ങുന്നതിനായി സര്ക്കാര് ഉപയോക്താക്കള്ക്ക് സാമ്പത്തികം അല്ലെങ്കില് നികുതി അടിസ്ഥാനമാക്കിയുള്ള ആനുകൂല്യങ്ങള് വാഗ്ദാനം ചെയ്യും. കൂടാതെ, പുതിയ നയത്തിന്റെ മറ്റൊരു പ്രധാന നേട്ടം, പഴയതും കൂടുതല് മലിനീകരണമുള്ളതുമായ വാഹനങ്ങള് റോഡുകളില് നിന്ന് നീക്കംചെയ്ത് വായു മലിനീകരണം കുറയ്ക്കാന് സഹായിക്കുന്നു എന്നതാണ്.
Click it and Unblock the Notifications
Sign in with Google