കേന്ദ്ര ബജറ്റ് 2021: ആ പദ്ധതികള് അഞ്ച് മിനി ബജറ്റുകള്, ഇത് പ്രതിസന്ധികാലത്തെ ബജറ്റ്
ദില്ലി: കേന്ദ്ര ധനമന്ത്രി നിര്മല സീതാരാമന് 2021 ലെ കേന്ദ്ര ബജറ്റ് അവതരിപ്പിച്ച് തുടങ്ങി. പതിവില് നിന്ന് വിപരീതമായി, ഇത്തവണ പേപ്പര്ലെസ് ബജറ്റ് ആണ്. ടാബ്ലറ്റ് നോക്കിയാണ് ബജറ്റ് പ്രസംഗം വായിക്കുന്നത് . അത് മാത്രമല്ല, ഇത്തവണത്തെ ബജറ്റിന്റെ പ്രത്യേകത. ഇത് പ്രതിസന്ധികാലത്തെ ബജറ്റ് ആണെന്ന് പറഞ്ഞുകൊണ്ടാണ് നിര്മല സീതാരാമന് ബജറ്റ് അവതരണം തുടങ്ങിയത്.
2020 ലെ ബജറ്റിന് ശേഷമാണ് കൊവിഡ് പ്രതിസന്ധി അതിരൂക്ഷമായത്. അതുകൊണ്ട് തന്നെ സാമ്പത്തിക രംഗം ഊര്ജ്ജിതമാക്കാന് പ്രധാനമന്ത്രി ഗരീബ് കല്യാണ് യോജന അടക്കമുള്ള വന് പദ്ധതികള് പ്രഖ്യാപിച്ചു. ഇതിനെ ബജറ്റിന് മുമ്പുള്ള അഞ്ച് മിനി ബജറ്റുകള് എന്നാണ് ധനമന്ത്രി വിശേഷിപ്പിച്ചത്. പ്രധാനമന്ത്രി ഗരീബ് കല്യാണ് യോജന കൂടാതെ മൂന്ന് ആത്മനിര്ഭര് ഭാരത് പാക്കേജുകളും തുടര്ന്നുള്ള പ്രഖ്യാപനങ്ങളും ആണ് അഞ്ച് മിനി ബജറ്റുകള് എന്ന് മന്ത്രി വിശേഷിപ്പിച്ചത്.
കൊവിഡ് പ്രതിസന്ധി ഇപ്പോഴും രാജ്യത്തെ വിട്ടുപോയിട്ടില്ല. സാമ്പത്തിക മേഖല കടുത്ത പ്രതിസന്ധിയില് തന്നെയാണ് ഉള്ളത് . ഇതെല്ലാം മറികടക്കുന്ന പ്രഖ്യാപനങ്ങളാണ് ബജറ്റില് പ്രതീക്ഷിക്കുന്നത് .
കൊവിഡിനെതിരായ പോരാട്ടം തുടരുമെന്നും കൊവിഡ് വാക്സിനായി 35,000 കോടി രൂപ നീക്കിവയ്ക്കുമെന്നും ബജറ്റില് പ്രഖ്യാപിച്ചിട്ടുണ്ട്. ആരോഗ്യമേഖലയ്ക്കായി 64,180 കോടി രൂപയും ബജറ്റില് പ്രഖ്യാപിച്ചിട്ടുണ്ട്.
റിസര്വ്വ് ബാങ് നടപടികള് ഉള്പ്പെടെ ആത്മനിര്ഭര് ഭാരത് പാക്കേജുകളില് ഇതുവരെയായി റെക്കോര്ഡ് തുകയ്ക്കുള്ള നടപടികള് ആണ് സ്വീകരിച്ചിട്ടുള്ളത് . മൊത്തം 27.1 ലക്ഷം കോടി രൂപ ! രാജ്യത്തിന്റെ മൊത്തം ആഭ്യന്തര ഉത്പാദനത്തിന്റെ 13 ശതമാണ് ഇത് എന്നും നിര്മല സീതാരാമന് പറഞ്ഞു .
കേന്ദ്ര ബജറ്റ്; ആരോഗ്യമേഖലയ്ക്ക് കൈത്താങ്ങ്..64,180 കോടി രൂപയുടെ പാക്കേജ് പ്രഖ്യാപിച്ച് ധനമന്ത്രി
കേന്ദ്ര ബജറ്റ്; ആരോഗ്യ-തൊഴിൽ മേഖലയ്ക്ക് അർഹമായ പരിഗണന നൽകണം,നിർദ്ദേശങ്ങളുമായി രാഹുൽ ഗാന്ധി
കേന്ദ്ര ബജറ്റ്: ആരോഗ്യ മേഖലയ്ക്ക് സഹായം വേണം; കേന്ദ്ര ബജറ്റില് അമിത പ്രതീക്ഷയില്ലെന്ന് തോമസ് ഐസക്ക്
കേന്ദ്ര ബജറ്റ്: പേപ്പറിന് പകരം ഐപാഡ്, ധനമന്ത്രിയുടെ ബജറ്റ് അവതരണം ഇന്ത്യന് നിര്മിത ടാബ് ഉപയോഗിച്ച്
Recommended Video