കരിപ്പൂര് പ്രശ്ന പരിഹാര നടപടികള് ഉടനെന്ന് കേന്ദ്ര വ്യോമയാന മന്ത്രിയുടെ ഉറപ്പ്
ന്യൂഡല്ഹി: കോഴിക്കോട് വിമാനത്താവള പ്രശ്നങ്ങള് ശാശ്വതമായി പരിഹരിക്കാനുള്ള നടപടികള് ഉടന് കൈക്കൊള്ളുമെന്ന് കേന്ദ്ര വ്യോമയാന മന്ത്രി അശോക് ഗജപതി രാജു ദുബായ് കെഎംസിസി ഭാരവാഹികള്ക്ക് ഉറപ്പ് നല്കി. ഭൂമി ഏറ്റെടുക്കലാണ് ശാശ്വത പരിഹാര മാര്ഗമെങ്കിലും ഇപ്പോള് നിലനില്ക്കുന്ന പ്രശ്നങ്ങളില് പരിഹാരമുണ്ടാവാന് അടിയന്തര നടപടികള് സ്വീകരിക്കുമെന്നും മന്ത്രി പറഞ്ഞു.
ഹജ്ജ് സര്വീസ് ഒഴിവാക്കിയതടക്കം കരിപ്പൂര് വിമാനത്താവളത്തോട് കേന്ദ്രം കാട്ടുന്ന അവഗണന അവസാനിപ്പിക്കണമെന്നാവശ്യപ്പെട്ട് കൂടിക്കാഴ്ച നടത്തിയ നിവേദക സംഘത്തോടാണ് മന്ത്രി ഇക്കാര്യം വ്യക്തമാക്കിയത്. മുസ്ലിം ലീഗ് നേതാക്കളും എം.പിമാരുമായ ഇ.ടി മുഹമ്മദ് ബഷീര്, പി.വി അബ്ദുല് വഹാബ് എന്നിവരുടെ നേതൃത്വത്തില് നിരവധി വിഷയങ്ങള് മന്ത്രിയുടെ ശ്രദ്ധയില്പ്പെടുത്തി.
വലിയ വിമാനങ്ങളുടെ സര്വീസ് പുന:സ്ഥാപിക്കുക, ഹജ്ജ് എംബാര്കേഷന് ലിസ്റ്റില് കരിപ്പൂരിനെ ഉള്പ്പെടുത്തുക, ആഭ്യന്തര സര്വീസുകള് കൂടാതെ കരിപ്പൂരിലേക്ക് സര്വീസ് നടത്താന് തയാറായ കമ്പനികള്ക്ക് അനുവാദം നല്കുക തുടങ്ങിയ വിഷയങ്ങളും നിവേദനത്തില് ഉന്നയിച്ചിട്ടുണ്ട്.കോഡ് ഇനത്തില് പെട്ട വലിയ വിമാനങ്ങള് 16 വര്ഷം കരിപ്പൂരില് സര്വീസ് നടത്തിയിട്ടുണ്ട്. എമിറേറ്റ്സ്, സൗദി, എയര് ഇന്ത്യ ജംബോ വിമാനങ്ങളുടെ സര്വീസ് നിര്ത്തിയതോടെ മലബാര് മേഖലയില് നിന്നുള്ള പ്രവാസികള് ദുരിതത്തിലായി.
വലിയ വിമാനങ്ങള്ക്കുള്ള വിലക്ക് ഹജ്ജ് യാത്രക്കാരെയും ബാധിച്ചു. റണ്വേയില് വിള്ളല് കണ്ടതിനെ തുടര്ന്ന് 2015 മെയ് ഒന്നിന് വലിയ വിമാനങ്ങള് താല്ക്കാലികമായി സര്വീസ് നിര്ത്തിയിരുന്നെങ്കിലും റണ്വേയിലെ റീകാര്പെറ്റിംഗ് പൂര്ത്തീകരിച്ചിട്ടുണ്ട്. റണ്വേ ബലപ്പെടുത്തുന്ന ജോലികള് പൂര്ത്തീകരിച്ചതോടെ ഒട്ടേറെ വിദേശ വിമാന കമ്പനികള് പരിശോധന നടത്തി സര്വീസിന് തയാറെന്ന് അറിയിച്ചിരുന്നു.
ഇന്ത്യയിലെ തന്നെ ഏറ്റവും മികച്ച റണ്വേകളിലൊന്നാണ് കരിപ്പൂരിലേതെന്ന് ഡി.ജി.സി.എ സൂചിപ്പിച്ചതും നിവേദക സംഘം മന്ത്രിയുടെ ശ്രദ്ധയില് പെടുത്തി. നീളം കുറഞ്ഞ റണ്വെയുള്ള വിമാനത്താവളങ്ങളില് വലിയ വിമാനങ്ങളിറങ്ങുന്ന കാര്യവും റണ്വേ നീളം കൂട്ടിയാല് മാത്രമേ വലിയ വിമാനങ്ങള് അനുവദിക്കൂവെന്ന എയര്പോര്ട്ട് അഥോറിറ്റിയുടെ നിലപാടും തിരുത്തേണ്ടതുണ്ടെന്നും മന്ത്രിയോട് ഇവര് ആവശ്യപ്പെട്ടു.
-
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം
Click it and Unblock the Notifications
Sign in with Google