രാജ്യത്തെ മുഴുവന് പേര്ക്കും കൊവിഡ് വാക്സിന് സൗജ്യനം: പ്രഖ്യാപനവുമായി കേന്ദ്ര സര്ക്കാര്
ദില്ലി; രാജ്യമെമ്പാടും കോവിഡ് -19 വാക്സിൻ സൗജന്യമായി നൽകുമെന്ന് കേന്ദ്ര ആരോഗ്യമന്ത്രി ഹർഷ വർധൻ . എല്ലാ സംസ്ഥാനങ്ങളിലും കേന്ദ്രഭരണ പ്രദേശങ്ങളിലും വാക്സിന് വിതരണത്തിന്റെ ഡ്രൈ റണ് നടക്കുന്നതിനിടയിലാണ് പ്രഖ്യാപനം. 'ദില്ലിയിൽ മാത്രമല്ല രാജ്യത്തുടനീളം കൊവിഡ് വാക്സിന് വിതരണം സൗജന്യമായിരിക്കും'- ഹര്ഷ വര്ധന് പറഞ്ഞു. കോവിഡ് -19 നുള്ള വാക്സിൻ ദേശീയ തലസ്ഥാനത്ത് സൗജന്യമായി നൽകുമെന്ന് ദില്ലി ആരോഗ്യമന്ത്രി സത്യേന്ദർ ജെയിൻ നേരത്തെ വ്യക്തമാക്കിയിരുന്നു.
കോവിഡ് -19 വാക്സിൻ നൽകുന്നതിനുള്ള ഡ്രൈ റൺ ഡ്രിൽ അവലോകനം ചെയ്യുന്നതിനായി ദില്ലി ജിടിബി ആശുപത്രി സന്ദർശിച്ചപ്പോഴാണ് വാക്സിന് വിതരണം സൗജന്യമായിരിക്കുമെന്ന പ്രഖ്യാപനം ഹര്ഷ വര്ധന് നടത്തിയത്. "നാല് സംസ്ഥാനങ്ങളിലെ ഡ്രൈ റണ്ണിനുശേഷം ലഭിച്ച ഫീഡ്ബാക്കുകൾ വാക്സിനേഷനായുള്ള മാർഗ്ഗനിർദ്ദേശങ്ങളിൽ ഉൾപ്പെടുത്തിയിട്ടുണ്ട്, എല്ലാ സംസ്ഥാനങ്ങളിലും / യുടിയിലും ഡ്രൈ ഡ്രൈവ് പുതിയ മാർഗ്ഗനിർദ്ദേശങ്ങൾക്കനുസൃതമായി നടക്കുന്നു. യഥാർത്ഥ വാക്സിൻ നൽകുന്നത് ഒഴികെ, എല്ലാ നടപടിക്രമങ്ങളും ഡ്രില്ലിൽ പിന്തുടരുന്നു, ആശുപത്രി സന്ദർശിച്ച ശേഷം അദ്ദേഹം മാധ്യമപ്രവർത്തകരോട് പറഞ്ഞു.
Recommended Video
അതേസമയം, കേരളത്തിലെ നാല് ജില്ലകള് ഉള്പ്പടെ രാജ്യത്തെ എല്ലാ സംസ്ഥാനങ്ങളിലും കൊവിഡ് വാക്സിന്റെ ഡ്രൈ റണ് പുരോഗമിക്കുന്നു. കേരളത്തില് തിരുവനന്തപുരം, വയനാട്, ഇടുക്കി, പാലക്കാട് ജില്ലകളിലാണ് വാക്സീന് ഡ്രൈ റണ് നടക്കുന്നത്. തിരുവനന്തപുരത്ത് മൂന്ന് ആശുപത്രികളിലും മറ്റ് ജില്ലകളില് ഒരിടത്ത് വീതവും ഡ്രൈ റണ് നടത്തും. ഡിസംബര് 28,29 തീയതികള് നാല് സംസ്ഥാനങ്ങളില് ഡ്രൈ റണ് നടത്തിയിരുന്നു. മികച്ച രീതിയിലാണ് അവ നടത്തിയെന്നാണ് കേന്ദ്ര ആരോഗ്യ മന്ത്രാലയത്തിന്റെ വിലയിരുത്തല്.
Click it and Unblock the Notifications
Sign in with Google