ഉന്നാവോ പെണ്കുട്ടിയുടെ പിതാവിനെ ചികില്സിച്ച ഡോക്ടര് മരിച്ചു; ദുരൂഹതയെന്ന് ബന്ധുക്കള്
ലഖ്നൗ: മുന് ബിജെപി എംഎല്എയുടെ പീഡനത്തിന് ഇരയായ ഉന്നാവോയിലെ പെണ്കുട്ടിയുടെ പിതാവിനെ ചികില്സിച്ച ഡോക്ടര് ദുരൂഹ സാഹചര്യത്തില് മരിച്ചു. പ്രശാന്ത് ഉപാധ്യായ ആണ് തിങ്കളാഴ്ച മരിച്ചത്. 2018ല് ഉന്നാവോ പെണ്കുട്ടിയുടെ പിതാവിനെ പോലീസ് കസ്റ്റഡിയിലെടുക്കുകയും ക്രൂരമായി മര്ദ്ദിക്കുകയും ചെയ്തിരുന്നു.
ജില്ലാ ആശുപത്രിയിലെ അടിയന്തര വിഭാഗത്തിലായിരുന്നു അന്ന് പ്രശാന്ത് ഉപാധ്യായ. പ്രാഥമിക പരിശോധന നടത്തിയ ശേഷം പിതാവിനെ അദ്ദേഹം ഡിസ് ചാര്ജ് ചെയ്തു. പിന്നീട് പോലീസ് കസ്റ്റഡിയിലിരിക്കെ പിതാവ് മരിച്ചു. യുപി പോലീസിന്റെ ക്രൂരമര്ദ്ദനമാണ് മരണത്തിന് കാരണമെന്ന് അന്നുതന്നെ ആരോപണം ശക്തമായിരുന്നു.
ഉന്നാവോ പീഡനം ദേശീയതലത്തില് ചര്ച്ചയാകുകയും യോഗി ആദിത്യനാഥ് സര്ക്കാര് പ്രതിക്കൂട്ടിലാകുകയും ചെയ്തതോടെ അന്വേഷണം സിബിഐക്ക് വിട്ടു. സിബിഐ അന്വേഷണം ഏറ്റെടുത്തതിന് പിന്നാലെ പ്രശാന്ത് ഉപാധ്യായയെ സസ്പെന്റ് ചെയ്തു. പിന്നീട് സര്വീസില് തിരിച്ചെടുക്കുകയും ചെയ്തു. ഇപ്പോള് ഫത്തേപൂരിലാണ് അദ്ദേഹം ജോലി ചെയ്യുന്നത്.
ഉന്നാവോ പെണ്കുട്ടിയുടെ പിതാവ് മരിച്ച കേസ് ചൊവ്വാഴ്ച കോടതി പരിഗണിക്കാനിരിക്കെയാണ് തിങ്കളാഴ്ച ഡോക്ടറുടെ മരണം സംഭവിച്ചത്. മരണത്തിന് തൊട്ടുമുമ്പ് ശ്വാസ തടസം നേരിടുന്നുണ്ടെന്ന് ഉപാധ്യായ പറഞ്ഞിരുന്നുവെന്ന് ബന്ധുക്കള് അറിയിച്ചു. ആശുപത്രിയില് പോകാന് അദ്ദേഹം വിസമ്മതിച്ചു. ബന്ധുക്കളുടെ നിര്ബന്ധം മൂലമാണ് പിന്നീട് ആശുപത്രിയിലെത്തിച്ചത്. മരണം സംഭവിച്ചുവെന്ന് ഡോക്ടര്മാര് അറിയിക്കുകയും ചെയ്തു.
ഉപാധ്യായക്ക് പ്രമേഹമുണ്ടായിരുന്നുവെന്നും മറ്റു അസുഖങ്ങളൊന്നുമില്ലായിരുന്നുവെന്നും ബന്ധുക്കള് പറഞ്ഞു. മരണത്തില് അവര് സംശയം പ്രകടിപ്പിച്ചു. ഉന്നാവോ ബലാല്സംഗ കേസില് അറസ്റ്റിലായ ബിജെപി മുന് എംഎല്എ കുല്ദീപ് സെന്ഗാറിനെ കോടതി ജീവപര്യന്തം തടവിന് ശിക്ഷിച്ചിരുന്നു. കേസില് പ്രതി ചേര്ത്തതോടെ ഇയാളെ ബിജെപി പുറത്താക്കി. കുല്ദീപിന്റെ സഹോദരന് അതുല് സെന്ഗാര് പെണ്കുട്ടിയുടെ പിതാവ് മരിച്ച കേസില് പ്രതിയാണ്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google