സച്ചിന്റെ മകന്റെ പേരില് വ്യാജ ഹാള് ടിക്കറ്റ്
ആഗ്ര: സച്ചിന് തെന്ഡുക്കറുടെ മകന്റെ പേരില് വ്യാജ ഹാള് ടിക്കറ്റ്. സ്റ്റേറ്റ് ബോര്ഡിന്റെ ഹൈസ്കൂള് പരീക്ഷയ്ക്ക് വിതരണം ചെയ്ത അഡ്മിറ്റ് കാര്ഡിലാണ് അര്ജുന് തെന്ഡുല്ക്കറുടെ ഫോട്ടോ പതിച്ചിരുന്നത്.
അഡ്മിറ്റ് കാര്ഡില് അര്ജുന് സിങ് എന്ന പേരും അര്ജുന് തെന്ഡുല്ക്കറുടെ ഫോട്ടോയുമാണ് പതിച്ചിരിക്കുന്നത്. അഡ്മിറ്റ് കാര്ഡ് അനുവദിച്ച ആഗ്രയിലെ അങ്കൂര് ഇന്റര്കോളേജിലെ അധികൃതരെ പോലീസ് അറസ്റ്റ് ചെയ്തു.
0025488 എന്ന നമ്പറിലാണ് ഹാള് ടിക്കറ്റ്. അര്ജുന് സിങ് എന്ന പേരും രക്ഷിതാക്കളുടെ പേരു വിവരങ്ങളും ഉള്പ്പെടുത്തിയിട്ടുണ്ട്. കാര്ഡിലെ ജനന തിയ്യതിയും ഫോട്ടായില് കാണിച്ച അര്ജുന്റെ ജനന തിയ്യതിയും വ്യത്യസ്തമാണ്. സ്റ്റേറ്റ് ഹൈസ്കൂള് ബോര്ഡില് നിന്നാണ് ഹാള് ടിക്കറ്റ് പുറത്തു വരുന്നത്. ഈ വര്ഷത്തില് 68 ലക്ഷം കുട്ടികള്ക്കാണ് അഡ്മിറ്റ് കാര്ഡുകള് നല്കിയിരിക്കുന്നത്.
വിദ്യാഭ്യാസ വകുപ്പും പരീക്ഷാ മാഫിയകളും ചേര്ന്ന് നടക്കുന്ന തട്ടിപ്പാണ് ഇത്തരം വാര്ത്തകളിലൂടെ പുറത്ത് വരുന്നത്. കഴിഞ്ഞ വര്ഷത്തില് ബീഹാറില് പരീക്ഷയെഴുത്തുന്ന കുട്ടികള്ക്ക് ഉത്തരക്കടലാസുകള് കൈമാറുന്നത് രാജ്യത്തെ ഒന്നടങ്കം ഞെട്ടിച്ചിരുന്നു.