Click it and Unblock the Notifications
Just In
Don't Miss
-
നിരവധിയാളുകളുടെ അനുഭവമാണ് ചെറുപയര് ഉലുവയിലെ മുടി വളര്ച്ച -
IPL 2024: 20ാം ഓവര് എന്തുകൊണ്ട് യഷിന് നല്കി? രാഹുല് ധോണിയെ സഹായിച്ചു! തെളിവ് ഇതാ -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വരന്റെ പേര് യോഗി, വിവാഹസമ്മാനമായി നല്‍കിയത് ബുള്‍ഡോസര്‍..! വൈറല്‍ വിവാഹം യുപിയില്‍
ലഖ്‌നൗ: സ്വന്തം മക്കളുടെ കല്യാണം ഗംഭീരമാക്കാന്‍ ആഗ്രഹിക്കുന്നവരാണ് മാതാപിതാക്കള്‍ എല്ലാവരും. അതിനായി പലരും പലതരത്തിലുള്ള സമ്മാനങ്ങളാണ് നല്‍കാറുള്ളത്. അതെല്ലാം പലപ്പോഴും വൈറലായി മാറാറുമുണ്ട്. ഇപ്പോഴിതാ അത്തരത്തില്‍ എല്ലാവരെയും അതിശയിപ്പിക്കുന്ന ഒരു വിവാഹ സമ്മാനത്തിന്റെ വാര്‍ത്തയാണ് ഇപ്പോള്‍ പുറത്ത് വരുന്നത്. വിവാഹത്തിന് വാഹനങ്ങള്‍ സമ്മാനമായി നല്‍കുന്നത് പുതുമയുള്ള കാര്യമല്ല.
എന്നാല്‍ അതൊരു ബുള്‍ഡോസര്‍ ആണെങ്കിലോ..? കുറച്ചൊരു കൗതുകം തോന്നുമല്ലേ.. എന്നാല്‍ വിവാഹ സ്ഥലം ഉത്തര്‍പ്രദേശ് ആണെന്നും വരന്റെ പേര് യോഗി എന്നാണെന്നും അറിഞ്ഞാല്‍ ആ കൗതുകം ഇരട്ടിയാകും. അതെ അമ്പരക്കേണ്ട. യു പിയിലെ ഒരു വിവാഹമാണ് ഇത്തരം യാദൃശ്ചികതകളാല്‍ വൈറലായിരിക്കുന്നത്.
ഡിസംബര്‍ 15 ന് ആയിരുന്നു ഉത്തര്‍പ്രദേശിലെ ഈ വൈറല്‍ കല്യാണം. മുന്‍ സൈനികനായ പരശുറാം പ്രജാപതി ആണ് തന്റെ മകള്‍ നേഹക്ക് വിവാഹ സമ്മാനമായി ബുള്‍ഡോസര്‍ സമ്മാനിച്ചിരിക്കുന്നത്. യോഗേന്ദ്ര എന്ന യോഗി പ്രജാപതിയാണ് നേഹയുടെ വരന്‍. യോഗി പ്രജാപതി നേവിയിലെ ഉദ്യോഗസ്ഥനാണ്. സൗങ്കര്‍ നിവാസിയാണ് യോഗി പ്രജാപതി.
സുമേര്‍പൂരിലെ ഗസ്റ്റ് ഹൗസില്‍ വെച്ചാണ് വിവാഹം നടന്നത്. അന്ന് തന്നെയാണ് പരശുറാം പ്രജാപതി ബുള്‍ഡോസര്‍ യോഗി പ്രജാപതിക്കും നേഹക്കും സമ്മാനിച്ചത്. എല്ലാവരും നവദമ്പതികള്‍ക്ക് പിതാവ് ആഡംബര കാര്‍ സമ്മാനമായി നല്‍കും എന്നായിരുന്നു കരുതിയിരുന്നത്.
അതേസമയം തന്റെ മകള്‍ യു പി എസ് സിക്ക് തയ്യാറെടുക്കുകയാണ് എന്നും പരീക്ഷയില്‍ വിജയിക്കുന്നതില്‍ പരാജയപ്പെട്ടാല്‍ ബുള്‍ഡോസര്‍ ഉപയോഗിച്ച് പണം സമ്പാദിക്കാം എന്നും പരശുറാം പ്രജാപതി പറഞ്ഞു. ഈ വര്‍ഷമാദ്യം യു പിയിലെ നിയമസഭാ തെരഞ്ഞെടുപ്പില്‍ ചൂടേറിയ ചര്‍ച്ചാ വിഷയമായിരുന്നു ബുള്‍ഡോസര്‍.
ആദ്യം പ്രതിപക്ഷം യോഗിയെ വിമര്‍ശിക്കാന്‍ ഉപയോഗിച്ച ബുള്‍ഡോസര്‍ ബാബ എന്ന വിശേഷണം പിന്നീട് ബി ജെ പി സ്വയം എടുത്തണിയുകയായിരുന്നു. നിയമവിരുദ്ധര്‍ക്കും ക്രിമിനലുകള്‍ക്കും എതിരായാണ് തങ്ങള്‍ ബുള്‍ഡോസര്‍ ഉപയോഗിക്കുന്നത് എന്നായിരുന്നു യോഗി ആദിത്യനാഥ് പറഞ്ഞത്.
