ലഖ്നൗവിലെ ലോക് ബന്ധു ആശുപത്രിയിൽ തീപിടിത്തം; ആളപായമില്ല

ലഖ്നൗ: ലഖ്നൗവിലെ ലോക് ബന്ധു ആശുപത്രിയിൽ തീപിടിത്തം. തിങ്കളാഴ്ച രാത്രിയാണ് തീപിടത്തം ഉണ്ടായത്. ഉത്തർപ്രദേശ് മുഖ്യമന്ത്രി യോ​ഗി ആദിത്യനാഥ് ഉ​ദ്യോ​ഗസ്ഥരുമായി സംസാരിച്ചു. ആശുപത്രിയിലെ രണ്ടാം നിലയിൽ നിന്നാണ് തീപിടിത്തമുണ്ടായത്. കെട്ടിടം മുഴുവൻ കനത്ത പുകയിൽ പൊതിഞ്ഞു. ജീവനക്കാരിലും രോ​ഗികളിലും പരിഭ്രാന്തി സൃഷ്ടിച്ചു. ഉടൻ സ്ഥലത്തെത്തിയ മുതിർന്ന അഡ്മിനിസ്ട്രേറ്റീവ് ഓഫീസർമാരുടെ സഹായത്തോടെ അ​ഗ്നിശമന സേനാം​ഗങ്ങൾ പ്രവർത്തിച്ച് സ്ഥിതി​ഗതികൾ നിയന്ത്രണവിധേയമാക്കി.

തീപിടിത്തിൽ ഇതുവരെ ആളപായം റിപ്പോർട്ട് ചെയ്തിട്ടില്ല. ആശുപത്രിയിലെ ഇരുന്നുറോളം രോ​ഗികളെ സുരക്ഷിതമായി മറ്റ് കേന്ദ്രങ്ങളിലേക്ക് മാറ്റി. തീപിടിത്തത്തിന്റെ കൃത്യമായ കാരണം ഇപ്പോഴും അജ്ഞാതമാണ്. നിരവധി റിപ്പോർട്ടുകൾ പ്രകാരം തീപിടിത്തം ഉണ്ടായപ്പോൾ കുറഞ്ഞത് 35 - 40 രോ​ഗികളെങ്കിലും രണ്ടാം നിലയിൽ പ്രവേശിപ്പിക്കപ്പെട്ടിരുന്നു. ജീവനക്കാരും രോ​ഗികളും സുരക്ഷിതമായി ഓടി. ആശുപത്രിയിലെ വൈദ്യുതി ബന്ധം നിലച്ചു.

" ലോക് ബന്ധു ഹോസ്പിറ്റലിൽ തീപിടത്തമുണ്ടായി. 200 രോ​ഗികളെ സുരക്ഷിതമായി മാറ്റി. ആളപായമോ പരിക്കോ ഒന്നും ഉണ്ടായിട്ടില്ല. അ​ഗ്നിശമനസേനാ ഉദ്യോ​ഗസ്ഥർ കെട്ടിടത്തിനുള്ളിൽ തന്നെയുണ്ട്. തീ നിയന്ത്രണ വിധേയമാക്കാൻ ശ്രമിക്കുന്നു." യു പി ഉപ മുഖ്യമന്ത്രി ബ്രജേഷ് പഥക് പറഞ്ഞു.

ആളപായമില്ലാതെ തീ നിയന്ത്രണ വിധേയമാക്കി. അവർ രക്ഷാപ്രവർത്തനം ആരംഭിച്ചു ഐ സി യു, സ്ത്രീകളുടെ വാർഡ്, മറ്റൊരു വാർഡ് എന്നിവയെ ബാധിച്ചു. ഈ വാർഡുകളിൽ നിന്നുള്ള എല്ലാ രോ​ഗികളും രക്ഷപ്പെട്ടു. അവരെ 3 ആശുപത്രികളിലേക്ക് റഫർ ചെയ്തിട്ടുണ്ട്.
ജില്ലാ മജിസ്‌ട്രേറ്റ് വിശാഖ് ജി അയ്യർ പറഞ്ഞു.

എല്ലാ രോ​ഗികളെയും ഒഴിപ്പിച്ച് അടുത്തുള്ള ആശുപത്രികളിലേക്ക് മാറ്റിയതായി പോലീസ് കമ്മീഷണർ അമരേന്ദ്ര സിംഗ് സെൻഗാറും സ്ഥിരീകരിച്ചു. തീപിടിത്തത്തിൻ്റെ കാരണവും കൂടുതൽ സുരക്ഷാ നടപടികളും ഉദ്യോഗസ്ഥർ പരിശോധിച്ചുവരികയാണ്.