Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
മണിപ്പൂരില്‍ മികച്ച പോളിങ്; ഉത്തര്‍പ്രദേശില്‍ മന്ദഗതിയില്‍
യുപിയില്‍ 1.41 കോടി വോട്ടര്‍മാരാണ് പോളിങ് ബൂത്തിലെത്തുക
ലഖ്‌നൗ/ ഇംഫാല്‍: ഉത്തര്‍പ്രദേശിലും മണിപ്പൂരിലും അവസാനഘട്ട വോട്ടെടുപ്പ് തുടങ്ങി. ഉച്ചയ്ക്ക് ഒരു മണി വരെയുള്ള കണക്ക് പരിശോധിക്കുമ്പോള്‍ മണിപ്പൂരില്‍ 68 ശതമാനം പോളിങാണ് രേഖപ്പെടുത്തിയത്. എന്നാല്‍ യുപിയില്‍ ഉച്ചവരെ 22.84 ശതമാനം പോളിങേ ഉണ്ടായിട്ടുള്ളൂ. ഉത്തര്‍പ്രദേശില്‍ ഗാസിപുര്‍, വാരണാസി, ജാന്‍പൂര്‍, ചണ്ഡൗലി, മിര്‍സാപൂര്‍, ബദോയി, സോനെഭദ്ര എന്നീ ജില്ലകളിലെ 40 മണ്ഡലങ്ങളിലേക്കാണ് തിരഞ്ഞെടുപ്പ് നടക്കുന്നത്. ലഖ്‌നൗവില്‍ മണിക്കൂറുകളോളം നീണ്ട തീവ്രവാദി ആക്രമണത്തിന്റെ പശ്ചാത്തലത്തില്‍ കനത്ത സുരക്ഷയാണ് പോളിങ് ബൂത്തുകളില്‍ ഒരുക്കിയിരിക്കുന്നത്.
64.76 ലക്ഷം സ്ത്രീകളടക്കം 1.41 കോടി വോട്ടര്‍മാരാണ് പോളിങ് ബൂത്തിലെത്തുക. പ്രധാനമന്ത്രി നരേന്ദ്ര മോദിയുടെ ലോക്‌സഭാ മണ്ഡലമായ വാരണാസിയിലെ തിരഞ്ഞെടുപ്പാണ് പ്രധാന ആകര്‍ഷണം. ഇവിടെ മോദി റോഡ്‌ഷോകളും റാലിയും നടത്തിയിരുന്നു. കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയും യുപി മുഖ്യമന്ത്രിയും സമാജ്‌വാദി പാര്‍ട്ടി നേതാവുമായ അഖിലേഷ് യാദവും വാരണാസിയില്‍ മികച്ച പ്രചരണം നടത്തിയിരുന്നു. വാരണാസിയില്‍ അഞ്ചു നിയമസഭാ മണ്ഡലങ്ങളുണ്ട്.
മണിപ്പൂരില്‍ അഞ്ചു ജില്ലകളിലാണ് വിധിയെഴുത്ത്. 22 സീറ്റുകളിലായി 98 സ്ഥാനാര്‍ഥികള്‍ മല്‍സരംരംഗത്തുണ്ട്. ഇതില്‍ മനുഷ്യാവകാശ പ്രവര്‍ത്തക ഇംറോം ശര്‍മിളയും മുഖ്യമന്ത്രി ഒക്രെം ഇബോബി സിങും തമ്മിലുള്ള പോരാട്ടമാണ് ഏവരും ഉറ്റുനോക്കുന്നത്. തൗബലിലാണ് ഇരുവരും ജനവിധി തേടുന്നത്.
