രണ്ട് കുട്ടികളെ വെട്ടിക്കൊലപ്പെടുത്തിയ ബാര്ബറെ ഏറ്റുമുട്ടലില് വധിച്ച് യുപി പൊലീസ്
ലഖ്നൗ: രണ്ട് കുട്ടികളെ വെട്ടിക്കൊലപ്പെടുത്തിയ ബാര്ബറെ ഏറ്റുമുട്ടലില് വധിച്ചതായി യുപി പൊലീസ്. ഉത്തര്പ്രദേശിലെ ബദൗണിലാണ് സംഭവം. സാജിദ് എന്ന 22 കാരനാണ് കൊല്ലപ്പെട്ടത്. മണ്ഡി സമിതി പൊലീസ് സ്റ്റേഷന് പരിധിയിലെ ബാബ കോളനിയിലാണ് സംഭവം. പ്രതി തന്റെ അയല്വാസിയുടെ വീട്ടില് അതിക്രമിച്ച് കയറി 11ഉം 6ഉം വയസ്സുള്ള രണ്ട് കുട്ടികളെ കഴുത്തറുത്ത് കൊലപ്പെടുത്തുകയും മൂന്നാമത്തെ കുട്ടിയെ ഗുരുതരമായി പരിക്കേല്പ്പിക്കുകയുമായിരുന്നു.
സലൂണ് നടത്തുന്ന അയല്വാസിയായ വിനോദ് കുമാറിന്റെ കുടുംബവുമായി സാജിദ് പലപ്പോഴും വഴക്കുണ്ടാക്കാറുണ്ടെന്നാണ് പ്രദേശവാസികള് പറയുന്നത്. വിനോദ് കുമാറിന്റെ ഭാര്യയും മൂന്ന് കുട്ടികളും മാത്രം വീട്ടിലുള്ളപ്പോഴായിരുന്നു ആക്രമണം. ഇവരുടെ വീടിന്റെ താഴെയാണ് പാര്ലര്. ആക്രമണ സമയത്ത് വിനോദ് കുമാറിന്റെ ഭാര്യ താഴെ പാര്ലറില് ആയിരുന്നു. വിനോദിന്റെ വീട്ടിലെത്തിയ പ്രതി മക്കളായ ആയുഷ്, പിയൂഷ്, ഹണി എന്നിവരെ ആക്രമിക്കുകയായിരുന്നു എന്ന് അയല്വാസികള് പറഞ്ഞു.
നിലവിളി കേട്ട് ആളുകള് മുകളിലേക്ക് ഓടിയെത്തിയെങ്കിലും പ്രതി ഓടി രക്ഷപ്പെട്ടു. പൊലീസ് സ്ഥലത്തെത്തിയെങ്കിലും രോഷാകുലരായ നാട്ടുകാര് മൃതദേഹം ഏറ്റുവാങ്ങാന് അനുവദിച്ചില്ല. മൃതദേഹം കൊണ്ടുപോകാനെത്തിയ ആംബുലന്സ് ബന്ധുക്കള് തിരിച്ചയച്ചു. തുടര്ന്ന് സ്ഥലത്ത് കനത്ത പൊലീസ് ബന്തവസ് ഏര്പ്പെടുത്തി കുട്ടികളുടെ മൃതദേഹം പോസ്റ്റുമോര്ട്ടത്തിന് അയച്ചു.
അതിനിടെ പ്രതി രക്ഷപ്പെടാന് ശ്രമിക്കുകയും പൊലീസിന് നേരെ വെടിയുതിര്ക്കുകയും ചെയ്തു എന്നും പ്രത്യാക്രമണത്തില് ഇയാള് കൊല്ലപ്പെടുകയായിരുന്നു എന്നും ബറേലി ഇന്സ്പെക്ടര് ജനറല് രാകേഷ് കുമാര് പറഞ്ഞു. ഇന്നലെ വൈകുന്നേരമായിരുന്നു സംഭവം. അതേസമയം കുട്ടികളെ ആക്രമിച്ച് കൊലപ്പെടുത്തിയത് എന്തിനാണ് എന്ന് ഇതുവരെ വ്യക്തമായിട്ടില്ല. സംഭവത്തില് കൂടുതല് അന്വേഷണം നടന്നുവരികയാണ്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google