കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വിവാഹ സല്‍ക്കാരത്തിനിടെ നര്‍ത്തകിക്ക് നേരെ വെടിവെപ്പ്; സംഭവം ഉത്തര്‍ പ്രദേശില്‍

  • By Desk
Google Oneindia Malayalam News

ലക്‌നൗ: ഉത്തര്‍പ്രദേശിലെ ചിത്രകൂടത്തില്‍ കഴിഞ്ഞയാഴ്ചയാണ് വിവാഹ സല്‍ക്കാരത്തിനിടെ അപ്രതീക്ഷിത സംഭവങ്ങള്‍ അരങ്ങേറിയത്. കല്യാണ വീട്ടിലെ നൃത്ത സംഘത്തിന്റെ ഭാഗമായിരുന്ന യുവതി നൃത്തം ചെയ്യുന്നത് അവസാനിപ്പിച്ചതിനെ തുടര്‍ന്ന് മുഖത്ത് വെടിയേറ്റു കാണ്‍പൂരിലെ ആശുപത്രിയില്‍ പ്രവേശിപ്പിച്ച യുവതിയുടെ ആരോഗ്യ നില ഗുരുതരമാണ്.

വെടിയേല്‍ക്കുന്ന സമയത്തെ വീഡിയോ ദൃശ്യങ്ങള്‍ ഇപ്പോള്‍ പുറത്തു വന്നിട്ടുണ്ട്. ഡിസംബര്‍ ഒന്നാം തിയതി ചിത്രീകരിച്ച വീഡിയോയാണ് പുറത്തു വന്നിരിക്കുന്നത്. സംഘത്തിലൊപ്പമുണ്ടായിരുന്ന യുവതികളോടൊപ്പം വെടിയേറ്റ യുവതിയും നൃത്തം ചെയ്യുന്നത് ഒരു മിനിട്ട് ദൈര്‍ഘ്യമുള്ള വീഡിയോയില്‍ ദൃശ്യമാണ്. എന്നാല്‍ യുവതി നൃത്തം ചെയ്യുന്നത് അവസാനിപ്പിച്ചതോടെ അവള്‍ക്ക് നേരെ നിറയൊഴിക്കാന്‍ ആരോ ആക്രോശിക്കുന്നതായി വീഡിയോയില്‍ കേള്‍ക്കാം. തുടര്‍ന്നാണ് യുവതിക്ക് പിറകില്‍ നിന്നും വെടിയേല്‍ക്കുന്നത്. വെടിയുണ്ട യുവതിയുടെ മുഖത്ത് പരിക്കേല്‍പ്പിച്ചു.

marriage

ഗ്രാമത്തലവന്‍ ഉള്‍പ്പെടെ പങ്കെടുത്ത വിവാഹ വേളയിലാണ് സംഭവം. ഗ്രാമത്തലവന്റെ ബന്ധുക്കളിലൊരാളാണ് യുവതിയെ വെടിവെച്ചതെന്നാണ് പ്രാഥമിക റിപ്പോര്‍ട്ടുകള്‍ പറയുന്നത്. സംഭവത്തില്‍ ഒരാള്‍ക്കെതിരെ കേസെടുത്തതായി പൊലീസ് അറിയിച്ചു. എന്നാല്‍ ഇയാളുടെ പേര് വിവരങ്ങള്‍ വെളിപ്പെടുത്തിയിട്ടില്ല. പ്രതികളെ അറസ്റ്റ് ചെയ്യാന്‍ ഞങ്ങള്‍ ശ്രമിക്കുകയാണെന്നും കുറ്റവാളികളെ നിയമത്തിന് മുന്നില്‍ കൊണ്ടുവരുമെന്നും മുതിര്‍ന്ന പൊലീസ് ഉദ്യോഗസ്ഥന്‍ അങ്കിത് മിത്തല്‍ പറഞ്ഞു.

English summary
UP woman shot dead when stopped dancing at wedding
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X