Click it and Unblock the Notifications
Just In
Don't Miss
-
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ -
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
ജാസ്മിന് നന്നായി വളച്ചൊടിച്ചു, ഗബ്രി നന്നായി കളിക്കുന്നുവെന്ന ഭയം; ജാസ്മിന് 916 ഫേക്ക്! -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കൊറോണ വൈറസ് പ്രതിരോധം: ഇന്ത്യയ്ക്ക് അമേരിക്കയുടെ 2.9 മില്യണ്‍ ഡോളറിന്റെ ധനസഹായം
ദില്ലി: ഇന്ത്യയുടെ കോറോണ പ്രതിരോധ പ്രവര്‍ത്തനങ്ങള്‍ക്ക് പിന്തുണ നല്‍കി അമേരിക്കയുടെ വന്‍ സാമ്പത്തിക പ്രഖ്യാപനം. 2.9 മില്യണ്‍ ഡോളറാണ് ആമേരിക്ക ഇപ്പോള്‍ പ്രഖ്യാപിച്ചിരിക്കുന്നത്. കഴിഞ്ഞ 20 വര്‍ഷത്തിനിടെ ഏകദേശം 3 ബില്യണ്‍ ഡോളറിന്റെ സഹായമാണ് അമേരിക്ക ഇന്ത്യക്കായി നല്‍കിയത്. ഇതില്‍ 1.4 ബില്യണ്‍ ഡോളറും ആരോഗ്യമേഖലയിലെ വികസനത്തിന് വേണ്ടിയായിരുന്നു. യുഎസ് സര്‍ക്കാരിന്റെ കീഴിലുള്ള യുഎസ്എഐഡി എന്ന ഏജന്‍സിയാണ് കൊറോണ വൈറസിനെതിരെയുള്ള പോരാട്ടത്തില്‍ ഇന്ത്യയ്ക്ക് പിന്തുണ നല്‍കി ധനസഹായം പ്രഖ്യാപിച്ചിരിക്കുന്നത്.
കൊറോണ വൈറസിന്റെ വ്യാപനം പ്രതിരോധിച്ച് നിര്‍ത്താനും രോഗബാധിതരായവര്‍ക്ക് പരിചരണം നല്‍കാനും ഈ തുക ഉപയോഗിക്കാവുന്നതാണ്. ഇന്ത്യയുടെ കൊറോണ പ്രതിരോധ പ്രവര്‍ത്തനങ്ങള്‍ പ്രശംസിച്ച് കൊണ്ട് ഇന്ത്യയിലെ യുഎസ് സ്ഥാനപതി കെന്നത്ത് ജസ്റ്റര്‍ ആണ് ഇക്കാര്യം അറിയിച്ചത്. കൊറോണ വൈറസ് എന്നത് ആഗോള പൊതു ആരോഗ്യത്തിന് ഭീഷണി ഉയര്‍ത്തിയ ഒന്നാണ്. ഇതിനെ സര്‍ക്കാരുകളുടെയും ആന്താരാഷ്ട്ര സംഘടകളുടെയും സഹകരണത്തോടെ മാത്രമേ അതിജീവിക്കാനാവുവെന്ന് കെന്നത്ത് ജസ്റ്റര്‍ പറഞ്ഞു.കൊറോണ വൈറസ് പ്രതിരോധ പ്രവര്‍ത്തനങ്ങള്‍ക്കായി ഇന്ത്യക്കായി വലിയ തോതിലുള്ള സാമ്പത്തിക സഹായമാണ് അമേരിക്ക പ്രഖ്യാപിച്ചിരിക്കുന്നത്.
ഇരുരാജ്യങ്ങളും തമ്മിലുള്ള ശക്തമായ പങ്കാളിത്തത്തിന്റെ ഉദാഹരണമാണ് കോവിഡ് 19 നെ നേരിടാനുള്ള ഇന്ത്യയുടെ ശ്രമങ്ങള്‍ക്കായ അധിക സഹായമെന്ന് യുഎസ് അംബാസഡര്‍ കെന്നത്ത് ജസ്റ്റര്‍ പറഞ്ഞു. അമേരിക്കന്‍ ഭരണകൂടം, സെന്റര്‍ ഫോര്‍ ഡിസീസസ് കണ്‍ട്രോള്‍ ആന്‍ഡ് പ്രിവന്‍ഷന്‍, മറ്റ് യുഎസ് ആരോഗ്യ സേവന ഏജന്‍സികള്‍ എന്നിവ എല്ലാം ഇന്ത്യയുടെ കൊവിഡ് പ്രതിരോധ പ്രവര്‍ത്തനങ്ങള്‍ക്കൊപ്പം ചേര്‍ന്ന് പ്രവര്‍ത്തിക്കുന്നുണ്ടെന്നും അദ്ദേഹം കൂട്ടിച്ചേര്‍ത്തു. ഇതിനു മുമ്പും സമാനമായ രീതിയില്‍ അമേരിക്ക ഇന്ത്യക്ക് സഹായം നല്‍കിയിട്ടുണ്ട്. കഴിഞ്ഞ ഇരുപതു വര്‍ഷത്തിനുള്ളില്‍ ഇതുവരെ 3 ബില്യണ്‍ ഡോളറാണ് ലഭിച്ചിട്ടുളള സഹായം.
