ബംഗളൂരുവില് യു.എസ്. കോണ്സുലേറ്റ് പ്രവര്ത്തനം ആരംഭിച്ചു; വിസ നടപടികള്ക്കായി അല്പം കാത്തിരിക്കണം
ബംഗളൂരു: അമേരിക്കയിലേക്ക് പോകാന് ആഗ്രഹിക്കുന്ന മലയാളികള് ഉള്പ്പെടെയുള്ളവര്ക്ക് ആശ്വാസമായി ബംഗളൂരുവില് യു.എസ്. കോണ്സുലേറ്റ് ഇന്ന് പ്രവര്ത്തനം ആരംഭിച്ചു. ഇന്ത്യയിലെ യു.എസ്. അംബാസഡര് എറിക് ഗാര്സെറ്റിയാണ് ഉദ്ഘാടനം നിര്വഹിച്ചത്.
ചെന്നൈയില് നിലവിലുള്ള കോണ്സുലേറ്റിനു പുറമേ ബംഗളൂരുവിലും പുതുതായി ആരംഭിച്ചതോടെ മലയാളികള്ക്ക് വിസ സംബന്ധമായ കാര്യങ്ങള്ക്കായി ഏറെ ദൂരം സഞ്ചരിക്കുന്നത് ഒഴിവാക്കാനാകും. ഇതിനായി വേണ്ടി വരുന്ന വലിയ ചിലവും ഒഴിവാക്കാനാകും.
ഏറെ നാളത്തെ കാത്തിരിപ്പിനൊടുവിലാണ് ബംഗളൂരുവില് യു.എസ്. കോണ്സുലേറ്റ് വെള്ളിയാഴ്ച പ്രവര്ത്തനം ആരംഭിച്ചത്. ഇന്ത്യയും അമേരിക്കയും തമ്മിലുള്ള ശക്തമായ നയതന്ത്ര, സാമ്പത്തിക ബന്ധത്തിലെ നിര്ണായക ചുവടുവയ്പ്പാണിത്. യു.എസിലേക്കു പോകുന്ന ആയിരക്കണക്കിന് വിദ്യാര്ത്ഥികള്ക്കും യു.എസുമായി ബന്ധം പുലര്ത്തുന്ന ദക്ഷിണേന്ത്യയിലെ ഉദ്യോഗസ്ഥര്ക്കും വ്യവസായികള്ക്കും ഈ കോണ്സുലേറ്റ് ഏറെ സൗകര്യപ്രദമായിരിക്കും.
നിരവധി അമേരിക്കന് കമ്പനികളുള്ള ബംഗളൂരുവില് കോണ്സുലേറ്റ് ആരംഭിക്കണമെന്ന 2006 മുതലുള്ള ആവശ്യമാണ് ഫലം കണ്ടത്. ഇന്ത്യയില്നിന്നുള്ള സോഫ്റ്റ്വെയര് കയറ്റുമതിയുടെ 37% സംഭാവന ചെയ്യുന്നത് കര്ണാടകയാണ്.
വിറ്റല് മല്യ റോഡിലെ ജെ.ഡബ്ല്യു. മാരിയറ്റ് ഹോട്ടലിലാണ് കോണ്സുലേറ്റ് ആരംഭിച്ചത്. പരിമിതമായ ജീവനക്കാരുമായി താല്ക്കാലികമായാണ് കോണ്സുലേറ്റ് ഇവിടെ പ്രവര്ത്തിക്കുക. വൈകാതെ സ്ഥിരം സംവിധാനം ഉണ്ടാകും. സ്ഥിരം ഓഫീസ് തുറന്ന ശേഷമായിരിക്കും കൂടുതല് ഉദ്യോഗസ്ഥരെത്തുക. കോണ്സുലേറ്റില് നിന്നു ലഭിക്കുന്ന സേവനങ്ങള് സംബന്ധിച്ച വിവരങ്ങള് വരും ആഴ്ചകളില് വ്യക്തമാക്കും.
അമേരിക്കയിലേക്ക് പോകുന്നവര്ക്ക് വിസയുമായി ബന്ധപ്പെട്ട കാര്യങ്ങള്ക്കായി ഇനി ഈ കോണ്സുലേറ്റിനെ സമീപിക്കാം. നിലവില് ചെന്നൈയ്ക്കു പുറമേ ഹൈദരാബാദ്, മുംബൈ, കൊല്ക്കത്ത എന്നിവിടങ്ങളിലാണ് യു.എസ്. കോണ്സുലേറ്റ് ഉള്ളത്. അടുത്തതായി അഹമ്മദാബാദിലും കോണ്സുലേറ്റ് തുറക്കാന് അമേരിക്ക പദ്ധതിയിട്ടിട്ടുണ്ട്.
അമേരിക്കന് പ്രസിഡന്റ് ജോ ബൈഡനും ഇന്ത്യന് പ്രധാനമന്ത്രി നരേന്ദ്ര മോദിയും 2023-ല് നടത്തിയ കൂടിക്കാഴ്ചയിലെ തീരുമാനമാണ് ഇപ്പോള് നടപ്പാക്കിയത്. കോണ്സുലേറ്റിന്റെ ഉദ്ഘാടന ചടങ്ങില് വിദേശകാര്യ മന്ത്രി എസ്. ജയ്ശങ്കറും കര്ണാടക മുഖ്യമന്ത്രി സിദ്ധരാമയ്യയും പങ്കെടുത്തു.
ഇന്ത്യ-യുഎസ് പങ്കാളിത്തത്തിലെ ഒരു നാഴികക്കല്ലായാണ് ഈ കോണ്സുലേറ്റിനെ കാണുന്നതെന്ന് യുഎസ് അംബാസഡര് എറിക് ഗാര്സെറ്റി ഉദ്ഘാടന പ്രസംഗത്തില് പറഞ്ഞു. യുഎസ്-ഇന്ത്യ ബന്ധത്തില് ജീവിക്കുകയും ശ്വസിക്കുകയും ചെയ്യുന്ന ഒരു നഗരമാണ് ബംഗളൂരു. ഇന്ത്യന് തൊഴിലാളികളില് നിന്നും സന്ദര്ശകരില് നിന്നും വലിയ നേട്ടമാണ് അമേരിക്കയ്ക്ക് ലഭിക്കുന്നത്. ഇത് നാം എത്രത്തോളം വര്ധിപ്പിക്കുന്നുവോ അത്രയും നല്ലതെന്ന് അദ്ദേഹം കൂട്ടിച്ചേര്ത്തു. ലോസ് ഏഞ്ചല്സില് ഒരു ഇന്ത്യന് കോണ്സുലേറ്റ് തുറക്കാനുള്ള പദ്ധതി മന്ത്രി എസ്. ജയ്ശങ്കര് പ്രഖ്യാപിച്ചു.
നിര്മിത ബുദ്ധി (ആര്ട്ടിഫിഷ്യല് ഇന്റലിജന്സ്), ഇലക്ട്രിക് വാഹനങ്ങള്, ബഹിരാകാശം, പ്രതിരോധം എന്നീ മേഖലകളില് ഇന്ത്യ-യുഎസ് സഹകരണം ശക്തമാണ്.
-
ദേശീയപാത 66;തലപ്പാടി-ചെങ്കള, രാമനാട്ടുകര-വെങ്ങളം റീച്ച് ഉദ്ഘാടനം ഇന്ന്; ബഹിഷ്കരിച്ച് സംസ്ഥാന സർക്കാർ -
ബെംഗളൂരുവിന്റെ സ്ഥാനം പോകുമോ? ആഗോള കമ്പനികള് പോകുന്നത് ഈ നഗരത്തിലേക്ക്: ഇതാണ് കാരണം -
സുഖസൗകര്യം വര്ധിക്കും; സാമ്പത്തിക വഞ്ചന സൂക്ഷിക്കണം, വിദേശത്തുള്ളവര്ക്കു ഭാഗ്യാനുഭവം, നാൾഫലം -
സ്വര്ണവിലയില് ട്വിസ്റ്റ്; വൈകുന്നേരം വില കുറഞ്ഞു, അഡ്വാന്സ് ബുക്ക് ചെയ്യാം, പുതിയ പവന് വില -
സൗദി അറേബ്യ നിര്ത്തിയാലും പ്രശ്നമില്ല; എണ്ണ ഒഴുക്കാന് പാശ്ചാത്യ രാജ്യങ്ങള്, സുപ്രധാന നീക്കം ഇങ്ങനെ -
ബെംഗളൂരു നിവാസികൾക്ക് ആശങ്ക; യെലഹങ്ക പവർ പ്ലാന്റ് അടച്ചു, നഗരത്തിലെ വൈദ്യുതി വിതരണത്തെ ബാധിച്ചേക്കും -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്... -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
മുസ്ലീം യുവാവുമായി പ്രണയം, നാട് വിട്ടോടി കേരളത്തിലെത്തി വൈറൽ താരം മോണാലിസ, ഇന്ന് വിവാഹം -
മൊണാലിസയുടെ വിവാഹത്തിനെതിരെ ബിജെപി;'ക്ഷേത്രങ്ങൾ നിരീശ്വരവാദികൾക്ക് തോന്നിയവാസം കാട്ടാനുള്ളതല്ല' -
വിജയ് സംഗീത വിവാഹ മോചനത്തിനിടെ ജയം രവിയുടെ വേറിട്ട പ്രതികരണം; സോഷ്യല് മീഡിയയില് ചര്ച്ച -
ബെംഗളൂരുവിലെ ഗതാഗത കുരുക്ക് ഇനി ഓർമ്മ മാത്രം; ഗൊരഗുണ്ടെപാളയയിൽ തുരങ്കപാതയോ? നടന്നാൽ ഗുണങ്ങൾ ഏറെ
Click it and Unblock the Notifications
Sign in with Google