ഏഴുവയസ്സുകാരിയെ പീഡിപ്പിച്ച് കുഴിയിലുപേക്ഷിച്ചു; സംഭവം ഇന്ത്യയിൽ!! കുറ്റവാളിയ്ക്ക് സംഭവിച്ചത്

ലഖ്നൊ: പീഡിപ്പിച്ച് കുഴിയിലുപേക്ഷിച്ച ഏഴ് വയസ്സുകാരി മരിച്ചു. വിവാഹ ആഘോഷങ്ങള്‍ക്കിടെ അകന്ന ബന്ധുവാണ് പെൺകുട്ടിയെ പീഡിപ്പിച്ച ശേഷം കുഴിയിലുപേക്ഷിച്ചത്. ദില്ലിയിലായിരുന്നു സംഭവം. സംഭവത്തെ തുടർന്ന് കുറ്റവാളി മഹാരാഷ്ട്രയിലേയ്ക്ക് കടന്നതായി പോലീസിന് വിവരം ലഭിച്ചിട്ടുണ്ട്. എന്നാൽ കുറ്റവാളിയുടെ പിതാവ്, സഹോദരൻ എന്നിവർ പോലീസിനൊപ്പം ഇയാളെ കണ്ടെത്തുന്നതിനായി മഹാരാഷ്ട്രയിലേയ്ക്ക് തിരിച്ചിട്ടുണ്ട്.

രണ്ടാം ക്ലാസ് വിദ്യാർത്ഥിനിയായ പെൺകുട്ടി പ‍ഞ്ചാബിൽ നിന്ന് കുടുംബസമേതം വിവാഹത്തിനെത്തിയതായിരുന്നു. വ്യാഴാഴ്ച വൈകിട്ട് ആറ് മണി മുതൽ കുട്ടിയെ കാണാതായതിനെ തുടർന്ന് 11 മണിക്കൂര്‍ നീണ്ട തിരച്ചിലിലാണ് വിവാഹ വീട്ടിൽ നിന്നും 300 മീറ്റർ അകലെയുള്ള കുഴിയിൽ നിന്നും കുട്ടിയെ അബോധാവസ്ഥയിൽ കണ്ടെത്തിയത്.

വിവാഹ വീട്ടിൽ കുട്ടികൾക്കൊപ്പം കളിച്ചുകൊണ്ടിരുന്ന കുട്ടിയെ കാണാതായതിനെ തുടർന്നാണ് പോലീസില്‍ പരാതി നൽകിയത്. നഗ്നയായ നിലയിൽ കണ്ടെത്തിയ കുട്ടി അബോധാവസ്ഥയിലായിരുന്നു. സ്വകാര്യഭാഗങ്ങളിൽ നിന്ന് രക്തസ്രാവമുണ്ടായിരുന്നു. ഇതിനെല്ലാം പുറമേ ശരീരത്തിലും മുഖത്തും ആഴത്തിലുള്ള മുറിവുകളുമേറ്റിട്ടുണ്ടായിരുന്നു. ഗുരു തേഗ് ബഹാദൂർ ആശുപത്രിയിൽ പ്രവേശിപ്പിയ്ക്കുകയായിരുന്നു. സംഭവ സ്ഥലത്തുനിന്ന് ലഭിച്ച കുറ്റവാളിയുടെ വസ്ത്രം തിരിച്ചറിഞ്ഞതോടെ സിസിടിവി ദൃശ്യങ്ങൾ പരിശോധിച്ച് കുറ്റവാളിയെ സ്ഥിരീകരിയ്ക്കുകയായിരുന്നു. സംഭവത്തിൽ എഫ്ഐആർ രജിസ്റ്റർ ചെയ്ത പോലീസ് അന്വേഷണം ആരംഭിച്ചിട്ടുണ്ട്.

English summary

The Uttar Pradesh (UP) Police were sent into a tizzy after the incident of a man raping a distant relative, a 7-year-old girl, during a wedding in the family on the outskirts of Delhi, came to the fore.