കൈകൂലി തുല്യമായി പങ്കുവെയ്ക്കാത്തതിന് പോലീസുകാർ നടുറോഡില്‍ വെച്ച് കൂട്ടത്തല്ല്, വീഡിയോ കാണൂ...

ലെഖ്‌നൗ: നിയമം പാലിക്കേണ്ട പോലീസുകാർ കൈക്കൂലി
വാങ്ങുന്നത് തന്നെ തെറ്റാണ്. വാങ്ങിയ കൈക്കൂലി തുല്യമായി പങ്കുവെച്ചില്ല എന്നും പറഞ്ഞ് റോഡില്‍ കിടന്ന് പരസ്യമായി തല്ലുണ്ടാക്കിയാലോ? സംഭവം അരങ്ങേറിയത് ഉത്തര്‍പ്രദേശിലെ ലെഖ്‌നൗവിലാണ്.

ഞായറാഴ്ച ട്രക്കുക്കാരില്‍ നിന്നും കൈപ്പറ്റിയ കൈക്കൂലി തുകയുടെ പേരിലാണ് വാക്കു തര്‍ക്കമുണ്ടായത്. പിന്നീട് അത് തല്ലില്‍ അവസാനിച്ചു. രണ്ടു പോലീസുകാർ ചേര്‍ന്ന് മറ്റു രണ്ടു പേരെ പിടിച്ചു മാറ്റാന്‍ ശ്രമിക്കുന്നതായി വീഡിയോയില്‍ കാണാം.

പൊതുജനത്തിന്റെ മുന്നില്‍ വെച്ച് പോലീസുകാർ തല്ലുണ്ടാക്കിയ വീഡിയോ സോഷ്യല്‍ മീഡിയകളില്‍ വൈറലായിരിക്കുകയാണ്. സംഭവത്തില്‍ വീരേന്ദ്ര യാദവ് എന്ന പോലീസുകാരനെ സസ്‌പെന്‍ഡ് ചെയ്തു.

സംഭവം മാധ്യമങ്ങളില്‍ വാര്‍ത്തയായതോടെ കൈക്കൂലി പ്രശ്‌നത്തിലല്ല പോലീസുകാർ തമ്മില്‍ വഴക്കുണ്ടായത് എന്നാണ് യുപി പോലീസ് പറയുന്നത്. ട്രാഫിക് ബ്ലോക്ക് ക്ലിയര്‍ ചെയ്യുന്നത് സംബന്ധിച്ച വിഷയത്തിലാണ് തര്‍ക്കമുണ്ടായത് എന്ന് പറയുന്നു. സംഭവത്തെക്കുറിച്ച് അന്വേഷിക്കുന്നതിന് ആഭ്യന്തര വകുപ്പ് പോലീസ് സൂപ്രണ്ടിനോട് ആവശ്യപ്പെട്ടിട്ടുണ്ട്. വീഡിയോ കാണൂ...

English summary

The cops were seen punching each other in a narrow street in broad day light as people watched them. They were allegedly fighting over bribes collected from the local street vendors.