ഉത്തർപ്രദേശിൽ ആറാം ഘട്ടവും തീർന്നു..മികച്ച പോളിംഗ്.. അവസാന അങ്കത്തിന് ഇനി നാല് നാൾ
ലഖ്നൗ: ഉത്തര്പ്രദേശ് നിയമസഭാ തെരഞ്ഞെടുപ്പിന്റെ ആറാംഘട്ടം അവസാനിച്ചപ്പോള് 57.03% പോളിംഗാണ് രേഖപ്പെടുത്തിയിരിക്കുന്നത്. മുലായം സിംഗ് യാദവിന്റെ അസംഗഢ് ലോകസഭാ മണ്ഡല പരിധിയടക്കം ഉള്പ്പെടുന്ന 49 സീറ്റുകളിലേക്കാണ് ഇന്ന് വോട്ടെടുപ്പ് നടന്നത്. 1.72 കോടി വോട്ടര്മാരും 635 സ്ഥാനാര്ത്ഥികളുമാണ് ഈ ഘട്ടത്തില് മത്സര രംഗത്തുണ്ടായിരുന്നത്.
സമാധാനപരമായി നടന്ന വോട്ടെടുപ്പില് സമയം കഴിഞ്ഞും ആളുകള് വോട്ട് ചെയ്യാനായി വരി നില്ക്കുന്നത് കാണാമായിരുന്നു. ഇനി ഒരുഘട്ട വോട്ടെടുപ്പ് കൂടി ഉത്തര്പ്രദേശില് അവശേഷിക്കുന്നുണ്ട്. അവശേഷിക്കുന്ന 40 സീറ്റുകളിലേക്കുള്ള തിരഞ്ഞെടുപ്പ് ഈ മാസം എട്ടിന് നടക്കും. മോദിയും രാഹുലും അടക്കമുള്ള പ്രമുഖ നേതാക്കള് ഉത്തര്പ്രദേശില് ക്യാംപ് ചെയ്ത് അവസാന ഘട്ടത്തിനായി പ്രചാരണം നടത്തുന്നുണ്ട്.
Click it and Unblock the Notifications
Sign in with Google