Click it and Unblock the Notifications
Just In
Don't Miss
-
IPL 2024: സ്വിമ്മിങ് പൂളില് സുഹൃത്തിനൊപ്പം ചഹാലിന്റെ ഭാര്യ? വീഡിയോ വൈറല്‍! വസ്തുത ഇതാണ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
വന്ദേഭാരത് ട്രെയിന്‍ വീണ്ടും അപകടത്തില്‍പ്പെട്ടു; ഇത്തവണ ഇടിച്ചത് പശുവിനെ
ഗാന്ധിനഗര്‍: വന്ദേഭാരത് ട്രെയിന്‍ വീണ്ടും അപകടത്തില്‍പ്പെട്ടു. മുംബൈ സെന്‍ട്രലിനും ഗാന്ധിനഗറിനും ഇടയില്‍ ഓടുന്ന വന്ദേ ഭാരത് എക്സ്പ്രസ് ആണ് അപകടത്തില്‍പ്പെട്ടത്. ട്രെയിന്‍ പശുവിനെ ഇടിക്കുകയും നോസ് പാനലിന് ചെറിയ കേടുപാടുകള്‍ സംഭവിക്കുകയും ചെയ്തു.
ഗുജറാത്തിലെ വത്വ, മണിനഗര്‍ സ്റ്റേഷനുകള്‍ക്കിടയില്‍ പുതുതായി അവതരിപ്പിച്ച സെമി-ഹൈ സ്പീഡ് ട്രെയിനിന് എരുമക്കൂട്ടവുമായി കൂട്ടിയിടിച്ച് കേടുപാടുകള്‍ സംഭവിച്ചതിന് തൊട്ടുപിന്നാലെയാണ് പുതിയ സംഭവവും.
നോസ് പാനലില്‍ ചെറിയ പൊട്ടലുണ്ടായതൊഴിച്ചാല്‍ സെമി-ഹൈ സ്പീഡ് ട്രെയിനിന് കാര്യമായ കേടുപാടുകള്‍ സംഭവിച്ചിട്ടില്ലെന്ന് റെയില്‍വേ ഉദ്യോഗസ്ഥന്‍ പറഞ്ഞു. ഇന്ന് ഗാന്ധിനഗറില്‍ നിന്ന് മുംബൈയിലേക്കുള്ള ട്രെയിന്‍ യാത്രയ്ക്കിടെ ഉച്ചകഴിഞ്ഞ് 3:44 നാണ് സംഭവം.
സംഭവത്തെ തുടര്‍ന്ന് ട്രെയിന്‍ 10 മിനിറ്റോളം നിര്‍ത്തിയിട്ടതായി വെസ്റ്റേണ്‍ റെയില്‍വേയിലെ സി പി ആര് ഒ സുമിത് താക്കൂര്‍ പറഞ്ഞു. ഫ്രണ്ട് കോച്ചിന്റെ നോസ് കവറില്‍ ചെറിയ പൊട്ടല്‍ ഉണ്ടായതൊഴിച്ചാല്‍ ട്രെയിനിന് കേടുപാടുകള്‍ ഒന്നും സംഭവിച്ചിട്ടില്ല എന്നും ട്രെയിന്‍ സുഗമമായി ഓടുന്നുണ്ട് എന്നും അദ്ദേഹം കൂട്ടിച്ചേര്‍ത്തു.
അതേസമയം, ട്രാക്കില്‍ കന്നുകാലികളുമായി കൂട്ടിയിടിക്കുന്നത് ഒഴിവാക്കാനാകില്ലെന്നും സെമി-ഹൈ സ്പീഡ് ട്രെയിന്‍ രൂപകല്‍പന ചെയ്യുമ്പോള്‍ ഇത് കൂടി മനസ്സില്‍ വെച്ചാണ് തയ്യാറാക്കിയത് എന്നുംകേന്ദ്ര റെയില്‍വേ മന്ത്രി അശ്വിനി വൈഷ്ണവ് പറഞ്ഞു.
കഴിഞ്ഞ ദിവസവും ഇതേ റൂട്ടിലായിരുന്നു വന്ദേഭാരത് ട്രെയിന്‍ കന്നുകാലി കൂട്ടത്തിലിടിച്ച് അപകടമുണ്ടായത്. ആ സംഭവത്തില്‍ അപകടത്തില്‍പെട്ട നാല് പോത്തുകള്‍ ചത്തിരുന്നു. സംഭവത്തില്‍ കന്നുകാലി ഉടമകള്‍ക്കെതിരെ കേസെടുത്തിട്ടുണ്ട്. ഈ ട്രെയിന്റെ കേടുപാടുകള്‍ 24 മണിക്കൂറിനുള്ളില്‍ ശരിയാക്കിയിരുന്നു.അപകടസമയത്ത് ട്രെയിന്‍ 100 കിലോമീറ്റര്‍ വേഗതയിലായിരുന്നു ഓടിക്കൊണ്ടിരുന്നത് എന്നാണ് റെയില്‍വേ ഉദ്യോഗസ്ഥര്‍ വ്യക്തമാക്കുന്നത്.
സെപ്തംബര്‍ 30-നാണ് ഗാന്ധിനഗര്‍-മുംബൈ വന്ദേഭാരത് എക്സ്പ്രസ് ട്രെയിന്‍ സര്‍വീസ് പ്രധാനമന്ത്രി നരേന്ദ്ര മോദി ഫ്‌ളാഗ് ഓഫ് ചെയ്തത്. ഇന്ത്യ തദ്ദേശീയമായി നിര്‍മിച്ചവ ആണ് വന്ദേഭാരത് ട്രെയിനുകള്‍. വിദ്യ.
