വന്ദേ മാതരം മലയാളം ലിറിക്സ്, ചരിത്രം; ദേശീയ ഗീതത്തെക്കുറിച്ച് അറിയാം

Updated: Thursday, August 13, 2020, 21:36 [IST]

നമ്മുടെ രാജ്യത്തിന്‍റെ ദേശീയ ഗീതരമാണ് വന്ദേ മാതരം. ദേശീയഗാനമായ ജനഗണമനയുടെ ഔദ്യോഗികപരിവേഷം ഇല്ലെങ്കിലും തുല്യപ്രാധാന്യം വന്ദേ മാതരത്തിനും ഉണ്ട്. പ്രശസ്ത ബംഗാളി കവിയായിരുന്ന ബങ്കിം ചന്ദ്ര ചാറ്റർജി ആണ് വന്ദേമാതരത്തിന്‍റെ രചയിതാവ്. 1882-ൽ പുറത്തുവന്ന ആനന്ദമഠമെന്ന പുസ്തകത്തിലാണ് ഈ ഗാനം ആദ്യമായി പ്രസിദ്ധീകരിക്കപ്പെട്ടത്. ദേശ് എന്ന രാഗത്തിലാണ് ഈ ഗീതം ചിട്ടപ്പെടുത്തിയിരിക്കുന്നത്.

സ്വാതന്ത്ര്യസമരകാലത്ത് ബ്രിട്ടീഷ് ഭരണത്തിൽ നിന്നുള്ള മോചനത്തിനുവേണ്ടിയുള്ള സമരങ്ങളില്‍ "വന്ദേമാതരം" മുഴക്കിക്കൊണ്ടാണ് ജനങ്ങൾ ദേശസ്നേഹം പ്രകടിപ്പിച്ചത്. ഒരു ഘട്ടത്തില്‍ വന്ദേമാതരം പരസ്യമായി ആലപിക്കുന്നത് ഒരിടയ്ക്ക് ബ്രിട്ടീഷ് ഭരണാധികാരികള്‍ നിരോധിച്ചിരുന്നു. ഒരു രാഷ്ട്രീയ പൊതുവേദിയിൽ വന്ദേമാതരം ആദ്യമായി ആലപിക്കപ്പെടുന്നത് 1896 ലെ കോണ്‍ഗ്രസ് സമ്മേളനത്തിലാണ്. രവീന്ദ്രനാഥ ടാഗോറായിരുന്നു ഗാനം ആലപിച്ചത്.