വരുണ് ഗാന്ധി പാരയാകുമോ? 1984 ആവര്ത്തിക്കാനുള്ള ബിജെപി തന്ത്രം പാളി... മറുപടി ഇങ്ങനെ
ന്യൂഡല്ഹി: ഉത്തര് പ്രദേശില് ബിജെപിക്ക് വലിയ തലവേദനയായിരിക്കുകയാണ് വരുണ് ഗാന്ധി. ബിജെപി നേതൃത്വത്തെ പല കാര്യങ്ങളിലും രൂക്ഷമായി വിമര്ശിക്കുന്ന വരുണിന് ഇത്തവണ സിറ്റിങ് മണ്ഡലത്തില് മല്സരിക്കാന് ബിജെപി അവസരം നല്കിയില്ല. വരുണിന്റെ പിലിഭിത്തില് ഇത്തവണ ജിതിന് പ്രസാദയാണ് ബിജെപിക്ക് വേണ്ടി മല്സരിക്കുന്നത്.
വരുണിനെ മാറ്റി നിര്ത്തിയത് തിരിച്ചടിയാകുമെന്ന് സൂചന ലഭിച്ചതോടെ അദ്ദേഹത്തെ അനുനയിപ്പിക്കാനുള്ള ശ്രമത്തിലായിരുന്നു ബിജെപി നേതൃത്വം. റായ്ബറേലിയില് മല്സരിക്കാമെന്ന ഒരു വാഗ്ദാനം ബിജെപി നേതൃത്വം അദ്ദേഹത്തിന് മുന്നില് വച്ചു. ഒരാഴ്ച്ചയ്ക്ക് ശേഷം വാഗ്ദാനം വരുണ് നിരസിച്ചു എന്നാണ് ഏറ്റവും പുതിയ വിവരം.
കോണ്ഗ്രസിന്റെ തട്ടകങ്ങളാണ് റായ്ബറേലിയും അമേഠിയും. 2019ലെ തിരഞ്ഞെടുപ്പില് സ്മൃതി ഇറാനി അമേഠിയില് രാഹുല് ഗാന്ധിയെ പരാജയപ്പെടുത്തിയതോടെ കോണ്ഗ്രസ് റായ്ബറേലിയില് മാത്രമായി. സോണിയ ഗാന്ധി ഏറെ കാലമായി മല്സരിക്കുന്ന ഈ മണ്ഡലത്തില് ഇത്തവണ കോണ്ഗ്രസിന് വേണ്ടി പ്രിയങ്ക ഗാന്ധി എത്തുമെന്നാണ് സൂചനകള്.
ബന്ധുവായ പ്രിയങ്ക ഗാന്ധിക്കെതിരെ മല്സരിക്കാനില്ല എന്നാണ് വരുണ് ഗാന്ധിയുടെ നിലപാടത്രെ. എന്നാല് വരുണിന്റെ നിലപാട് സംബന്ധിച്ച ചോദ്യങ്ങള്ക്ക് ബിജെപി ഔദ്യോഗികമായി പ്രതികരിച്ചിട്ടില്ല. ബിജെപിയുടെ യുപി ഉപാധ്യക്ഷന് വിജയ് ബഹാദൂര് പഥകിനോട് പ്രതികരണം ചോദിച്ചപ്പോള് തനിക്കൊന്നുമറിയില്ല, മുതിര്ന്ന നേതാക്കളോട് ചോദിക്കൂ എന്നായിരുന്നു മറുപടി.
എന്നാല് മുതിര്ന്ന നേതാക്കള് വിഷയത്തില് പ്രതികരിക്കാന് മടിക്കുകയാണ്. വരുണ് ഗാന്ധിയോട് താല്പ്പര്യമുള്ള നിരവധി ബിജെപി പ്രവര്ത്തകര് ഉത്തര് പ്രദേശിലുണ്ട്. വരുണിനെ മാറ്റി നിര്ത്തുന്നത് ഇവരുടെ എതിര്പ്പിന് ഇടയാക്കിയേക്കുമെന്ന് ബിജെപി ഭയക്കുന്നു. ഇക്കാര്യം കൂടി പരിഗണിച്ചാണ് റായ്ബറേലിയില് മല്സരിക്കാമെന്ന നിര്ദേശം മുന്നോട്ട് വച്ചതത്രെ. ഇനി മറ്റേതെങ്കിലും മണ്ഡലം നല്കുമോ എന്നും വ്യക്തമല്ല.
വരുണ് ഗാന്ധിയുടെ മാതാവ് മനേക ഗാന്ധി ഇത്തവണയും ബിജെപി ടിക്കറ്റില് സുല്ത്താന്പൂര് മണ്ഡലത്തില് നിന്ന് ജനവിധി തേടുന്നുണ്ട്. 1984ല് രാജീവ് ഗാന്ധിക്കെതിരെ മല്സരിച്ച ചരിത്രവും മനേക ഗാന്ധിക്കുണ്ട്. അന്ന് തോറ്റെങ്കിലും മനേക ഗാന്ധിയും കുടുംബവും ബിജെപിക്കൊപ്പം പോയി. സഞ്ജയ് ഗാന്ധിയുടെ മരണ ശേഷം ഇവരോട് മറ്റു കുടുംബാംഗങ്ങള് മുഖംതിരിച്ചു എന്നായിരുന്നു ആക്ഷേപം.
മനേക ഗാന്ധി മല്സരിച്ച പോലെ വരുണ് ഗാന്ധിയും ബന്ധുക്കള്ക്കെതിരെ മല്സരിക്കാന് തയ്യാറാകുമെന്നാണ് ബിജെപിയിലെ ഒരു വിഭാഗം കരുതിയത്. അതേസമയം, വരുണ് ഗാന്ധിയെ കോണ്ഗ്രസ് സ്വീകരിച്ചേക്കുമെന്ന പ്രചാരണവും ഒരു ഭാഗത്തുണ്ട്. സര്പ്രൈസ് സ്ഥാനാര്ഥികള് അമേഠിയിലും റായ്ബറേലിയിലും വരുമെന്നാണ് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ പ്രതികരിച്ചത്.
-
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000
Click it and Unblock the Notifications
Sign in with Google