Click it and Unblock the Notifications
Just In
-
-
-
Don't Miss
-
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
'ബിഗ് ബോസിലെ കൊടും വിഷം സിബിൻ; ജാസ്മിനെ ലക്ഷ്യമിടുന്നതിന് പിന്നിലെ തന്ത്രം'; സിബിനെതിരെ വിമർശനം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ബ്ലഡ് 4 ഇന്ത്യ, മൊബൈല്‍ ആപ്പുമായി തൊഗാഡിയ
അഹമ്മദാബാദ്: ഇന്ത്യയ്ക്ക് വേണ്ടി രക്തം നല്‍കൂ - പറയുന്നത് മറ്റാരുമല്ല, വിശ്വ ഹിന്ദു പരിഷത് പ്രവീണ്‍ ദാസ് തൊഗാഡിയയാണ്. മാതൃഭൂമിക്ക് വേണ്ടി യുദ്ധം ചെയ്യാന്‍ ആഹ്വാനം ചെയ്യുകയല്ല, രക്തദാനത്തിന്റെ സന്ദേശവുമായി ഇന്ത്യ ഹെല്‍ത്ത് ലൈന് തയ്യാറാക്കിയ സ്മാര്‍ട്ട് ഫോണ്‍ ആപ്ലിക്കേഷന്‍ പുറത്തിറക്കുകയായിരുന്നു അദ്ദേഹം.
ബ്ലഡ് ഫോര്‍ ഇന്ത്യ എന്നാണ് എന്നാണ് മൊബൈല്‍ ആപ്പിന് പേരിട്ടിരിക്കുന്നത്. രക്തം നല്‍കാന്‍ തയ്യാറുള്ളവരും സ്വീകരിക്കുന്നവരും തമ്മിലുള്ള അകലം കുറക്കാന്‍ ഈ ആപ്ലിക്കേഷന്‍ സഹായകമാകും എന്ന് പ്രവീണ്‍ തൊഗാഡിയ പറഞ്ഞു. സര്‍ജിക്കല്‍ ഓങ്കോളജിയില്‍ മാസ്റ്റര്‍ ബിരുദമുള്ള തൊഗാഡിയ അഹമ്മദാബാദിലെ ധന്വന്തരി ആശുപത്രിയില്‍ 14 വര്‍ഷത്തോളം സര്‍ജനായിരുന്നു.
രക്തം എന്നത് ജീവിതമാണ്. രക്തം ദാനം ചെയ്യുന്നതിലൂടെ നിങ്ങള്‍ ദാനം ചെയ്യുന്നത് ജീവിതം തന്നെയാണ്. ജീവനുകള്‍ രക്ഷിക്കാനുളള പുണ്യമാണ് ബ്ലഡ് ഫോര്‍ ഇന്ത്യ നിങ്ങള്‍ക്ക് മുന്നില്‍ തുറന്നുതരുന്നത് - ഇന്ത്യ ഹെല്‍ത്ത് ലൈന് എന്ന സംരംഭത്തിന്റെ ദേശീയ പ്രസിഡണ്ട് കൂടിയായ പ്രവീണ്‍ തൊഗാഡിയ പറഞ്ഞു. വര്‍ഷം തോറും രക്തദാന ക്യാംപെയ്‌നിംഗ് നടത്താനും ഇന്ത്യ ഹെല്‍ത്ത് ലൈന് പദ്ധതിയുണ്ട്.
സ്മാര്‍ട്ട് ഫോണില്‍ ആപ്ലിക്കേഷന്‍ ഡൗണ്‍ലോഡ് ചെയ്ത് രക്തദാനത്തിനുള്ള ഗ്രൂപ്പില്‍ രജിസ്റ്റര്‍ ചെയ്യാം. രക്തം ആവശ്യമുണ്ടെങ്കില്‍ ഗ്രൂപ്പില്‍ നിന്നും അത് കണ്ടെത്താനും സാധിക്കും. അവസാന നിമിഷം വരെ കാത്തിരിക്കേണ്ട കാര്യമില്ല. നല്ല ശമരിക്കാരനായി എല്ലാവരും ബ്ലഡ് ഫോര്‍ ഇന്ത്യ ആപ്പില്‍ രജിസ്റ്റര്‍ ചെയ്യണമെന്ന് പ്രവീണ്‍ തൊഗാഡിയ അഭ്യര്‍ഥിച്ചു.
