രണ്ടില് അധികം കുട്ടികള് ഉള്ള മുസ്ലിങ്ങളെ ശിക്ഷിയ്ക്കണമെന്ന് പ്രവീണ് തൊഗാഡിയ
ദില്ലി: രാജ്യത്തെ മുസ്ലിങ്ങള്ക്ക് രണ്ട് കുട്ടികള്ക്ക് മാത്രം ജന്മം നല്കാനുള്ള അവകാശം നല്കിയാല് മതിയെന്ന് വിശ്വഹിന്ദു പരിഷത്ത് നേതാവ് പ്രവീണ് തൊഗാഡിയ. ചൈനയില് ഒറ്റ കുട്ടി നയം ഉള്ളത് പോലെ ഇന്ത്യയില് മുസ്ലിങ്ങള്ക്കിടയില് രണ്ട് കുട്ടികളെ മാത്രം അനുവദിയ്ക്കുന്ന നിയമം ശക്തമാക്കാനാണ് തൊഗാഡിയയുടെ ആഹ്വാനം.
രണ്ട് കുട്ടികളില് കൂടുതല് ജന്മം നല്കുന്നത് കുറ്റകരമാക്കണമെന്നും ഖേഷന്, തൊഴില്, വിദ്യാഭ്യാസ സൗകര്യങ്ങള് എന്നിവ നല്കരുതെന്നുമാണ് തൊഗാഡിയ പറയുന്നത്. എന്നാല് മാത്രമേ രാജ്യത്തെ മുസ്ലീം ജനസംഖ്യയെ നിയന്ത്രിയ്ക്കാന് കഴിയുകയുള്ളൂ
പുതിയ പരാമര്ശം
ജാതി തിരിച്ചുള്ള സെന്സസ് റിപ്പോര്ട്ട് പുറത്ത് വന്നതിന് പിന്നാലെയാണ ്തൊഗാഡിയയുടെ പരാമര്ശം
രണ്ട് കുട്ടികള്
രാജ്യത്തെ മുസ്ലിങ്ങള് രണ്ട് കുട്ടികള്ക്ക് മാത്രമേ ജന്മം നല്കാവൂ
മുസ്ലീം രാഷ്ട്രമാകും
നിലവിലെ സ്ഥിതി തുടര്ന്നാല് മുസ്ലീം ജനസംഖ്യ വര്ധിച്ച് ഇന്ത്യ ഇസ്ലാമിക രാഷ്ട്രമാകുമത്രേ. പോപ്പുലേഷന് ജിഹാദാണ് മുസ്ലിങ്ങള് നടത്തുന്നതെന്നും തൊഗാഡിയ
ക്രിമിനല് കുറ്റം
രണ്ടിലധികം കുട്ടികള് മുസ്ലിങ്ങള്ക്ക് അനുവദിയ്ക്കരുതെന്നും അല്ലാത്തപക്ഷം ക്രിമിനല് കേസെടുക്കണമെന്നുമാണ് ശുപാര്ശ
ആര്എസ്എസ് മുഖപത്രത്തില്
ആര്എസ്എസ് മുഖപത്രമായ ഓര്ഗനൈസറില് എഴുതിയ കോളത്തിലാണ് തൊഗാഡിയ ഇക്കാര്യങ്ങള് പരാമര്ശിയ്ക്കുന്നത്