ജല്ലിക്കെട്ട് പ്രക്ഷോഭം: പോലിസുകാരും മോശമല്ല, ഓട്ടോ അഗ്‌നിക്കിരയാക്കി, വീഡിയോ വൈറല്‍!!

ജല്ലിക്കെട്ട് പ്രക്ഷോഭത്തില്‍ പോലിസുകാരന്‍ ഓട്ടോയ്ക്കു തീയിടുന്നതിന്‍റെ വീഡിയോ സോഷ്യല്‍ മീഡിയകളിലൂടെ വൈറല്‍

ചെന്നൈ: ജല്ലിക്കെട്ട് നിരോധനവുമായി ബന്ധപ്പെട്ട് തമിഴ്‌നാട്ടില്‍ കത്തിപ്പടര്‍ന്ന പ്രക്ഷോഭത്തില്‍ സാധാരണ ജനങ്ങള്‍ മാത്രമല്ല കുറ്റക്കാര്‍. സമരം നിയന്ത്രിക്കാന്‍ ചുമതലയുള്ള പോലിസുകാര്‍ തന്നെ ആക്രമണമഴിച്ചുവിടുന്നതിന്റെ ദൃശ്യങ്ങള്‍ പുറത്തുവന്നു.

What is this. Please explain some one pic.twitter.com/MMpFXHSOVk

— Kamal Haasan (@ikamalhaasan) January 23, 2017

ഓട്ടോറിക്ഷയ്ക്ക് ഒരു പോലിസുകാരന്‍ തീ കൊടുക്കുന്നതിന്റെ ദൃശ്യങ്ങളാണ് ഒരു പ്രാദേശിക ചാനിലൂടെ പുറത്തുവന്നത്. പിന്നീട് ദേശീയ മാധ്യമങ്ങളും ഇത് ഏറ്റുപിടിച്ചതോടെ വീഡിയോ വൈറലാവുകയും ചെയ്തു. ജല്ലിക്കെട്ട് സമരത്തിനു പിന്തുണ പ്രഖ്യാപിച്ച നടന്‍മാരായ കമല്‍ഹാസന്‍, അരവിന്ദ് സ്വാമി എന്നിവര്‍ വീഡിയോ ട്വീറ്റ് ചെയ്തിട്ടുമുണ്ട്.

എന്നാല്‍ ഈ വീഡിയോക്ക് എത്രമാത്രം വിശ്വാസ്യതയുണ്ടെന്ന് സ്ഥിരീകരിച്ചിട്ടില്ല. വീഡിയോ കണ്ട മുതിര്‍ന്ന പോലിസ് ഉദ്യോഗസ്ഥന്‍ കെ ശങ്കര്‍ പറഞ്ഞത് തെറ്റു ചെയ്തവര്‍ക്കെതിരേ നടപടിയെടുക്കുമെന്നായിരുന്നു. എന്നാല്‍ മറ്റൊരു പോലിസ് ഉദ്യോഗസ്ഥനായ ടികെ രാജേന്ദ്രന്‍ ഇതു നിഷേധിച്ചു. സോഷ്യല്‍ മീഡിയകളിലൂടെ ഇപ്പോള്‍ പ്രചരിക്കുന്ന വീഡിയോ മോര്‍ഫ് ചെയ്തതാണെന്നും ഇതേക്കുറിച്ച് അന്വേഷിക്കണമെന്നും രാജേന്ദ്രന്‍ ആവശ്യപ്പെട്ടു.

English summary

A video aired on some local channels in Chennai shows a policeman setting fire to an auto-rickshaw, allegedly during today's violence that marred what had been a lengthy and peaceful campaign supporting Jallikattu, the bull-taming sport. NDTV cannot verify the authenticity of the video, which is going viral.