Click it and Unblock the Notifications
Just In
Don't Miss
-
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
'അഞ്ച് ദിവസമായി ആശുപത്രിയിലായിരുന്നു, ഹെൽത്ത് ഇഷ്യു ഇല്ലായിരുന്നുവെങ്കിൽ ചിലപ്പോൾ കപ്പ് അടിച്ചേനെ' -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
വിമാനത്തിനുള്ളില്‍ പറന്നുയര്‍ന്ന് പ്രാവ്; ബോര്‍ഡിംഗ് പാസ് നല്‍കാന്‍ സോഷ്യല്‍ മീഡിയ; വൈറലായി വീഡിയോ
ദില്ലി: അഹമ്മദാബാദില്‍ നിന്നും ജയ്പൂരിലേക്കുള്ള ഗോ എയര്‍ വിമാനം വെള്ളിയാഴ്ച വൈകുന്നേരം സാക്ഷ്യം വഹിച്ചത് നാടകീയ സംഭവങ്ങള്‍ക്ക്. അപ്രതീക്ഷിതമായി വിമാനത്തിനകത്തെത്തിയ ഒരു പ്രാവ് കാരണം വിമാനം അരമണിക്കൂര്‍ വൈകിയാണ് പറന്നുയര്‍ന്നത്. ടേക്ക് ഓഫിന് തൊട്ടുമുന്‍പാണ് വിമാനത്തിനകത്ത് പ്രാവിനെ കണ്ടെത്തിയത്. എന്നാല്‍ വിമാനത്തിനകത്ത് എങ്ങനെയാണ് പ്രാവ് അകപ്പെട്ടത് എന്നതിനെ കുറിച്ച് വ്യക്തതയില്ല.
വിമാനത്തിന്റെ അകത്ത് ഒരു അറ്റത്ത് നിന്നും മറ്റേ അറ്റത്തേക്ക് പ്രാവ് പറന്നു കളിക്കുന്ന വീഡിയോ ഇതിനോടകം തന്നെ സോഷ്യല്‍ മീഡിയയില്‍ വൈറലായി കഴിഞ്ഞു. ആവേശ ഭരിതരായ ചില യാത്രക്കാര്‍ ഇരിപ്പിടത്തില്‍ നിന്നും എഴുന്നേറ്റു. ചിലര്‍ പക്ഷിയെ പിടിക്കാനായി നടത്തുന്ന ശ്രമങ്ങളും ദൃശ്യങ്ങളില്‍ കാണാം. അതേസമയം പ്രാവിന് പുറത്തേക്ക് പറക്കാനായി ഫ്‌ളൈറ്റിന്റെ പിറകു വശത്തെ വാതില്‍ തുറക്കണമെന്ന് ആരോ ജീവനക്കാരെ നിര്‍ദ്ദേശിക്കുന്നതായും ദൃശ്യത്തിലുണ്ട്.
ട്വിറ്റര്‍ ഉപയോക്താവായ പ്രശാന്താണ് 30 സെക്കന്‍ഡ് വീഡിയോ ട്വിറ്ററില്‍ പങ്കുവെച്ചിരിക്കുന്നത്. സോഷ്യല്‍ മീഡിയയില്‍ പങ്കുവെച്ച വീഡിയോ ഒരു മണിക്കൂറിനുള്ളില്‍ ആയിരക്കണക്കിന് പേരാണ് കണ്ടത്. ബോറടിച്ച ഒരു പ്രാവ് ഇന്നലെ ഗോ എയര്‍ ലൈനിലെത്തി എന്നാണ് ഒരാള്‍ അഭിപ്രായം പങ്കുവെച്ചത്. പ്രാവിന് ബോര്‍ഡിംഗ് പാസ് നല്‍കണമെന്നായിരുന്നു മറ്റൊരാളുടെ പ്രതികരണം.
അതേസമയം, സംഭവത്തില്‍ ഖേദം പ്രകടിപ്പിച്ച് ഗോ എയര്‍ അധികൃതര്‍ രംഗത്തെത്തി. യാത്രക്കാര്‍ക്കുണ്ടായ ബുദ്ധിമുട്ടില്‍ ക്ഷമ ചോദിക്കുന്നതായും സംഭവത്തില്‍ എയര്‍പോര്‍ട്ട് അധികൃതര്‍ അന്വേഷണം നടത്തുമെന്നും എയര്‍ലൈന്‍ പുറത്തിറക്കിയ പ്രസ്താവനയില്‍ പറയുന്നു. ജയ്പൂര്‍ വിമാനത്താവളത്തില്‍ വൈകീട്ട് 6.15ന് എത്തേണ്ടിയിരുന്ന വിമാനം അരമണിക്കൂര്‍ വൈകി 6.45നാണ് എത്തിയത്. സാധാരണയായി പക്ഷികള്‍ വിമാനത്തിനകത്ത് കയറുന്ന സംഭവങ്ങള്‍ വളരെ വിരളമാണ്. പക്ഷേ പക്ഷികള്‍ വിമാനത്തിന് പുറത്തെ എഞ്ചിനുകളില്‍ കുരുങ്ങി യാത്ര തടസ്സപ്പെട്ട ധാരാളം സംഭവങ്ങള്‍ നേരത്തെയും റിപ്പോര്‍ട്ട് ചെയ്തിട്ടുണ്ട്..
