വിജയ് രാഹുല് ഗാന്ധിക്ക് കൈ കൊടുക്കുമോ? 32 സീറ്റില് അതൃപ്തി, സമ്മര്ദ്ദം കാര്യമാക്കാതെ ഡിഎംകെ
ചെന്നൈ: കേരളത്തിനൊപ്പം നിയമസഭാ തിരഞ്ഞെടുപ്പിന് ഒരുങ്ങുന്ന സംസ്ഥാനമാണ് തമിഴ്നാട്. ഡിഎംകെ-എഐഎഡിഎംകെ പോരാട്ടമായിരുന്നു അടുത്ത കാലം വരെ തമിഴ്നാട്ടില്. എന്നാല് ഇത്തവണ വിജയ് നേതൃത്വം നല്കുന്ന ടിവികെയും പോരിനുണ്ട്. ഡിഎംകെ സഖ്യത്തിലാണ് കോണ്ഗ്രസും സിപിഎമ്മും മുസ്ലിം ലീഗുമെല്ലാം.
ഡിഎംകെ സഖ്യത്തിലെ രണ്ടാം കക്ഷിയായ കോണ്ഗ്രസില് അതൃപ്തി പുകയുന്നു എന്നാണ് റിപ്പോര്ട്ടുകള്. ആവശ്യപ്പെട്ട സീറ്റുകള് നല്കാന് ഡിഎംകെ തയ്യാറായിട്ടില്ല. ഈ സാഹചര്യത്തില് സഖ്യം മാറണം എന്ന വികാരം ഒരു വിഭാഗം കോണ്ഗ്രസ് നേതാക്കള്ക്കുണ്ട്. എന്നാല് ദേശീയ നേതൃത്വത്തിന്റെ അനുമതി കൂടി ഇക്കാര്യത്തില് ആവശ്യമാണ്.
40 സീറ്റാണ് കോണ്ഗ്രസ് ആവശ്യപ്പെട്ടത്. 32 സീറ്റുകള് നല്കാമെന്ന് ഡിഎംകെ അറിയിച്ചു. ഇതില് അതൃപ്തി പരസ്യമാക്കിയ കോണ്ഗ്രസ് 38 സീറ്റെങ്കിലും വേണമെന്ന് ആവശ്യപ്പെട്ടിട്ടുണ്ട്. ഇതിനോട് ഡിഎംകെ അനുകൂല നിലപാട് സ്വീകരിച്ചിട്ടില്ല. ഒരുകാലത്ത് തമിഴ്നാട് ഭരിച്ച പാര്ട്ടിയാണ് കോണ്ഗ്രസ്. അവഗണന സഹിച്ച് മുന്നണിയില് തുടരേണ്ടതില്ല എന്ന നിലപാട് ഒരുകൂട്ടം നേതാക്കള്ക്കുണ്ട്.
കുറച്ച് സീറ്റുകള് മാത്രം കിട്ടുന്നതില് വലിയ കാര്യമില്ലെന്നും അധികാരത്തിലെ പങ്കാളിത്തമാണ് വേണ്ടതെന്നും കോണ്ഗ്രസ് എംപി മാണിക്കം ടാഗോര് പറഞ്ഞത് മുന്നണിയില് അതൃപ്തി പുകയുന്നതിന്റെ സൂചനയാണ്. ടിവികെ നേതാക്കള്ക്ക് കോണ്ഗ്രസുമായി സഖ്യമുണ്ടാക്കാന് താല്പ്പര്യമുണ്ട്. വിജയ് രണ്ട് തവണ രാഹുല് ഗാന്ധിയുമായി ചര്ച്ചയ്ക്ക് ശ്രമിക്കുകയും ചെയ്തിരുന്നു.
കോണ്ഗ്രസ്-ടിവികെ സഖ്യത്തിന് സാധ്യതകള് ഏറെ
കോണ്ഗ്രസിന്റെ സംഘടനാ ചുമതലയുള്ള നേതാവ് അടുത്തിടെ വിജയുമായി സംസാരിച്ചിരുന്നു. മാത്രമല്ല, കരൂര് ദുരന്തത്തിന്റെ പശ്ചാത്തലത്തില് രാഹുല് ഗാന്ധി വിജയുമായി ഫോണില് ചര്ച്ച നടത്തുകയും ചെയ്തു. ഇന്നുവരെ കോണ്ഗ്രസിനെ വിമര്ശിച്ച് വിജയ് സംസാരിച്ചിട്ടില്ല. ഡിഎംകെയും ബിജെപിയുമാണ് അദ്ദേഹം പ്രധാനമായും ലക്ഷ്യമിടുന്നത്. ഇതെല്ലാം കോണ്ഗ്രസുമായുള്ള സഖ്യസാധ്യതയിലേക്ക് വിരല് ചൂണ്ടുന്ന ഘടകങ്ങളാണ്.
കോണ്ഗ്രസുമായുള്ള സഖ്യത്തിന് സാധ്യത ഏറെയാണ് എന്ന് ടിവികെ വക്താവ് ഫെലിക്സ് ജെറാള്ഡ് പറയുന്നു. രാഹുല് ഗാന്ധിയും വിജയിയും സുഹൃത്തുക്കളാണെന്നും അദ്ദേഹം പറഞ്ഞു. തമിഴ്നാട്ടിലെ കോണ്ഗ്രസ് നേതാക്കളില് ചിലരുടെ താല്പ്പര്യമാണ് സഖ്യം വൈകാന് കാരണമെന്നും ഫെലിക്സ് പറയുന്നു. വിജയുമായുള്ള ചര്ച്ചയ്ക്ക് ശേഷം കോണ്ഗ്രസ് സഖ്യത്തില് അന്തിമ തീരുമാനം എടുക്കുമെന്ന് ടിവികെ നേതാവ് നിര്മല് കുമാര് പറഞ്ഞു.
നേരത്തെ എഐഎഡിഎംകെയുമായി വിജയ് സഖ്യമുണ്ടാക്കുമെന്ന് വാര്ത്തകളുണ്ടായിരുന്നു. എന്നാല് അവര് ഇത്തവണയും ബിജെപിക്കൊപ്പമാണ്. അതുകൊണ്ടുതന്നെ വിജയ് സഖ്യത്തിന് തയ്യാറാകില്ല. ഡിഎംകെ രാഷ്ട്രീയ ശത്രുവും ബിജെപി ആദര്ശ ശത്രുവുമാണ് എന്നാണ് വിജയ് പറഞ്ഞിട്ടുള്ളത്. ഈ സാഹചര്യത്തിലാണ് കോണ്ഗ്രസുമായുള്ള സഖ്യം വാര്ത്തകളില് നിറയുന്നത്. സഖ്യം സാധ്യമായാല് കോണ്ഗ്രസിന് കൂടുതല് സീറ്റുകളില് മല്സരിക്കാന് സാധിക്കും.
-
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ്
Click it and Unblock the Notifications
Sign in with Google