ടിവികെ പരിപാടിയില് സൂപ്പര് ഡാന്സുമായി വിജയ്; ആവേശത്തോടെ പ്രവര്ത്തകര്, 'വിജയം ഉറപ്പ്'
ചെന്നൈ: തമിഴക വെട്രി കഴകം (ടിവികെ) മൂന്നാം വര്ഷത്തിലേക്ക് കടക്കുന്ന ദിനത്തില് പാര്ട്ടി പ്രവര്ത്തകരെ ആവേശത്തിലാക്കി വിജയുടെ ഡാന്സ്. വേല്മുരുകന് പാടാന് തുടങ്ങി അല്പ്പ സമയം കഴിഞ്ഞപ്പോള് വിജയ് അപ്രതീക്ഷിതമായി ചുവടുവയ്ക്കുകയായിരുന്നു. ഇതോടെ പ്രവര്ത്തകര് ആര്ത്തുവിളിച്ചു. വരുന്ന നിയമസഭാ തിരഞ്ഞെടുപ്പില് ടിവികെക്ക് വിജയം ഉറപ്പാണ് എന്ന് വിജയ് പറഞ്ഞു.
രണ്ടു വര്ഷം പൂര്ത്തിയാക്കിയതിനോട് അനുബന്ധിച്ച് നടന്ന സമ്മേളനത്തില്, ജനാധിപത്യ രീതിയില് ടിവികെ അധികാരത്തിലെത്തുമെന്ന് വിജയ് പ്രഖ്യാപിച്ചു. കഴിഞ്ഞ രണ്ടു വര്ഷം പാര്ട്ടി ജനങ്ങള്ക്കിടയില് ശക്തമായ സാന്നിധ്യമറിയിച്ചുകഴിഞ്ഞു. അതിവേഗമാണ് പാര്ട്ടിയുടെ വളര്ച്ച. പാര്ട്ടി രൂപീകരിക്കുന്നതിന് മുമ്പും നമ്മള് ജനങ്ങള്ക്കൊപ്പമുണ്ടായിരുന്നു. എല്ലാവര്ക്കും അതറിയാമെന്നും വിജയ് പറഞ്ഞു.
തമിഴ്നാട്ടില് ഇപ്പോഴത്തെ രാഷ്ട്രീയ ഉണര്വിന് കാരണം ടിവികെയുടെ വരവാണ്. തിരഞ്ഞെടുപ്പ് രാഷ്ട്രീയത്തില് വലിയ മാറ്റമാണ് ഉണ്ടായിരിക്കുന്നത്. ഇത് പാര്ട്ടിയുടെ വിജയത്തിന് വേണ്ടിയുള്ളതാക്കി മാറ്റണം എന്ന് വിജയ് പ്രവര്ത്തകരോട് ആവശ്യപ്പെട്ടു. ഐക്യത്തോടെയും അച്ചടക്കത്തോടെയും തിരഞ്ഞെടുപ്പ് നേരിടണം. നമുക്ക് വിജയം ഉറപ്പാണെന്നും വിജയ് പറഞ്ഞു.
ഗായകന് വേല്മുരുകന് വിജയുടെ കാല് തൊട്ട് വണങ്ങാന് ശ്രമിച്ചെങ്കിലും വിജയ് വേഗത്തില് എഴുന്നേല്പ്പിച്ചു. തുടര്ന്ന് ആറുപടൈ മുരുകന്റെ ചിത്രം അദ്ദേഹം വിജയ്ക്ക് സമ്മാനിച്ചു. ഗാനം ആലപിച്ച വേളയില് വിജയ് നൃത്തം ചെയ്യുമെന്ന് ആരും പ്രതീക്ഷിച്ചിരുന്നില്ല. എന്നാല് വിജയുടെ ഡാന്സ് അണികളെ ആവേശം കൊള്ളിച്ചു. ഇതിന്റെ വീഡിയോ സോഷ്യല് മീഡിയയില് വൈറലാകുകയാണ്.
'എംജിആര് നേരിട്ട അതേ ചോദ്യം തന്നോടും'
കാമരാജ്, അണ്ണാദുരൈ, എംജിആര് ഉള്പ്പെടെയുള്ള മഹാരഥന്മാര് ഭരിച്ച സ്ഥാനത്ത് ഇപ്പോള് ഇരിക്കുന്നത് ആരാണെന്ന് നോക്കൂ. ഇവരില് നിന്ന് തമിഴ്നാടിനെ രക്ഷിക്കാന് ടിവികെക്ക് മാത്രമേ സാധിക്കൂ എന്നും വിജയ് പറഞ്ഞു. തമിഴ് രാഷ്ട്രീയത്തിലേക്ക് ആര് പുതിയതായി വന്നാലും നിങ്ങള്ക്ക് രാഷ്ട്രീയ പരിചയമുണ്ടോ എന്ന് ഡിഎംകെ ചോദിക്കും. ഈ ചോദ്യം എംജിആറും കാമരാജും നേരിട്ടിട്ടുണ്ട് എന്ന് വിജയ് പറഞ്ഞു.
ടിവികെ ഒറ്റയ്ക്ക് മല്സരിക്കുമെന്നാണ് ഇതുവരെയുള്ള വിവരം. ഡിഎംകെ സഖ്യത്തില് നിന്ന് കോണ്ഗ്രസ് പുറത്തുവരില്ല എന്ന് ഉറപ്പായികഴിഞ്ഞു. ബിജെപിയും അണ്ണാഡിഎംകെയും സഖ്യം ചേര്ന്നാണ് തിരഞ്ഞെടുപ്പ് നേരിടുക. അതുകൊണ്ടുതന്നെ ശക്തമായ ത്രികോണ മല്സരത്തിനാണ് തമിഴകം ഇത്തവണ സാക്ഷ്യം വഹിക്കാന് പോകുന്നത്.
വിജയിയെ കൂടെ നിര്ത്താന് ബിജെപി ശ്രമിച്ചെങ്കിലും നടന്നില്ല. വിജയകാന്തിന്റെ ഡിഎംഡികെ പാര്ട്ടി ഡിഎംകെയുമായി സഖ്യ ചര്ച്ച നടത്തുന്നുണ്ടെങ്കിലും അന്തിമ ധാരണയായിട്ടില്ല. ഡിഎംഡികെ ആര്ക്കൊപ്പം നില്ക്കുമെന്നത് തമിഴ് രാഷ്ട്രീയത്തില് നിര്ണായകമാണ്. ടിവികെ വോട്ടുകള് പിടിക്കുമെന്ന ആശങ്ക ഡിഎംകെക്കുണ്ട്. എന്നാല് അത് തിരഞ്ഞെടുപ്പ് ഫലത്തെ സ്വാധീനിക്കില്ല എന്നാണ് അവരുടെ വിലയിരുത്തല്.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ
Click it and Unblock the Notifications
Sign in with Google