വിജയ് കേരളവും ലക്ഷ്യമിടുന്നോ? അതിര്ത്തി ജില്ലകളില് നേട്ടമുണ്ടായേക്കും, പനീര്ശെല്വം മാറുമോ
കേരളത്തിനൊപ്പം നിയമസഭാ തിരഞ്ഞെടുപ്പിന് ഒരുങ്ങുന്ന സംസ്ഥാനമാണ് തമിഴ്നാട്. ഡിഎംകെ, അണ്ണാഡിഎംകെ സഖ്യത്തിന് പുറമെ ഇത്തവണ ശക്തമായ സാന്നിധ്യമായി വിജയ് നയിക്കുന്ന ടിവികെയുമുണ്ട്. ഡിഎംകെ സഖ്യത്തിലുള്ള കോണ്ഗ്രസ് വിജയ്ക്ക് കൈ കൊടുത്തേക്കുമെന്നാണ് സൂചന. രാഹുല് ഗാന്ധി നടത്തുന്ന നീക്കങ്ങളും എഐസിസി സെക്രട്ടറി പ്രവീണ് ചക്രവര്ത്തി വിജയിയെ കണ്ടതുമെല്ലാം ഈ ചര്ച്ചകള്ക്ക് ആക്കം കൂട്ടിയിട്ടുണ്ട്.
കോണ്ഗ്രസ്-ടിവികെ സഖ്യം നിലവില് വന്നാല് പ്രതിഫലനം കേരള രാഷ്ട്രീയത്തിലുമുണ്ടാകുമെന്നാണ് ഇരുപാര്ട്ടികളും കരുതുന്നത്. വിജയ്ക്ക് നിരവധി ആരാധകരുള്ള സംസ്ഥാനമാണ് കേരളം. മാത്രമല്ല, വിജയ് ആരാധകരുടെ കൂട്ടായ്മ കേരളത്തിലും സജീവമാണ്. കേരള-തമിഴ്നാട് അതിര്ത്തി പങ്കിടുന്ന ജില്ലകളില് ഇത് ഇരുപാര്ട്ടികള്ക്കും നേട്ടമായേക്കും.
ഇടുക്കി ജില്ലയുമായി അതിര്ത്തി പങ്കിടുന്ന തമിഴ്നാട്ടിലെ ജില്ലയാണ് തേനി. ഇവിടെയുള്ള നാല് മണ്ഡലങ്ങളില് മൂന്നിലും ഡിഎംകെയാണ് ജയിച്ചത്. കോണ്ഗ്രസ്, സിപിഐ, സിപിഎം, മുസ്ലിം ലീഗ് എന്നീ പാര്ട്ടികളെല്ലാം കേരളത്തില് വിരുദ്ധ ചേരിയില് ആണെങ്കിലും തമിഴ്നാട്ടില് ഡിഎംകെ നയിക്കുന്ന സഖ്യത്തിലാണ്. ഇവിടെ നിന്നാണ് കോണ്ഗ്രസ് മറ്റൊരു വഴിയില് യാത്ര ചെയ്യാന് ആലോചിക്കുന്നത്.
തേനിയിലെ ബോഡിനായ്ക്കന്നൂര്, കമ്പം നിയമസഭാ മണ്ഡലങ്ങള് ഇടുക്കിയുമായി അതിര്ത്തി പങ്കിടുന്നവയാണ്. ബോഡിനായ്ക്കന്നൂരില് ഒ പനീര്ശെല്വമാണ് 2021ല് ജയിച്ചത്. നിലവില് അണ്ണാഡിഎംകെ നേതൃത്വവുമായി ഉടക്കി നില്ക്കുകയാണ് പനീര്ശെല്വം. മുന് മുഖ്യമന്ത്രിയായ ഇദ്ദേഹത്തെ അകറ്റിയാണ് എടപ്പാടി പളനിസ്വാമിയുടെ നീക്കങ്ങള്.
പനീര്ശെല്വം ടിവികെ സഖ്യത്തില് എത്തിയാല്
എടപ്പാടി പളനിസ്വാമിയും ബിജെപിയും കൈകോര്ത്താണ് നിയമസഭാ തിരഞ്ഞെടുപ്പ് നേരിടാന് ഒരുങ്ങുന്നത്. പനീര്ശെല്വത്തെയും ടിടിവി ദിനകരനെയും കൂടെ കൂട്ടരുത് എന്നാണ് എടപ്പാടി പളനിസ്വാമി ബിജെപിയോട് ആവശ്യപ്പെട്ടിരിക്കുന്നത്. എന്നാല് എല്ലാവരും ഒരുമിച്ച് നിന്നാല് മാത്രമേ ഡിഎംകെയെ പരാജയപ്പെടുത്താന് സാധിക്കൂ എന്ന് ബിജെപി പറയുന്നു. അതിനിടെ പനീര്ശെല്വം ടിവികെ സഖ്യത്തിലേക്ക് മാറിയേക്കുമെന്നും പ്രചാരണമുണ്ട്.
കോണ്ഗ്രസ് മല്സരിച്ചിരുന്ന മണ്ഡലമാണ് ബോഡിനായ്ക്കന്നൂര്. കഴിഞ്ഞ തവണ ഡിഎംകെ മണ്ഡലം ഏറ്റെടുത്തു. എന്നിട്ടും പനീര്ശെല്വം ജയിച്ചു. ടിവികെ സഖ്യത്തിലേക്ക് കോണ്ഗ്രസ് മാറിയാല് ഈ മണ്ഡലത്തില് ത്രികോണ മല്സരം നടക്കും. പനീര്ശെല്വം കൂടി ടിവികെ സഖ്യത്തിലേക്ക് വന്നാല് ആര് മല്സരിക്കുമെന്ന കാര്യത്തില് പിടിവലിയാകും.
ടിവികെ നയിക്കുന്ന സഖ്യത്തിലേക്ക് മാറിയാല് കൂടുതല് പ്രാതിനിധ്യം കിട്ടുമെന്നാണ് സഖ്യത്തെ പിന്തുണയ്ക്കുന്ന കോണ്ഗ്രസ് നേതാക്കള് ഹൈക്കമാന്റിനെ അറിയിച്ചത്. കേരളത്തിലും പാര്ട്ടിക്ക് ഗുണമാകുമെന്നാണ് ഇവര് പറയുന്നത്. വിഷയം ചര്ച്ച ചെയ്യാന് കഴിഞ്ഞ ദിവസം ഡല്ഹിയില് യോഗം വിളിച്ചിരുന്നു. അതേസമയം, ഡിഎംകെ നയിക്കുന്ന സഖ്യത്തില് നിന്ന് പിന്മാറുന്നത് ആത്മഹത്യാപരമാണ് എന്നാണ് ഒരു വിഭാഗം കോണ്ഗ്രസ് നേതാക്കളുടെ നിലപാട്.
-
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000
Click it and Unblock the Notifications
Sign in with Google