Click it and Unblock the Notifications
Just In
Don't Miss
-
ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ -
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ഫേസ്ബുക്ക്; മഹാരാഷ്ട്രയില്‍ വീണ്ടും സംഘര്‍ഷം
മുംബൈ: സോഷ്യല്‍ നെറ്റ് വര്‍ക്കിംഗ് ഭീമന്മാരായ ഫേസ്ബുക്ക് മഹാരാഷ്ട്രയില്‍ വീണ്ടും അശാന്തി വിതയ്ക്കുന്നു. ഫേസ്ബുക്ക് പോസ്റ്റിനെ ചൊല്ലി മഹാരാഷ്ട്രയില്‍ ഉണ്ടായ സംഘര്‍ഷത്തില്‍ നാല് പോലീസുകാര്‍ക്ക് പരിക്കേറ്റു. ട്രാന്‍സ്‌പോര്‍ട്ട് ബസ്സുകള്‍ക്ക് കല്ലെറിഞ്ഞ് സംഘര്‍ഷാവസ്ഥ സൃഷ്ടിച്ച ഇരുപത്തഞ്ചോളം പേരെ പോലീസ് അറസ്റ്റ് ചെയ്തു.
മഹാരാഷ്ട്രയിലെ ഝുലെ ജില്ലയിലെ ദേവാപൂരിലാണ് സംഘര്‍ഷം ഉണ്ടായത്. ഫേസ്ബുക്കില്‍ അപമാനകരമായ പോസ്റ്റ് ഇട്ടു എന്ന് ആരോപിച്ചായിരുന്നു പ്രശ്‌നം തുടങ്ങിയത്. ഈ പോസ്റ്റ് വാട്‌സ് അപ്പിലൂടെ പ്രചരിക്കുന്നുണ്ടത്രെ. ബസ്സുകള്‍ക്ക് കല്ലെറിഞ്ഞും പോലീസുകാരെ ആക്രമിച്ചും ഒരു കൂട്ടം ആളുകള്‍ അക്രമം അഴിച്ചുവിട്ടു. ഇപ്പോള്‍ സ്ഥിതി നിയന്ത്രണ വിധേയമാണ് എന്ന് പോലീസ് അറിയിച്ചു.
നേരത്തെ ഫേസ്ബുക്കിലൂടെ ബാല്‍ താക്കറെയെ അപമാനിച്ചു എന്നാരോപിച്ച് പുനെയില്‍ ഒരു സംഘം ആളുകള്‍ മുസ്ലിം യുവാവിനെ മര്‍ദ്ദിച്ച് കൊലപ്പെടുത്തിയിരുന്നു. പള്ളിയില്‍ നിന്നും നിസ്‌കാരം കഴിഞ്ഞ് വരികയായിരുന്ന മുഹ്‌സിന്‍ സാദിഖ് ഷെയ്ഖ് എന്ന 24 കാരനാണ് കൊല്ലപ്പെട്ടത്. ഹിന്ദുരാഷ്ട്ര സേന എന്ന സംഘടനയുടെ പ്രവര്‍ത്തകരാണ് കൊലപാതകത്തിന് പിന്നില്‍.
ഹിന്ദു രാഷ്ട്ര സേനയുടെ നേതാക്കളെയും പ്രവര്‍ത്തകരെയും പോലീസ് അറസ്റ്റ് ചെയ്തിരുന്നു. ഈ സംഭവത്തെ തുടര്‍ന്ന് പുനെയില്‍ ഒരാഴ്ചയോളം സംഘര്‍ഷാവസ്ഥ നിലനിന്നു. ഛത്രപതി ശിവജി, ബി ആര്‍ അംബേദ്കര്‍ തുടങ്ങിയവര്‍ക്കെതിരെയും ഫേസ്ബുക്കില്‍ മോശപ്പെട്ട പോസ്റ്റുകള്‍ ഉണ്ടായിരുന്നു. ഇതേത്തുടര്‍ന്ന് മഹാരാഷ്ട്രയുടെ വിവിധ ഭാഗങ്ങളില്‍ പ്രശ്‌നങ്ങളുണ്ടായി.
